سلام ومحبة... مع المتابعة للحملة (الخارجية) اللي قاعدة تستخدم (سلوكيات فردية) وتعممها لتشويه #موسم_lلرياض وهو توه مابدأ حرفيًا وجب علي وضع النقاط على الحروف، حتى نفهم كلنا وش قاعد يصير ونتطمن ونستوعب حجم ما يحاك ضدنا، هذي حقائق ما هي مشاعر1️⃣👇🏻
أولاً؛ الأعزاء الأصدقاء رجالًا ونساء، للأباء والأمهات تحديدًا، الموسم هدفه ترفيهي بحت، وهو خيار ماهو مشروع إجباري، يسعى لرفع جودة الحياة بحيث يكون عندك خيارات لقضاء الوقت على مستوى محلي، واعرف بتقولون نبي بس مو بهذا الشكل،،،، تمام التمام👇🏻
الموسم ماهو موجود بهدف تغريبك ولا بهدف سرقة دينك ولا بهدف التأثير عليه، هذي دولة تعمل بشرع الله وسنة نبيه (واللي يحاول يزرع فيك شعور مغاير لهذي الحقيقة فهو اما كاره يبي يستخدمك ضد بلدك أو متطرف يبي له بيئة حاضنة وداعمة لهلوسته الفكرية)،،
ماحصل من تجاوازت (معدودة) في موسم الرياض تم التعامل معه بصرامة من قبل الأمن العام حتى قبل مرور 24 ساعة، وكل من تسول له نفسه (للتحرش- لمخالفة الذوق العام- للتعدي على حريات الأفراد) بيتم القبض عليه والتعامل معه قانونيًا، انتهينا من قسم ليه ماحد ردعهم.
نجي لقسم أكبر أهمية وهي الحملة المسيسة ضد بلادنا، كل اللي قاعدين يستشرفون علينا الآن ويتصيدون هم يعيشون وسط بيئات كارثية أخلاقيًا، وهدفهم ماهو إصلاحي أبدًا، هدفهم بالضبط نفس هدفهم لما شاركوا في حملات سابقة ضدنا ( أي نجاح لنا كيف ماكان شكله راح يكون محل هجوم بالنسبة لهم)،
دائمًا يقال (الجاهل عدو نفسه) فلما تنساق ورا حملات معدة مسبقًا وتدخل في جوها (من باب مو عاجبك سلوكيات هالأفراد) فهذا جهل وغباء، تقدر بكل بساطة والنظام ضامن لك ترفع بلاغ عن أي سلوك سلبي عبر تطبيق كلنا أمن وبيوصلك رد في عشر دقائق كأقصى حد،
نقطة مهمة جدًا، إياكم يا أصدقاء من مرددين (القابض على دينه كالقابض على الجمر) صدقوني هذي الجملة أكثر جملة قريتها في حياتي وخصوصًا في عهد ملوك سابقين، في عهد الملك عبدالله رحمه الله لا يخلو يوم بدونها، من زمان حاطينا في هالزمن، ويحاولون يسرقون مننا كل فرحة وكل إنجاز (بهالطريقة)،
أتذكر تمامًا لما فتح الابتعاث للبنات سمعت هذه الجملة بشكل لا يعقل، ولما دخلت المرأة عالم الأعمال، وفي مواقف كثيرة كانوا يرددونها لزرع شعور الخوف في نفوس (البعض)،
الحملات الإعلامية المسيسة هذي هدفها إعاقة السعودية والتأثير عليها، تخيلوا معاي أنهم سبق وشككوا في إدارة السعودية للحج وقادوا عليها حملات وركزوا كذلك على سلوكيات فردية حينها لإيهام العالم أننا لا نستطيع، وبنفس الطريقة راح يركزون على كل شيء عندنا، يعني مو ترفيه بس،
نعود مجددًا لنقطة الجدل، السلوكيات الفردية اللي انتشرت (تعود لأفراد) وتحدث في كل مكان حتى في المجمعات والمطاعم العادية، ولو بنمشي على مبدأ إيقاف مشاريع ككل بسبب أفراد فحتى المدارس والمستشفيات بنقفلها،
بالأخير، رسالة حب، علموا أولادكم ومن يعنيكم أمره أنه يمثل نفسه خير تمثيل، التربية دورها يتجاوز توفير الماكل والمشرب، التربية على السلوكيات السوية دور الأسرة ماهو دور (الجهات المنظمة)، واستمتعوا بمنجزات الوطن، وبتقدمه، وصدوا عنه كل محاولة لايذائه.
تنويه؛ المقاطع المنتشرة في قنوات التيك توك والواتس اب هي جزء من الحملة، ومعظم من يظهر فيها (دواعش)، وفي الجرائم المعلوماتية إنتاج أو إعادة إرسال ما من شأنة المساس بالنظام العام أو أثارة الرأي العام وتأجيجه يعتبر جريمة معلوماتية عقوبتها السجن والغرامة.
جاري تحميل الاقتراحات...