راح تقول المدرسين_جشعين
الحقيقه ان معظم المدرسين مش بياخدوا فلوس من الايتام والفقراء والمحتاجين بمجرد معرفة حالاتهم وتمن الدرس طوال الشهر لا يتعدى تمن كشف فى خمس دقائق عند دكتور مبتدئ
المدرس_مش بيشرح_فالفصل
لا كثير من المدرسين بيشرحوا ف الفصل زى الدرس لكن الفصل محكوم بتحضير وخطة

المدرسين_بيجبروا_الطلبة_على_الدروس
الحقيقة انه عدد كبير من الطلاب بياخد عند مدرسين غير مدرسته اما شغالين فى مدارس تانى او ازهر او تخرجوا من الكليات ولم يتم تعيينهم وقبل ما يدخل المدرسة ويحتك بالمدرس اصلا .

الدروس_الخصوصية_دمرت_التعليم
الحقيقة ان الدروس الخصوصية هى اللى شايلة التعليم انه يوقع زى ما عيادات الدكاترة هى اللى شايلة القطاع الطبى وشوف نفسك لو عندك مريض بتروح به فين؟
واسأل اى حد جاب مجموع (بعيدا عن الغشاشين) كان بياخد دروس ولا لأ

اهم_حاجة_الفلوس
الحقيقة ان دا غير صحيح واسألوا طلبة الثانوية العامة لما الدروس اتوقفت علشان الكورونا المدرسين عملت ايه معاهم يوتيوب وواتس وتليجرام وغيره مجانا لوجه الله وانطلاقا من ان الطالب ابنه
كمان عدد كببر من المدرسين بيطرد الطالب غير الملتزم بالرغم انه هياخد منه فلوس

اتقوا الله ف المدرسين اللى بيعلموا أولادكم وبيشاركوا فى تربيتهم معاكم
هتقولي في مدرس وحش وبيستغل الظروف هقولك فعلا دا حقيقي وكل مهنة فيها السيء وفيها المحترم ولو ساعدتوا الحكومه فى قتل المعلمين اول من سيدفع الثمن انتم وابناؤكم