اللحــمة قالـت للفــول
إتلـــم يا مدمـــس
شايفاك كده على طــول
فرحـان ومتحمــس
على إيه عايش لي الدور
يا ابو طينة ومسوس
الفــــــول قـــال لــها
مسوس وليا الفخـر
أكــــل الغــــلابة انــا
شـاهـد عـليا الدهـر
مشـهــــور ويكفينـــي

وسـط البشر سـمعة
بطحينــة تلاقينــــي
أو حــتى بالدمعـــة
يعرفنـي جيل ورا جيل
م الروضـة للجامعة
أمـــا انتـي يا تعبـــانه
للشــهرة محـــدودة
علـى خشــبة الجـــزار
أهي سلعة معروضـة
غالية صحيـح التـمــن
هايجور عليكي الزمن
مـا هاتبقـي موجـــودة .

اللحمــة قالـت هـهءء
ده قصر ديل يا ازعر
إشهــد وقـــول الحــق
علـى إيـه هاتتكبـر
دا انا يابني من صغـري
وانا أكلـة البشـــوات
ولا يعمــل البـوفتيـك
غير لحمي أنا بالذات
والفــتة مــن غــيري
تشـبع صوات وعياط
ولا حــد مــني يمــل

ولا حـد غيري يحـل
قام حط رجل ف رجل
وبعلـو صـوت قام قال
شوفي يا حــتة عجـل
سيبيكي م الفشخرة
وكفـاية هــري كتيـر
يا واخدة ع المنظرة
والكـــدب والتبــريـر
دا انتـي يا موكوســة
خلطوكي لحم حـمير
ناسـيه جنون البقـر
من كام سـنة فاتـوا ؟!

واللي اتـأذوا م البشـر
ضحكتله ضحكة خوف
وقالـت لـه ما تفكـك
إعمل يا فـول معـروف
دا انا برضوا زي اختك
وكــلامي كــله هــزار
صـدقـني وبانغشــك
دخل الشيطان وسطنا
والمشــكلة كبــــرت
انــت الكبيـــر إنمـــا
انا عـــيلة وغلطـــت .
😂😂😂😂