رتبها

المكتـــــب الموحـــد للأطبـاء
موجهات صحية ( ٢ )
(-كيف تسعف المصاب-)
⭕️ لو زول اتضرب جنبك أول حاجه حركوا من مكان ضرب النار لمكان امن.
⭕️ حاول تحافظ على المصاب ثابت قدر ما تقدر وما تحركو كتير.
⭕️ حافظ على الرأس في نفس مستوى الجسم إلا لو كانت الإصابات في
#مليونية13نوفمبر

الرأس أو الرقبه، في الحاله دي أفضل يكون المريض قاعد أو واقف لانو لو اتمدد ممكن يزيد عليهو النزيف.
⭕️ حاول تتكلم مع المصاب وأساله عشان تتأكد اذا كان واعي ولا لا. لو كان ما واعي حاول تفوقه.
⭕️ لو ما فاق حاول تتأكد أنو بيتنفس عن طريق انك تقرب اذنك لخشمو
#مليونيه13نوفمبر

وتحاول تسمع صوت التنفس او تحس بيهو في نفس الوقت عينك على صدره عشان تتأكد بيتحرك ولا لا.
⭕️اذا كان المصاب بيتنفس لكن ما واعي افتح خشمه اتأكد إنو لسانه ما سادي مجرى التنفس لو كان ساديهو حرك الرأس يمين أو يسار. بعدها أرفع ذقنه لفوق،لو كان خشم المصاب أو أنفه مليانة
#مليونية13نوفمبر

مليانه بالدم فنحاول نفرغه عشان ما يتخنق.
⭕️ و أنت بتنقل في المريض حاول تثبت الرقبه بطريقه صاح عشان ما يحصل اختناق بالدم أو اللسان ( تسند الراس وتخلي مجرى التنفس فاتح )
⭕️ لو المصاب ما كان واعي حاول تقلع ليهو ملابسه عشان تتأكد اذا في أي إصابة أو رصاصة تانية م كانت ظاهرة ليك.

⭕️إذا لقيت اي مكان بتاع نزيف اضغط عليه بقوة بقطعة بتاعة قماش نظيف.
⭕️لو القطعة الوقفت بيها النزيف اتملت بالدم ما تغيرها بواحده تانية.خت فوق ليها قطعة جديدة عشان لو شلتها ممكن تشيل التجلط الحصل و النزيف يزيد
⭕️لو كنت في حته فيها تلج،أربطه في كيس و خته فوق الجرح
#مليونية13نوفمبر

عشان يقلل الدم.
⭕️ لو كانت الإصابة في اليد أو الرجل و بدأ المريض ينزف أربط الحته المصابه من فوق مكان النزيف وانقله لأقرب مستشفى فورا .مهم في الحاله دي ترفع اليد أو الرجل أعلى من مستوى القلب مثلا أسندها في الحيطه أو ارفعها في مخدات عشان تقلل النزيف.
⭕️ لو كانت الإصابة في الراس+

ما تضغط على الجرح شديد بس اضغط بشكل جزئي . خلي جزء بسيط من الدم يطلع عشان ما تزيد ضغط الرأس.
⭕️ لو كانت الإصابة في الرقبة انتبه وانت بتوقف النزيف عشان ما تضغط شديد لدرجه توقف التنفس او حركه الدم.
⭕️ لو كانت الإصابة في الصدر أو البطن غطي مكان الإصابة كويس و
#مليونية13نوفمبر

قلل النزيف بإنك تضغط عليه و تنقله لأقرب مستشفى.
⭕️ في حالات الإصابة فتش الفرق الطبية المعاك في الموكب و ما تنقل المريض الا للمستشفيات المعتمدة و الحيتم نشرها من المكتب الموحد.
لانها المستشفيات الوحيده البنقدر نأكد ليك انها شغاله و مستعده لاستقبال الإصابات.
#مليونيه13نوفمبر

في حالات الحريق أقلع ملابس الشخص المصاب واذا شعر بالبروده غطيه ببطانيه أو قماش تقيل.
⭕اعمل حسابك من علب القنابل الصوتية لأنو بتشبه علب البمبان وممكن تنفجر و تسبب فقدان الأطراف.
ابقو الصمود.. وابقوا عشرة.. وقدام بس
#مليونية13نوفمبر
#الردة_مستحيلة
#حتى_لا_ننسى
#SudanCoup

12 نوفمبــــــر 2021
لجنة أطباء السودان المركزية
نقابة أطباء السودان الشرعية
لجنة الإستشاريين والاختصاصيين
#مليونية13نوفمبر
#العصيان_المدني_الشامل
#لا_للانقلاب_العسكري
#الثورة_مستمرة
#الردة_مستحيلة
#حتى_لا_ننسى
#أكشف_جرائم_الانقلابيين

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد