لأ وشريف منير وأشرف عبد الباقي وأحمد رزق بيتهاجموا علشان عملوا تصرف بيعبر عن رأيهم الشخصي .. فالتانيين بيتريقوا عليهم بقى علشان يدافعوا عن الفيلم بحجة حرية التعبير عن الرأي .. فهما بالتالي بيمارسوا أسلوب المزايدة علشان يقولوا على الثلاثي دول إنهم بيزايدوا .. عليه العوض 😑
طيب .. علشان الموضوع بقى أوڤر ، ويمكن إتكرر من كام سنة .. فأنا هتكلم عن اللي أنا شايفه علشان نخلص بقى .. أنا رأيي الشخصي ميال للي عرضوه الثلاثي دول .. بس لأسباب بقى مختلفة خالص .
-
1) الموضوع بقى مستهلك . وفيه تيار معين بيحب يعرض النوع ده ويقول بعرض الواقع .. لكن هو بيزود الموضوع
-
1) الموضوع بقى مستهلك . وفيه تيار معين بيحب يعرض النوع ده ويقول بعرض الواقع .. لكن هو بيزود الموضوع
فيه في العقدين اللي فاتوا مجموعة أفلام بقصص مختلفة بتدور أحداثها عن العشوائيات . الأفلام دي بقى أفادت في إيه؟ غيرت الواقع؟ لأ بوظته زيادة . النوعية دي خلت نموذج البطل يبقى عشوائي عايش على مخالفات للقانون . وركزت على فكرة إن كل سكان العشوائيات مظلومين . بالرغم من إنهم اللي خالفوا
الأفلام دي خلت الناس تحاول تهرب من المصير ده . وفيه فئة تعتبر متحكمة في أسعار العقارات إستغلت الموضوع ده فعلت على سعر السوق كإستغلال . ماهي الدولة في العقدين اللي فاتوا مكانتش عاملة مجهود كافي لمعالجة المشكلة أيام الرئيس مبارك الله يرحمه . علشان كده بقى فيه أسر لجأت للمدن الجديدة
من ناحية تانية إتولد حقد مضاعف من سكان العشوائيات .. الأفلام خلت بقى عندهم قضية مضروبة إنهم الدولة فوق الدولة وإنهم المظلومون جميعًا في الأرض . مع إن كان عندهم إمكانية التأجير في مساكن تانية آدمية .. لكن علشان هما واخدين المساحة بوضع اليد والموضوع مكانش بيتحل جديًا . المشكلة زادت
ولان الفن وقتها عنوان للشعوب .. اللي كانوا متصدرين المشهد دخلوا بالأفلام اللي أوهمت نسبة مش قليلة من غير المصريين إن مصر معظمها عشوائيات . في ظل إن تركيا مقدمة أحسن صور ليها في المسلسلات بتاعتها ، كوريا نفس الكلام ، أمريكا بطبيعة الحال برضه بأفلامها كعادتها ، الهند كذلك .. إنطباع
وكل الدول دي مدارية بلاوي .. بس الواجهة إيه بقى .. بعض سكان دول الخليج إعتقدوا مصر عشوائيات وراقصات .. العالم إعتقد إننا عالم ثالث في طريقة حياتنا .. ماهو التكرار في الأكاذيب بتوهم البعض إن ده الواقع .. وهو جزء من واقع حتى في وقت أسوأ حالاته . أفورتوا لحد ماالتانيين صدقوا 🤔
قامت يناير واللي حصل فيها واللي إعتقد إنها هتصلح الأمور وهي خلت الأمور أسوأ .. فكان لازم الشعب بقى مع الأحداث يتدخل بجد .. زهق من الكلام والشعارات بإسمه .. على فكرة .. معلومة جانبية : ثورة يونيو قامت برضه على النوعية دي من الأفلام لأنها عبرت عن تيار بيحط السم على العسل
الدولة بقى في السنوات الحالية دي ركزت على الواقع فعلاً مخدتش من الأفلام دي .. عملت إحصائيات ، عرفت المناطق الأكثر خطورة .. (ومن غير ماحد يطلب منها .. ده كان واضح كفكر شخصي من الرئيس السيسي .. حتى ده كان باين في جملة "بيعايرونا بفقرنا" .. الراجل قال لكم نتيجة الأفلام بتاعتكم"
"بيعايرونا بفقرنا" .. علشان مكانش عندهم رؤية واضحة عن حياتنا الفعلية .. بس هما شافوا الأفلام المنتشرة والمجموعة اللي بتسافر بره بأفلامها وكده .. فخدوا إنطباع منقوص عننا .. فلما يكون عندك مشروعين الأول لسكن آدمي لسكان العشوائيات .. والثاني تطوير قرى مصر .. يبقى فيه حلول فعلاً .
وبكده .. شريف منير وأشرف عبد الباقي وأحمد رزق لما إنسحبوا .. مكانوش محتاجين يسوقوا نفسهم كمدافعين عن مصر ولايشهروا نفسهم .. بس السنين بتعلم .. زائد إن كتر خيرهم إنهم عرفوا الناس الحقيقة إن فيه شعل بيتعمل .. الصفحات الكبيرة في الفيس ليها توجه قاصد يسفه اللي بيحصل من حاجات كويسة
الثلاثي هنا عنده رأي .. فيه قلة صغيرة إحترمت الرأي ده وشايفة الموضوع من شكل تاني .. دول أنا مليش دعوة بيهم ، ليهم رأيهم وهما أحرار فيه طالما إحترموا الرأي ده .. لكن اللي إتريق واللي شتم واللي تطاول .. دول بقى بيدافعوا عن إيه بقى؟ عن حرية الرأي والفن؟ ولاإن مصر فيها عشوائيات؟
خلينا نتكلم بشكل واضح .. فيه فئة هتفضل عايزة تشوف مصر مابتعملش حاجة كويسة .. وهتقول على أي واحد بيدافع عن مصر بكلامه مطبلاتي وهيشتموه بشتيمة إنتوا عارفينها ولازم هيقارنوه بأحمد موسى .. مع إن الراجل ده يعتبر أجدع منكم ألف مرة .. موقفه واضح وماهموش الكلام الفارغ اللي بيتقال عنه
مبدئيًا حتى جملة (الست البايرة اللي بتدور على عريس) جملة غلط وماينفعش حد يقولها . السمعة أمر مهم يتحافظ عليها . أمريكا بتحافظ على سمعتها بالأفلام . أو بمعنى أصح بتداري عيوبها بالأفلام . لكن إحنا المفترض بنقدم فن إما رسالة للإصلاح أو واجهة لصورة مصر الحقيقية اللي تعتبر أحسن حاليًا
الخلاصة : رسالة لكل الفنانين في مصر .. شوفوا العالم بيقدم إيه .. ياتقدموا شئ يليق بمصر قصاد العالم .. يأما تشوفوا الأجيال القديمة إزاي أعمالها عاشت لحد دلوقتي وتفكروا كويس قبل ماتعملوا حاجة .. عندكم عادل إمام قدم مواضيع كتير وياما إتهاجم .. بس على الأقل الموضوع كان بشكل فني فعلاً
جاري تحميل الاقتراحات...