الـ Black Friday قرب وانت عمال تحوش من أول السنة (قال يعني) عشان تيجي اللحظة وتشتري أونلاين بالتخفيضات المزعومة. تعالى نتخيل أنك لقيت أونلاين قميص حلو بتخفيض 60% هيتشحن من الصين فهيجيلك كمان شهر. عجبك القميص اشتريته. نزلت روكسي تاكل شاورما لقيت القميص بيتباع على الارصفة. ثريد!
بعيدا عن رفضك لتخيل المثال لأنك مدقدق وفاهم في الشراء أونلاين كويس، بس لو حصل حاجة زي كده هتحس بمساوئ أن الـ E-Commerce زي مثلا انتظار وصول المنتج، صعوبة التأكد من جودته وانه اتنصب عليك لأن اسرع حاجة في التجارة الالكترونية خاصة للمنتجات هي الوصول للمنتج والدفع أنما غير كده بطيء.
الـ E-Commerce اتطور بسرعة السنوات اللي فاتت عشان يوصل في مفاهيم التخزين والتوزيع Supply Chain للشكل اللي يحقق اسرع طريقة في وصول المنتج وآليات خدمات ما بعد البيع. ولكن مع تضخم شركات بعينها لتقديم خدمات التجارة الالكترونية بدأ ده يؤثر على الشركات الصغيرة والمتوسطة
لما دخلت فيسبوك على الخط كان الهدف هو Disruption جديد في التجارة الالكترونية من خلال تقديم متاجر صغيرة لأي User من خلال انستجرام وباستخدام القدرة الهائلة للإعلان ممكن ناكل من حصة الشركات الضخمة شوية اللي بتقدم خدمات التجارة الالكترونية. انستجرام حققت مكاسب كبيرة بس لسة في مشاكل
من مشكلات التحول اللامركزي في التجارة الالكترونية Decentralization of E-Commerce هو القدرة على حساب العرض والطلب Availability to promise بشكل دقيق وده لأن كل متجر صغير بيشتري من نفسه الخامات من ال Supplierوالنظم اللي بتحكم المتاجر الصغيرةمش بتعقيد ودقةوتوافر المعلومات أمازون مثلا
لما جت الكورونا فجأة العالم صحي لقى ان اللوجيستيات بتتأثر بشكل كبير وتوافر السلع مهما وصلت التجارة الالكترونية والرقمنة من تطور في استيعاب الطلب Order entry وتحليل المخاطر إلا أنه لازالت عرضة لمشاكل البنية التحتية الواقعية مش الواقع الافتراضي اللي بنيته شبكة الانترنت.
ارتفعت أسعار الشحن ولا تزال ترتفع، الطلب حصل فيه تزايد كبير فجأة عمل مكاسب كبيرة للي قدر يستوعب الطلب Order fulfillment، ولكن بتباطئ كبير في وصول السلع في مواعيدها وبدى أنه لازم يحصل تطوير للـ Last-Mile Logistics او لوجيستيات الميل الأخير من نقطة التخزين الأخيرة وحتى المستخدم.
وهنا بدأ يظهر ما يعرف بالـ Q-Commerce وهي آخر صيحات الموضة في عالم التجارة الالكترونية. Q-Commerce اختصار لـ Quick Commerce أو التجارة السريعة. أساسها هو تقليل زمن الوصول للسلعة لأقل من ساعة من أول البحث عنها، لطلبها، لأنها توصلك العنوان. طب بتشتغل ازاي وأيه مميزاتها وتحدياتها؟
الفكرة ببساطة أننا نستخدم المتاجر الصغيرة كـشبكة Agents رقمية للـ Suppliers لتوصيل السلع في محيط جغرافي معين وباستخدام الأنظمة الرقمية المختلفة سواءا كانت الاعلانية أو التجارية نجمع معلومات عن الطلب ونحدد العرض المناسب له ونخطط له بشكل أفضل ونوصلهوك في أسرع وقت.
في الـ Q-Commerce لما هتطلب قميص عليه تخفيض أونلاين مش هيتشحن من الصين، النظام هيحاول بأسرع وقت يجبهولك لو حتى من الراجل اللي بيبيع قمصان على الرصيف لأنه متوصل بالشبكة ومستعد لأنه يكون جزء من شبكة التجارة السريعة. والتوصيل هيحصل من خلال الشركات اللي بتشتغل بشكل لامركزي كمان
يبقا أحنا بنشيل من على المستخدم مشكلة أنك تفضل تدور على نفس المنتج هنا وهنا وتاخد قرار وتشوف تسعير مختلف وبنحول الموضوع لـ On demand وبتداخل المفاهيم الرقمية مع اللامركزية نقدر نوفرلك السلعة بشكل أكبر وكمان نفيد المتاجر الصغيرة والمتوسطة جدا.
الحقيقة نفسي عندنا نهتم أكتر بالQ-commerce ده لأنه ممكن يحقق استفادة كبيرة جدا للأعمال الصغيرة والمتوسطة خاصة في بلد ضخم زي مصر، وهو اقتصاد كبير ممكن يعود بالنفع علينا وعلى التصدير أيضا وشكرا :)
جاري تحميل الاقتراحات...