حبيت انقلكم تجربه انا عشتها على تويتر هنا امبارح عشان احذر الستات والفتيات من طريقه جديده مش للنصب ولكن للاسف لمحاولة الجر الي اعمال منافيه للاداب ١
امبارح واحده دخلتلي وبتقوللي عندي شغل ب ١٥٠٠٠ جنيه في الشهر ايه رايك؟ قلتلها ايه طبيعة الشغل؟ قالتلي تسويق منتجات ميك اب! قلتلها فهميني اكتر ، قالتلي بس ايه رأيك في الفلوس الاول؟ قلتلها ايه طبيعة الشغل عشان اقيم الفلوس تناسبه ولا ايه. ٢
قالتلي تعالي نتكلم عالتيلجرام قلتلها ماشي وهناك سألتها نفس السؤال وقالتلي انه هتكلم مع بعض العميلات ال vip برايفت ،هي عندها ليسته بيهم، قلتلها يعني هكلمهم عالميك اب برايفت ليه مش فاهمه؟ ٣
قالتلي لا مش بس عن الميك اب عن اي حاجه هما عايزين يتكلموا عليها! قلتلها زي ايه قالتلي اي مواضيع ( طبعا انا كنت بدأت اشك بس كنت عايزه اجيب اخر الموضوع لاني في الاول افتكرته جاسوسيه وحسيت رأفت الهجان في نفسي وهروح ابلغ المخابرات بقى 🤚) قلتلها يعني نتكلم في السياسه والاقتصاد وكده؟٤
قالتلي اه ممكن واي مواضيع تانيه وطبعا بين كل جمله والتانيه بتقوللي بس ايه رأيك في المرتب؟ وانا برد عليها نفس الرد المرتب مقابل ايه؟ فضلت تلف وتدور وانا قلتلها لا انا مليش في اللف والدوران تعالي معايا دوغري ، خدت اسكرين شوت وظهر ساعتها اني خدته وهنا فهمت هي ليه خدتني عapp ده ٥
قالتلي بتاخدي اسكرين شوت ليه قلتها وانتي يضايقك في ايه مش هو شغل؟ فضلت تلف وتدور وفي الاخر قالتلي انها وسيط (قواده يعني) وفي ناس عايزه تتعرف على 😳قلتها لا انا مليش في السكه دي، قالتلي بس دي فلوس كتير اوي وهتبقى "الملكه" بتاعتهم وحاجات غريبه كده ٦
قلتلها مني ليكي وانا مش بتاعة السكه دي، وهنا ظهر وش تاني قالتلي بس احنا نعرف عنك حاجات كتير وانتي عندك فولورز كتير ويهمك صورتك قدامهم! قلتها حاجات ايه؟ قالتلي حاجات شخصيه، قلتلها لأ لو عنك حاجه شخصيه ضدي انشريها عالcnn مش بس على تويتر ٧
طلع الموضوع قذر جدا ، وانا كست كبيره مش صغيره قدرت افهم ايه الموضوع واجيب اخره ، بس اذا كان ده بيتعرض على امال البنات الصغيرين بيتعرض عليهم ايه ، خدوا بالكم يا حبيباتي عشان احنا في عالم غريب جدا تمت
جاري تحميل الاقتراحات...