العلم متاح من مصادر اونلاين فلوسها قليلة فعلا، وعادة المحتوى وصناعه بيكونوا كويسين جدا وهيقدموا أفضل تجربة تعليمية، بس لو مش بتعرف تتعلم اونلاين لأي سبب وقررت تتجه لأنك تاخد محتوى بمقابل مادي مع حد انت مش مغفل، ولا بتعمل حاجة غلط، كونك بتحاول تتعلم حاجة عموما شئ رائع بتعمله لنفسك
لو مستصعب البداية مثلا وتايه وحسيت انك محتاج تاخد الكورس ده عشان يشدك ويبقى فيه حد فوق دماغك، مش عيب وناس كتير عملت كدة، حاول كل مدى تتعلم من مصدر مفتوح في نفس الوقت ده هيسهل عليك الدنيا وينمي عندك مهارة التعليم الذاتي وهي اهم مهارة هتحتاجها
لو شايف ان عندك مشكلة في تنظيم الوقت، ف هي مهارة بتتنمى مع الوقت ملهاش علاقة بالتعليم الذاتي او في فصل؛ متربطهمش ببعض. حاول تنمي المهارة واتعلم بالطريقة اللي مناسباك ايا كانت هي ايه مادام مختارها وانت عارف بديلها
في المجال التقني عموما مفيش قاعدة، مفيش كلام حد على تويتر او غيره صح مهما انتشر ومهما كان ظاهر انه صح؛ لو مش مناسبك ارميه في الزبالة أو خد جزء منه، عشان كل الاراء فيها جزء من الصحة وجزء -كبير في رأيي- غلط.
حاول دايما تقرأ المحتوى سواء تعليم عن بعد او كورس وغيره 👇
حاول دايما تقرأ المحتوى سواء تعليم عن بعد او كورس وغيره 👇
اسأل عن مقدم المحتوى أو المحاضر، شوف LinkedIn بتاعه او ال resume بتاعته، حاول تعرف ان لو كورس غالي جدا ف هو عادة قيمته هتبقى زي الكورس اللي سعره متوسط وهتاخد نفس التجربة التعليمية، ف توفيرا للفلوس متروحش لكورس غالي جدا؛ تحديد غالي او لأ هيبقى عن طريق المقارنة بين كذة حاجة.
فيه طريقة تالتة للتعلم انك تخلي حد اكبر منك شوية بس يتابع معاك المصدر ويشوفك واصل فيه لفين، مش لازم تنقي حد شغال في افضل شركة في العالم وتقرر ان ده لازم يبقى المنتور بتاعك؛ عادة لو حد سابقك بخطوتين هيبقى مناسب جدا للمهمة ديه.
مايكل حاطط هنا مصادر كويسة جدا للتعلم الذاتي وكيفية انك تبدأ فيه.
جاري تحميل الاقتراحات...