ممكن اقول لكم على شوية نصايح ..و ارجو ان محدش ياخدها انى بنظر على حد او بستعلى على حد بس هى حاجات انا جربتها فى مراحل مختلفة فى حياتى و نفعتنى...يمكن تفيد حد فى الايام الصعبة دى...اكتبوا طلبات البيت الضرورية فى ورقة قبل ما تنزلوا تشتروا....و لو السما انطبقت على الارض ما تجيبش
إلا اللى فى الورقة...حتى لو قابلتك حاجة سعرها كويس...و بلاش ارجوكم تقعوا فى مصيدة ( الأوفر)...عارفة هتقولولى سعرها حلو و هتنفعنا قدام..بس حضرتك هتبقى ربطت مبلغ من المال فى كام ازازة زيت و كام كيلو رز انت مش عاوزهم الشهر ده فى حين انك محتاج تشترى دواء الاسبوع ده علشان ابنك عنده
دور برد...او محتاج كتاب.....الحاجة التانية جربوا فى مشوار السوبر ماركت تعكسوا النظرية...يعنى عادة انتم بتشتروا و بعدين تشوفوا الشروة عملت كام...اعكسوا بقى ...يعنى قرر ان مثلا هتصرف ١٠٠ جنيه ..و تشترى فى حدود ال ١٠٠ جنيه...يعنى طول ما بتحط فى عربية السوبرماركت بتجمع...و لو تعديت
المبلغ اللى انت محدده لنفسك ابتدى شيل من العربية.....هى حاجة سخيفة و احنا مش متعودين على النمط ده بس صدقونى فى وقت الازمات بينفع....الحاجة التانية ان المصروفات الدورية لازم تبقى عامل حسابها على مدار السنة بالذات لو انت معندكش اى مدخرات و بتعتمد على الدخل الشهرى..يعنى مثلا
تجديد رخصة العربية...حضرتك عارف هيتكلف كام...اقسم المبلغ على السنة و شيل كل شهر مبلغ على جنب فى ظرف مكتوب عليه رخصة العربية...و كذلك مصروفات المدارس و كذلك لبس المدارس و كذلك فواتير الكهرباء...اجمعها و شوف المتوسط الشهرى و شيله على جنب....فى شهر هيتبقى فلوس بس هشيل شهر تانى
من شهور الصيف اللعينة...أنا بتكلم عن تجربة ...يمكن تناسب ناس و يمكن ما تناسبش ناس...بس انا الحقيقة بعمل كده من يوم ما اتجوزت و بقيت مسؤولة عن بيت...و لما الفترة الصعبة تعدى ابقوا اعملوا اللى انتم عاوزينه.
جاري تحميل الاقتراحات...