بحتفل النهاردة بمرور 8 سنين على أول 10 نوفمبر غيرت مجرى حياتي هنا . أغلبكم مش هيفتكر ده . لكن ده كان تاريخ أول هاشتاج بدأ برغبة شخصية من ناحيتي . كنت في أكاونت تاني غير ده ، كان عندي حوالي 20 سنة .. شاب غريب كان عايز يلفت النظر لأكتر من حاجة عايز يعبر عنها ويشارك اللي حواليه بيها
بعد ال 10 نوفمبر دي .. حسيت إني ممكن أقدر أعمل كام حاجة تغير مجرى تويتر للكفة السليمة .. قبلها بأسابيع شفت (حركة كايدينهم) كانت متأسسة وبتتحرك فعلاً . وكانت فيه شخصيات فردية ملهمة زي هبة المصري ود.بوصيري وحليم . كان عندهم الشعف بالهاشتاجات الإيجابية دي في وقت كان الإعلام فيه غريب
ودي نفس ال 10 نوفمبر اللي قررت فيها أختم فيها مسيرتي مع الهاشتاجات بشكل نهائي . وأنا في قمة ذروتي .من غير ماحد يفرض عليا قرار ولاكنت في حالة ضعف . لأ . آخر هاشتاج كان في وقت نجاح مصر في تنظيم كأس الأمم الأفريقية ، هنا عرفت إن مصر بقت قادرة تقدم دعاية ناجحة عن أفكارها .وده المطلوب
6 سنين في حياتي غيروا فيا أمور كتير .. إتشتمت وإتهاجمت وإتخونت وخدت نصيبي من التنمر .. وفي نفس الوقت خدت لحظات فخر وإعتزاز وتقدير .. جربت المتابعة وجربت البلوك ، إتقال عني كل شئ ممكن .. جاسوس وزعيم ووطني وأناني .. كل الأمور دي شكلت في شخصيتي أكتر وأكتر بشكل لايمكن تخيله
كنت بحلم باليوم اللي أمشي فيه والناس ماتاخدش بالها .. وحصل ، النهاردة بحكي عن ذكريات أغلب اللي عاصروها نسيوها ومش هيهتموا بيها .. دلوقتي بكتب بالعامية ومحدش مستغربني مع إني بقالي سنين يوميًا بكتب بالفصحى .. دي مفارقة يمكن دلوقتي مبقتش ملحوظة .. بس هي كانت حقيقة فعلاً ..
النهاردة بقيت أكثر مرونة وأكثر حرية. وأكثر تقديرًا لنفسي كمان . بمنتهى اليقين أنا بحس بالفخر لما بييجي يوم 10 نوفمبر . وبكتب هنا في الوقت الحالي وأقول : أنا كنت الشخص الذي أردته حتى أصبحت شخصًا آخر أردته أيضًا .. كل سنة وإنت طيب يا @MasterLocalXixi و @MasterLocalZone و @LocalHL
وحقي النهاردة إني أعتبره عيد شخصي علني أحتفل بيه هنا 🤩 وسط المكان اللي حبيته وشاف معايا أيام أغرب من أي تصور كنت متصوره .. إكرهوني ، حبوني ، إفتكروني ، إنسوني .. كل ده جميل وساحر في وقت فرق في حياتي كتير .. بشكركم كلكم ياجماعة على كل حاجة .. ممتن ليكم وربنا يجعل أيامكم أعياد 🤩
حاجة أخيرة .. كل اللي حصل ده ، كان فضل كبير من ربنا سبحانه وتعالى .. مش نتيجة شطارة ولاإجتهاد .. لأن الأسباب العملية عمرها مابتحقق نجاح إلا لو فيه إرادة ومشيئة .. أنا اللي أقدر أقوله إني كنت شغوف وبحب اللي بعمله .. أكتر من كده معملتش .
جاري تحميل الاقتراحات...