متوفر مواعيد مستعجلة هالاسبوع بدون قيمة المستعجل فقط قيمة التحليل لكل الخدمات ماعدا الميلادية عبارة عن حجز بموعد خلال شهر ديسمبر ، الاسعار بالمثبته💓 وبشرح الحين تحت التغريدة كل خدمة وايش تحتوي عشان ماتكثر الاسئلة عالدي ام لانه مره صاير يعلق معاي ضروري تنتبهون..
✨الميلادية تحليلي لها يكون لكل كوكب بكل اتصالاته وشرح لتأثيرها مع تاثير الحاكم وتحديد البيوت اللي مو متوازنه بالخريطة مع تحديد كيف تتوازن وكيف تخففون من دروس او عراقيل تخص البيت اللي فيه اختلال بتوازنه ، شرح لجميع الجوانب النفسي والمهني والمواهب والصحي والعاطفي والزواج والاطفال
والخريطة الميلادية افضل خيار تحللونه لو تبون تعرفون انفسكم اكثر ك شخصية نقاط القوة والضعف جانبكم العاطفي وشخصيتكم في العلاقات ، شغفكم وين يكون بالضبط! مواهبكم والاشياء اللي تجيدونها عن طريق خريطتكم ، التخصصات المناسبة ، كل شي يخص الزوج ابراجه شخصيته وطريقة التعارف ، طفولتكم ..
نظرة الاهل لكم واذا عندكم دلالات تخص مشاكل نفسية معهم او استنزاف نفسي بالاضافة اذا لو عندكم دلالات سيئة مع الاخوة وكيف تخففون منها ، الوضع المالي واذا فلكيًا يناسبكم البزنس الجانبي او وظيفة! كل شي يخص وظيفتكم اذا فيها نحوسات وصعوبات او لا وكيف طبيعة وظيفتكم المستقبلية وغيره ع حسب
الخريطة الميلادية بحر وفيها كل شي يخص شخصيتكم وجوانبكم وعلاقاتكم الاجتماعيه واذا فيه نحوسات تخص صداقاتكم وبرضو رسالتكم في الحياة..ايش الشي اللي مايظهر لي بالخريطة الميلادية! اسئلة تخص هل بتزوج هالسنة؟ هل بتوظف قريب؟ ايش الشريك يحس تجاهي؟ هل بسافر قريب واي شهر؟ هذي ماتخص الميلادية
✨الخريطة السنوية الامثل عشان تشوفون ايش راح يصيرلكم هالسنة ، ايش الجوانب اللي بتتفعل بخريطتكم! ايش المواقع اللي المفترض تستغلونها هالسنة فقط ، ايش المواهب اللي راح تتفعل عندكم هالسنة وبيكون سهل عليكم تتقنونها ، حالتكم النفسية ورسالتكم بالسنوية ، فيه سفر او لا وفيه زواج او لا
اشوف السنوية جدا مهمة عشان فيها تكنيكس وفرص ماراح تظهرلكم الا هالسنة ولو ما استغليتوها راح يصعب عليكم تتعاملون كويس مع السنوية اللي بعدها وراح تضيعون ع انفسكم فرص كثير عشان كذا اشوف السنوية مهمه ك استشفاء وتاثيرها اقوى جدا من الميلادية لانه السنوية احداث وفرص لكن الميلادية شخصية
✨الخريطة التوافقية افضل خيار للناس اللي بعلاقه وتبي تعرف توافقها مع الشريك راح يشمل التحليل تاثيركم ونظرتكم لبعض واذا فيه دلالات زواج بينكم او لا ونقاط القوة والضعف اللي تخص علاقتكم والجوانب اللي المفترض تشتغلون عليها والاتصالات الصعبه ، ضروري هنا وقت الولادة للطرفين يكون دقيق
وعلى فكرة اشوف التوافقيه مو شرط للعلاقات العاطفيه بالعكس مهم نشوف توافقنا بالصداقات وكثير جوني سوو توافقيه مع امهاتهم وابائهم مره مهمه التوافقية لانها تساعدكم بفهم طاقة علاقتكم وتخفف المشاكل بين الطرفين وحتى تزيد وعيك لان كل شي صعب له سبب فلكي وبمجرد مانعرف السبب بنعرف الحل
✨تصحيح الطالع ، الخدمة هذي للناس اللي مو متاكدين من ساعة الولادة لكن يكونون شاكين بخمس ساعات اقصى حد لان اكثر من كذا بيكون مُتعب التصحيح لي ، عبارة عن جلسة اسئلة عن احداث حياة الشخص والتواريخ وبرضو احتاج فيها صورة للشخص يساعدني كثير بالتصحيح وبالنهاية نعرف الخريطة الصحيح بالدرجة
جاري تحميل الاقتراحات...