يعني مثال .. بمنتهى البساطة ، أنا ممكن أكون متفهم لفلسفة الدولة في التعامل مع البعض .. لكن رأيي الشخصي يعتبر مختلف .. أقصد ، أنا لسه شايف إن قطر ماقدمتش أي حاجة تأكد إنها عايزة تصلح أمورها في العلاقات .. ومش موافق على فكرة رجوع مكاتب لقنوات الحظيرة .. عادي جدًا جدًا .. إختلاف رؤى
هنا اللي أقصده ، أنا مش رجل سياسة .. وبالتالي رأيي أكثر حرية من رجل السياسة ، لأن أبعاد الفرد العادي متمركزة بس في محيطه .. أما رجل السياسة فرأيه بيبقى في محيط أبعد .. وبالأخص لما يكون رجل سياسة في منصب في دولة .. هنا الأمور بتختلف لأن فيه مصالح قد لايراها الرجل العادي.. دي فلسفة
من ناحية تانية .. مش معنى كده إن القاعدة العامة تبقى صحيحة على طول .. أقصد ، الرئيس السادات مثلاً بالرغم من براعته المعهودة .. مكانش موفق خالص في قراره إنه يعطى مساحة أزيد للفشلة المتاجرين بإسم الدين علشان خلق حالة توازن بينهم وبين اليسار .. كان ماله اليمين القومي يعني؟ 😑
خليني أكون عملي شوية .. أنا هنا بطرح وجهة نظر جايز تكون مختلفة .. لكن بما إن عندنا حرية رأي بدرجة كويسة في مصر .. فممكن أقدر أعبر عن النقطة دي بشكل مرتبط بأكتر من حاجة .. فمرة تانية ، جايز أكون متفهم لفكرة تحييد الجانب القطري اللي كان بيسخف بغباء يعني .. بس لازلت شايفهم ماإتغيروش
مش معنى إن قنواتهم بطلت تجيب سيرتنا إلا على إستحياء .. إنهم كده يعتبروا جديرين بالثقة في التقدم في الخطوات للتعامل معاهم . أقصد ، وقت مبارك كانت قنواتهم عاملة شبه مستقرة عندنا لحد ماكونوا فكر مسموم . فلو إتسابوا الفترة الحالية برضه من غير ضبط . هيأثروا على الأجيال الجديدة بالباطل
أنا مش هتكلم إن النظام القطري إتسبب في سقوط شهداء كتير بسبب دعمهم للإرهابيين سواء بالمال أو بمنابر الإعلام أو باللوجستية في التواجد ،ماهي أمريكا برضه تعتبر متسببة في كوارث في المنطقة العربية كلها ،بالمال والسلاح والمنظمات سواء كانت المتاجرة بإسم الدين أو الحريات .ودعمها للصهيونية
لكن عايز أقول حاجة .. ياترى إحنا شعبيًا مستعدين؟ .. أقصد ، عندنا ملف خطير .. الشكل الظاهر فيه متساب ، (ملف التواصل الإجتماعي الرياضي) .. عمليًا إحنا لسه معندناش أحزاب مؤثرة ، حتى حزب مستقبل وطن أنا لحد النهاردة شايفه تكرار لأسلوب الحزب الوطني وأبعد مايكون عن فلسفة الرئيس حتى
لكن التناحر المغلف بإسم الإنتماء الرياضي ده .. أمر خطير جدًا ، إنت قدرت تتخلص من ظاهرة الألتراس المسمومة ،.. لكن تأثيرهم السام لسه بينتشر في السوشيال ميديا .. بشكل فيه تناحر غريب .. فيه أطراف تانية بتستفيد منه .. الدولة لازم تتدخل وتحاول تضبط الأمور .. لأن كده غلط وإهدار لطاقات
عمليًا : أظن ياسيادة الرئيس @AlsisiOfficial إنك لازم تعمل إجتماع كبير . تجمع فيه كل الإعلاميين الرياضيين والصحفيين والشخصيات المميزة على السوشيال ميديا في المجال الكروي . وممثلين عن الصفحات الكبيرة الرياضية في مصر المحسوبة على الأقطاب الكروية . تتكلم معاهم إنهم يراعوا شوية الأمور
وإنهم يبدأوا يقدموا الشكل المناسب للمنافسة ويكونوا مسئولين عن توضيح الصورة الصح لده قدام العالم .. في مقابل إيه بقى ، الدولة توفر سبل التعبير عن الإنتماء الكروي ده بشكل إيجابي .. وتنميه كمان وتخليه يتوجه لتطوير منظومة النادي فعلاً بدل مايكون معتمد على إهانة الطرف المنافس .. إزاي؟
إنتبوا أيها السادة .. فلوكال على وشك أن يتحدث عن فكرة ما ..
-
الأندية الشعبية بالتعاون مع الدولة .. يكون فيه حاجة مستحدثة .. هبتكر مصطلح كده . درجة "المنتمي" .. إيه هي؟
-
المنتمي يدفع شهريًا 5 جنيه ويحصل على شارة كده تأكد إنه منتمي تشجيعيًا لنادي ما حسب إختياره . إيه بقى الفائدة؟
-
الأندية الشعبية بالتعاون مع الدولة .. يكون فيه حاجة مستحدثة .. هبتكر مصطلح كده . درجة "المنتمي" .. إيه هي؟
-
المنتمي يدفع شهريًا 5 جنيه ويحصل على شارة كده تأكد إنه منتمي تشجيعيًا لنادي ما حسب إختياره . إيه بقى الفائدة؟
المنتمي .. درجة وسط بين المشجع ، اللي بيشجع عادي .. والمشترك اللي بيشترك فعلاً في النادي وبيدفع إشتراك سنوي ..
-
إيه هي المميزات اللي ممكن المنتمي ياخدها؟ ..
- المنتمي تكون له صفة إنه مشجع معترف به من قبل النادي اللي بيشجعه ومن الدولة كمان
- المنتمي بياخد تخفيضات لمنتجات النادي
-
إيه هي المميزات اللي ممكن المنتمي ياخدها؟ ..
- المنتمي تكون له صفة إنه مشجع معترف به من قبل النادي اللي بيشجعه ومن الدولة كمان
- المنتمي بياخد تخفيضات لمنتجات النادي
- المنتمي بيكون للنادي شخص معترف بيه بصفته مشجع معتمد للنادي .. ملوش دعوة بمجالس الإدارة .. هو صفته منتمي رياضي للنادي الفلاني وبس .
- هو ممكن يبقى مؤثر أكتر بعد كده لو قدم صورة كويسة وحضارية عن تشجيعه لناديه بشكل ملفت .
- الدولة لما توفر منتدى للمنتميين الرياضيين . يبقى واجهة
- هو ممكن يبقى مؤثر أكتر بعد كده لو قدم صورة كويسة وحضارية عن تشجيعه لناديه بشكل ملفت .
- الدولة لما توفر منتدى للمنتميين الرياضيين . يبقى واجهة
الأندية بالتعاون مع الدولة تعمل مسابقات متنوعة بقى .. دينية وثقافية ورياضية وفنية للمنتميين دول بشكل تنافسي .. ويتعمل مؤتمرات تخدم أفكارهم وأحلامهم علشان ناديهم يبقى أفضل نادي فعلاً ويظهر بأحسن صورة .. وهيكونوا هما نواة حقيقية للإصلاح الجماهيري الرياضي في مصر
عمليًا بقى .. أنا فاهم كويس أوي إن فيه ناس قاصدة إنها تظهر مساندتها للمدعو أبو تريكة عندًا في الدولة .. وشايفة فيه إنه هو القديس المجنح المظلوم اللي الدولة بتكرهه وبتحاربه علشان هو واخد شعبية الناس اللي مش عاجبها سياسة الدولة (اللي الشعب إختارها) . ودي الفلسفة الشائعة . مش لشخصه
دول بقى لازم يعرفوا الآتي . الدولة مش فاضية أصلاً أنها تركز في الموضوع ده .ومش معنى إن السوشيال ميديا أوهمت أساطير عنه إن الكلام ده صح . ماهي السوشيال ميديا بتروج برضه أفكار وكوميكس إنك ياإنسان وحيد وبائس ومعندكش كراش ومحدش بيحبك . وإن الدولة مابتعملش غير الكباري . فاهمين الفكرة؟
فالنقطة دي محور إرتكاز .. أبو تريكة هارب من فكرة مواجهته لموقفه قضائيًا .. هو مستني الأمور دي تسقط عنه ويرجع .. والغطاء اللي هيكون المسيطر من السوشيال ميديا هيروجوا إنه المنتصر الفاتح والكلام اللي أي مليون منه بنص ميجا بايت وكده .. هو هارب .. ونسبة من محبيه بيدعموه زيادة عندًا
فده الموقف . عندكم مثال وائل جمعة . علاقته كويسة بيه ، إشتغلوا مع بعض في بي إن بالرغم من إن علاقات مصر وقطر وقتها كانت في قمة التوتر .وبي إن طرف في التوترات دي .لكن نظرًا لأن وائل جمعة مكانش عليه مطالبات قضائية . رجع عادي وموجود أهو في جهاز منتخب مصر . أمر واقع . مش ظريف لكن ماشي
على كل حال .. فكرة التناحر الجماهيري الغريب ده لازم الدولة تحاول تواجهه بشكل غير مباشر .. إنها تحاول تعمل تحويدة للموضوع ده في إتجاه تنافسي إيجابي يخدم المشجع والنادي والرياضة الكروية بشكل عام .. يدوبك بقى ، السنين بتمر ومش عايزين نتعطل .. إحنا عندنا طموح ننظم كاس عالم . ونستحق
جاري تحميل الاقتراحات...