ثريد الجرافيك ديزاين!
في الثريد ده هيكون فيه نصايح وشغل وتمرين وازاي نبدأ من الفكرة للسكيتش للتنفيذ للتقفيل.
هحاول اوزع كل اللي عرفته في خلال ال١٦ سنة اللي اشتغلت فيها مصمم واللي الحمد لله وصلتله.
بداية من انهاردة ان شاء الله هكتب خطوات ال"أ" لحد ال"ي" في تصميم الهوية البصرية
في الثريد ده هيكون فيه نصايح وشغل وتمرين وازاي نبدأ من الفكرة للسكيتش للتنفيذ للتقفيل.
هحاول اوزع كل اللي عرفته في خلال ال١٦ سنة اللي اشتغلت فيها مصمم واللي الحمد لله وصلتله.
بداية من انهاردة ان شاء الله هكتب خطوات ال"أ" لحد ال"ي" في تصميم الهوية البصرية
ليه الجرافيك ديزاين مهم؟ وليه تحديداً الهوية البصرية مهمة؟ افتح التليفون، ادخل الحمام، بص من الشباك، امشي في الشارع. الانسان المصري العادي ممكن في يومه يشوف اكتر من ١٠،٠٠٠ لوجو وهوية بصرية وكل واحدة مختلفة مميزة عن التانية.
الهوية البصرية هى اللي بتحدد شخصية الكائن ده، زي مثلاً من اكتر الهويات اللي بحبها هى هوية كوكاكولا وتطور التايبو من ١٨٩٣ للكلمة اللي كلنا عارفينها دلوقتي. يعني مثلاً لما حد بيشوف لون احمر مع ابيض في حاجتين بيجيوا في الدماغ. ١. كوكاكولا ٢. ڤودافون
يعني بالبلدي كده مفيش شركة في العالم مش محتاجة هوية بصرية لها. ومين هيصمم الهوية دي ان شاء الله؟ انتَ، انتِ، انا.
فدلوقتي هنبدأ أول يوم عشان ان شاء الله كله يحقق اللي نفسه فيه ويشارك معانا ونساعد بعض نقدم شغل خطير.
فدلوقتي هنبدأ أول يوم عشان ان شاء الله كله يحقق اللي نفسه فيه ويشارك معانا ونساعد بعض نقدم شغل خطير.
1⃣ البريف
مفيش بريف مفيش شغل. وش. لازم لما تستقبل شغلانة من حد ان شاء الله يكون خالك لازم يكون فيه بريف ده واحد وبعدين لازم يكون فيه اتفاق مابينك وبين العميل قبل بداية الشغل عشان برضه محدش يدفعلك جزء من الفلوس ويخلع.
مفيش بريف مفيش شغل. وش. لازم لما تستقبل شغلانة من حد ان شاء الله يكون خالك لازم يكون فيه بريف ده واحد وبعدين لازم يكون فيه اتفاق مابينك وبين العميل قبل بداية الشغل عشان برضه محدش يدفعلك جزء من الفلوس ويخلع.
اي عميل يخلع من اتفاق ويقولك "طب هبعتلك واتس" فكك. اهرب. عشان هو مش هيقدر المجهود اللي هتعمله. وليه بقى البريف مهم أوي كده؟ عشان ده اللي هيحدد شغلك وتفكيرك هيمشوا ازاي. عشان ميجلكش حد يقولك انا عايز لوجو بتاع أكل قطط وبعدين بعد ماتسلم يقولك ايه ده انا كنت عايز اكل كلاب.
فده غلط جداً جداً ومصممين كتير بالذات الصغيرين في السن مش بيفرق معاهم الموضوع ده. بس العميل لازم يفهم كده ويحصل معاه كده عشان مفيش كلام يتغير في النص وكله يضمن حقه.
طب لو العميل مش عارف ازاي يكتب بريف؟ في أوبشن ان الدنيا تمشي سؤال وجواب أو انك تبعتله اسألتك مثلاً زي:
١- اسم البراند؟
٢- البراند بيعمل ايه؟
٣- ليه اسمه كده؟
٤- ألوان محببة؟
٥- ألوان مش محببة؟
٦- مين المنافس رقم ١؟
٧- عربي وانجليزي؟ ولا لغة واحدة.
وهكذا
١- اسم البراند؟
٢- البراند بيعمل ايه؟
٣- ليه اسمه كده؟
٤- ألوان محببة؟
٥- ألوان مش محببة؟
٦- مين المنافس رقم ١؟
٧- عربي وانجليزي؟ ولا لغة واحدة.
وهكذا
البريف لما يكون كامل ومكتوب صح ومفيش حاجة ناقصة ده هيوفر عليك يعني سنة مثلاً من الزن والسؤال الرايح جاي فتقدر على الأقل لو هتدي مثلاً ١٠ أيام هتقعد ٣ أيام تفكر براحتك وتعمل سكيتشاتك
2⃣ السكيتش
في ناس كتير بتعمل skip للسكيتش بتدخل على ملف جديد على اليستريتور وسلامو عليكو. مهم جداً تسجل افكارك بورقة وقلم، وسكيتش انا مش بقولك ترسملي الموناليزا وتقولي سكيتش السكيتش حرفياً شخبطة وبتحولها للشكل النهائي اللي بتكون محتاج توصل له
في ناس كتير بتعمل skip للسكيتش بتدخل على ملف جديد على اليستريتور وسلامو عليكو. مهم جداً تسجل افكارك بورقة وقلم، وسكيتش انا مش بقولك ترسملي الموناليزا وتقولي سكيتش السكيتش حرفياً شخبطة وبتحولها للشكل النهائي اللي بتكون محتاج توصل له
طب ازاي اوصل اصلاً لمرحلة السكيتش وانا لسة مستلم بريف؟ جميل، من البريف بتاخد keywords أو كلمات مميزة في البريف يعني لو مطعم بيتزا مثلاً خلاص هنفكر في حاجة لها علاقة بالبيتزا بس طبعاً هتكون مربوطة بالأسم
يعني على سبيل المثال هنا سكيتشات للأفكار اللي كنت عايز اعملها جنب النتيجة النهائية لللوجو والفونت. هى شوية شخبطة هتخليك تحط نفسك على طريق محدد عشان افكارك متبقاش مشتتة ومتبعترة وتقدر تحولها للنتيجة اللي انت عايزها على الAI
ودايماً افتكروا ان الأفكار الكتيرة بزيادة مش دايماً الطف حاجة، يعنى من ١٠ افكار مثلاً اختاروا ٣ همَ دول اللي نمشي فيهم ونشتغل عليهم عشان كده تقلل وقت الشغل وميكونش فيه ضغط كبير.
3⃣ العلاقة مع العميل
العلاقة بينك وبين العميل مهمة، مش مجرد اتفاق وهات فلوس تاخد شغل لأ بالعكس، مهم جداً علاقتك بالعميل تبقى كويسة جداً ويكون مبينكم ثقة مع طبعاً احترام مواعيد واحترام الاتفاق
العلاقة بينك وبين العميل مهمة، مش مجرد اتفاق وهات فلوس تاخد شغل لأ بالعكس، مهم جداً علاقتك بالعميل تبقى كويسة جداً ويكون مبينكم ثقة مع طبعاً احترام مواعيد واحترام الاتفاق
بغض النظر عن النكت والكلام اللي بيحصل مع عملاء مش قد المسؤلية أو مصممين برضه مش قد المسؤلية الموضوع ده مهم جداً وبيأثر جامد في الشغل، وده هيساعد برضه في الشغل عشان لما ترجع مثلاً في وقت عندك فيه سؤال مش عارفله طريق في البريف هيتبسط انك بتسأله عشان ده يبين انك مهتم برأيه وبفكره.
4⃣ هل المصمم لازم يكون خريج فنون جميلة أو تطبيقية أو معاه شهادة؟
انا معايا ليسانس لغات وترجمة فورية والحمد لله اشتغلت في شركات مالتي ناشيونال ومن غير شهادة والحمد لله تاني شغلي بيتكلم عني بس في نفس الوقت انا من زمان وانا عندي موهبة الرسم وبحب الرسم وده كان شغفي
انا معايا ليسانس لغات وترجمة فورية والحمد لله اشتغلت في شركات مالتي ناشيونال ومن غير شهادة والحمد لله تاني شغلي بيتكلم عني بس في نفس الوقت انا من زمان وانا عندي موهبة الرسم وبحب الرسم وده كان شغفي
ورداً عالسؤال لأ مش لازم تكون خريج عشان تمارس المهنة، الموضوع سهل وبسيط انا نفسي اتعلمته زمان من على جوجل ويوتيوب بس الفكرة هنا في الأفكار نفسها وتنفيذها مش مجرد ڤيديو امشي عليه وانفذه واحلب اللي خلفوه ده غلط جداً وناس كتير بتقع في الغلط ده
وده خلى ناس كتير تتجه للسوشيال ميديا ديزاين لأنها مش محتاجة تفكير أوي أو ابداع لأن البريف بيجي في ثانية والتسليم بعد كام ساعة فمش بيكون فيه مساحة كبيرة للإبداع وغير كده السوق المصري مختلف تماماً عن بعضه بسبب اختلاف الأذواق كده كده
من بعد النقطة دي هنتكلم في مرحلة التنفيذ واختيار الألوان والفونتات وازاي نبدأ في مرحلة تصميم الهوية وان شاء الله هتكون مبسطة بحيث تكون خطوة بخطوة وسهلة على الكل
انهاردة هنشتغل على exercise خفيف بداية من البريف للسكيتش للتنفيذ خطوة بخطوة واعتقد هيكون في مساحة للناس اللي معندهاش Adobe Illustrator انها تنزله لو حابين يتعلموا خطوة بخطوة.
فهنبدأ بpoll كده سريع سريع لمدة ساعة نشوف الناس حابة تشتغل على ايه اكتر. يعني هحط categories وانتم تختاروا نعمل التمرين بتاعنا على ايه واظبطها من ناحيتي
بعد مالpoll خلص ومعظم الناس اختارت فكرة المطعم فكتبت بريف واضح وفيه كل معلومة اي حد ممكن يحتاجها، قبل ماندخل في مرحلة الاسكتش اي حد عنده سؤال يسألني ونتناقش فيه، انا هستنى شوية وبعدين هدخل في مرحلة السكيتش عشان لو في وقت ممكن نبدأ نشتغل من انهاردة لو الشباب سخنان
حد عمل اي حاجة؟ عشان شوية وهبدأ انزل ولو نزلت لوحدي هيكون فيه حوار 😃
معلش ياجماعة انا اسف هحط الثريد على جنب شوية عشان عندي ضغط شغل كتير جداً فهنرجع نكمل على الأسبوع الجاي مثلاً ان شاء الله اكون فضيت اكتر والدنيا مبقتش زحمة.
جاري تحميل الاقتراحات...