ثريد انقذنا اثنين من حادث
تابع السرد,
تابع السرد,
كنا انا واخوي بالبر يمكن داخل البر ٤٠ كيلو المهم مابذكر السبب الرئيسي بس كان وقتها اشغال حنا وراجعين للبيت بالليل الساعه ٧ مساء ضيعنا طريق العوده فالبر وندور الطريق الي يطلعنا للطريق المهم لقينا سياره مشغله انوار من بعيد قلنا نمر عليه ونسأله على كيف نطلع ومنها نساعده اذا يبي شي
المهم قربنا قربنا ولقينا سياره مقلوبه انا انفجعت وقتها لقيت واحد يعني شبه صاحي وواحد مرمي بلارض يصارخ المهم نزلنا على طول رحنا عندهم والدنيا ليل ولا فيه انسان او احد بالمكان الي احنا فيه سالت الي شبه صاحي قلت له معك رقم احد تعرفه ؟ قال ما ادري
وانا من غبائي كنت وقتها ادخن كل شوي اعطيه دخان للي كان نص صاحي اقوله روق هدي ماعليك اصبر شوي المهم وذاك الي بلارض يصارخ اخوي جلس جنبه والرجال يقوله سلم على عيالي تكفى اقسم بالله انه موقف بالواقع يقشعر انا ماعاد اتحمل قلت خلاص بشيله جينا بنشيله انا واخوي كل مامسكناه من مكان صارخ
المهم جبنا بطانيه وحطيناه عليها والرجال كان ماشاءالله يعني مره وزنه ثقيل وانا واخوي كان وقتها مو مره كبار يعني جينا بنشيله ماقدرنا المهم غطيناه عشان لايبرد وجينا ندق على الاسعاف الاسعاف مايدري وين حنا وحنا ماندري وين حنا وشبكه زي الناس مافي المهم وقال هذاك دورلي جوالي
المهم دورت على جواله وحطيته بالشحن واشتغل جواله ودقيت على اخر رقم وقلت راعي الجوال سو حادث انا بالبر بالمنطقه الفلانيه لكن ما ادري وين انا بالضبط وحاولو تجون بسرعه المهم والي بلارض يصارخ تكفون سلمو على عيالي نقوله يابن الحلال ماراح يصير لك شي بس اهدى الحين جاي الاسعاف بالطريق
المهم شغلت انوار السياره حقتي ولفيتها باتجاه وقعدنا ننتظر المهم وقعدت اشيل كل شي لهم هويات صرافات جمعتها بكيس وحطيتها جنبهم وكانت الدنيا ليل ووقتها برد وهذاك يقولي لايصير على خويي شي وانا ماني عارف وش اسوي واقوله لا ماعليكك اصبرر لين ماجت سياره من بععيد مره
قعدت أأشر لهم وأأشر لييين ماجو عندنا وصلو عندنا ٣ سيارات والاسعاف كان ينتظر على الطريق العام المهم شلناه بالسياره اعطيته الاغراض وهذاك قالي انتبه عليه لايصير عليه شي يخوان اقسم بالله وقتها الشعور جداً عجيب مادري كيف اوصفه المهم وراحو اخذوه المستشفى
اول يوم اخوي راح للمستشفى يتطمن عليه ووقتها قعدو يشكروه ويقولون وش صار معاهم ومن هاالكلام وثاني يوم رحت انا كان داخل العنايه المشدده وصاير معاه نزيف داخلي المهم ماخلوني ادخل عنده بس انو كان مو مره كويس اخذو رقمي اخوياه ووقتها عرفت انه كان ضابط مستلم من القريات لسكاكا
بعد بفتره دقو عليي وسالوني عن الي صار وسالتهم عليه شلون صار؟ قالو انه توفى بمستشفى الرياض بعد مانقلوه الله يرحمه ويغفرله وبعد حوالي سنتين برضو مرض اخوي وتوفى سرطان
الي صار معي ذا مستحيل اني انساه الله يكتب اجر كل احد حاول يساعد الناس وجعل ربي يرحمهم ويرحم جميع المسلمين
الي صار معي ذا مستحيل اني انساه الله يكتب اجر كل احد حاول يساعد الناس وجعل ربي يرحمهم ويرحم جميع المسلمين
وكذا انتهت القصه الي كثير مايدري عنها وحبيت اقولها واتمنى ماتنسونهم من دعواتكم وشكراً
جاري تحميل الاقتراحات...