انا حابي أوثّق شكل النقاش الدائر حالياً بينا كشباب في لجنة المقاومة للرؤية السياسية القادمة و طبيعة الأسئلة الملحة الطرحناها و بنفكر فيها ، و عايزين النقاش ده ينتقل لبقية اللجان و تحاول تفكّر معانا بصوت عالي، انا لخصت ما يدور في ذهني ف 3 نقاط رئيسية>> ثريد
1/ الإعلان السياسي؟
في البداية محتاجين إعلان سياسي تتبلور فيهو قيم الثورة بي صورة عامة و تكون المنطلق البنقيف فيهو علي أرضية ثابتة لقدام، نركز فيهو علي رفضنا لما حدث في 25 اكتوبر ومن ثمَّ ندرج فيهو مباديء الحريات العامة والسيادة الوطنية و رفض تغول العسكر على الحياة العامة و غيره
في البداية محتاجين إعلان سياسي تتبلور فيهو قيم الثورة بي صورة عامة و تكون المنطلق البنقيف فيهو علي أرضية ثابتة لقدام، نركز فيهو علي رفضنا لما حدث في 25 اكتوبر ومن ثمَّ ندرج فيهو مباديء الحريات العامة والسيادة الوطنية و رفض تغول العسكر على الحياة العامة و غيره
ويكون فيو طرح لواقع جديد يستبعد المكون العسكري الحالي من المشهد السياسي، ورفض للوثيقة الدستورية و العودة للوراء، نحاول نعلن ميثاقنا ده عبر مؤتمر صحفي ونبرز قياداتنا المنتخبة من اللجان ونقدم دعوة مفتوحة لكل الكيانات السياسية والهيئات النقابية الممكن تصطف معانا (بما فيها قحت نفسها)
2/ الاطار الدستوري
هنا ده المحك الحقيقي بالنسبة لينا ومحتاجين نخش في التفاصيل، مفترض نحدد شكل مؤسسات الإنتقال العايزنها و بصورة رئيسية المجلس السيادي إنو عضويتو كم من المدنيين و آلية إختيارهم والصلاحيات الممنوحة للمجلس، وكذلك مجلس الوزراء وهنا ممكن يتم الإحتفاظ بحمدوك كرئيس وزراء
هنا ده المحك الحقيقي بالنسبة لينا ومحتاجين نخش في التفاصيل، مفترض نحدد شكل مؤسسات الإنتقال العايزنها و بصورة رئيسية المجلس السيادي إنو عضويتو كم من المدنيين و آلية إختيارهم والصلاحيات الممنوحة للمجلس، وكذلك مجلس الوزراء وهنا ممكن يتم الإحتفاظ بحمدوك كرئيس وزراء
إستناداً للقبول النسبي ليهو في أوساط الشارع والمجتمع الدولي وتجنباً لي لغط الخلاف الممكن ينتج عن الحاجة دي، ومن ثمَّ قدامنا المجلس التشريعي وهنا في مقترح كامل لتشكيل المجلس قدمو تجمع الاجسام المطلبية (تام) ممكن الناس تقيمو وتنتقدو وتقيف عليهو وتحاول تطورو. المقترح موجود عندي pdf.
3/ القيادة السياسية
على اللجان انتخاب متحدثين رسميين بإسمها والحاجة دي ما مستحيلة نهائياً، وانا من خلال تجربتي بقول إنو بشوية نقاش هاديء مع الشباب بالإمكان الوصول لي توافق حول متحدثين وأهم شيء نتجنب الشطط والتخوين وندعم قيادتنا ونصوبها ونقومها في كل تحركاتها.
على اللجان انتخاب متحدثين رسميين بإسمها والحاجة دي ما مستحيلة نهائياً، وانا من خلال تجربتي بقول إنو بشوية نقاش هاديء مع الشباب بالإمكان الوصول لي توافق حول متحدثين وأهم شيء نتجنب الشطط والتخوين وندعم قيادتنا ونصوبها ونقومها في كل تحركاتها.
الشباب ما يتخوّف من الموضوع ده نحنا ما مطلوب مننا نكون قيادة تنفيذية للإنتقال (بمعنى نكون وزراء وبرلمانيين وغيره) ، لا نحنا حنكون القيادة البتدير الإنتقال و تقيف على مؤسساته.
بتمنى باقي الشباب يشاركونا الرأي و التفكير
بتمنى باقي الشباب يشاركونا الرأي و التفكير
جاري تحميل الاقتراحات...