اذا انت مقبل على إختيار تخصصك الجامعي ومحتار وش تتخصص بعطيك بعض الخطوات اللي راح تسهل عليك وتساعدك في اختيار تخصصك :
١- اقرأ عن كل تخصص جاي ببالك تختاره وابحث عنه وعن المسميات وعن ايش يتكلم.
٢- ابحث في لينكد ان عن الاشخاص اللي تخرجوا من هالتخصص وشوف تجاربهم مع التخصص وقيس عليها.

٣- شوف مهاراتك وشغفك وابداعك وين وقيس عليها انت تقدر تبدع بالشيء هذا ولالا.
٤- لا تقيس سوق العمل على السنه هذي لا قيسه على مدى خمس سنوات هل التخصص قوي مستقبله ولالا.
٥- اسئل الطلاب اللي يدرسون هالتخصص وشوف وش الخطه الدراسيه وش الحاجات اللي بتدرسها.

٦- قفل اذانك ولا تقرر بسبب مدح او سب الشخص لتخصص انت ادرس وضع التخصص من ناحيه الدراسه من ناحيه بعد ماتتخرج وش الفرص اللي قدامك وكذا.
٧- مافي تخصص صعب ومافي تخصص سهل انت وجهدك تقدر تخليه سهل وممتع وتقدر تهمل وتخليه صعب وممل.
٨- صل استخارة قبل تختار عشان يكتب لك الله اللي به خير

بعد كل هالحاجات ودراستك للوضع وكل شي وتقييمك للوضع عن التخصصات اللي محتار بينهم راح تكون عارف ومتوجهه صح لتخصصك ومختاره بعد دراسه للتخصص وسوق العمل ومتوجهه صح وعارف كيف راح تبدأ وكيف تنتهي.

طيب لنفترض انك بعد كل هالخطوات صرت محتار بين تخصصين وكلهم عاجبينك ، صل صلاة استخارة بينهم والله يكتب لك اللي فيه الخير والتوفيق يارب ، وبالتوفيق للجميع❤️