🔴 مافيش حد بيصحي الصبح يمسك الموبايل، ويكتب ع السوشيال:
"صباح الخير أنا النهاردة أستلفت فلوس علشان أكمل قسط حاجة في بيتي" ولا واحد يكتب: "صباح الخير أنا النهاردة لفيت علي خامس دكتور علشان تعبان ومحتاج عملية والدنيا معايا صعبة" ولا حد بيصحي يكتب قائمة المنغصات اليومية اللي عنده⬇️

معظم الناس بتعتبر السوشيال ميديا وسيلة لتخفيف الضغط.
بيصحي يحط صورة حلوة ليه علشان تقوله الله تجنن ، ف ترفع من روحه المعنوية.
أو يكتب بوست هزار علشان يسمع ضحكات تهون عليه الدنيا ، أو يكتب أي حاجة عن أفكاره ومشاعره اهو يفضفض شوية عن المشاعر الي جواه..
⬇️

لكن من الخلل إني أفتكر إن حياته الحقيقية هي حياته اللي علي سوشيال ميديا ؟!
وأفضل مكدر نفسي ومتخيل إني الوحيد التعيس في هذا العالم وكل العالم بقوا سعداء ومزقططين !!
الحياه هاتفضل حياة ، ( فيها الحلو وفيها المُر )
كلنا حكايات جوة بعضها مش حكاية واحدة والحيطان مدارية حكايات كتير
⬇️

صعبة محدش يعرف عنها حاجة..
(الناس بتحب تحكي عن أي حاجة حلوة ومحدش هايحكي عن خيبته ، الخيبة مابتتحكيش ، الخيبة بتداري)
إنتهي