10 انواع من الاولاد اووعك ترتبطي بيهم
1/ العبيط : انتي وين ؟ بتتكلمي مع منو؟ وصلتي البيت ؟ يضرب ليك قبل الغدا وبعدو وقبل العشا وبعدو واتساب .. فيسبوك .. لاين .. فايبر .. تفتحي الدولاب تلقي جوه .. يحلنا الحلا بله 😣
2/ المطنشاتي : بيضرب ليك في العيد الكبير والعيد الصغير واول يوم في رمضان .. ولمن تساليهو .. يقول ليك موش خطبتك ؟ دايره مني شنو تاني ؟ الخلا بس !
3/ البخيل : بيعمل ليك مسكول كل دقيقه .. يعزمك ويخليك تدفعي .. لا بجيب هدايا .. لا بيدفع في المواصلات .. لا بيهبب اي هباب .. دا بيكون بخيل حتى في مشاعرو !"اتعس امرأه هي من تتزوج رجلا بخيلا "
4/ الشكاك : تلفونك مشغول .. مافي داعي للشغل .. .. يفتش موبايلك وواتسابك والفيسبوك وشنطتك واحتمال يعمل ليك statement لي رقمك في اي لحظه !
5/ المفجوع : اكل اكل اكل اكل اكل اكل .. كلامو كلو عن الاكل والشراب والعضه .. لمن نعرس تعملي لي كوارع في العشا وجقاجق في الغدا وعلى فكرة انا بفطر كبدة ولحمه صاج !!! طيب رايك شنو اجيب ليك بقرة وتاكل منها الانت عايزو
6/ الاستنزافي : دا بيكون نصاب كبير .. وعايز يتزوج زوله موظفه بمرتب محترم عشان هو يتكل ويرتاح .. حبيبتي ماما عيانه محتاجين قروش .. حاضر .. حبيبتي رصيدي قطع حولي لي رصيد .. حاضر .. حبيبتي لستكي نازل وانا في حته مقطوعه .. حاضر .
7/ الدونجوان : تلفونو مشغول ليل نهار .. ويكون قاعد معاك في حته وبيبحلق في البنات .. وفي كل حته بتطلع ليكي بت كان مرتبط بيها او مرتبط بيها حاليا .. وفي كل خرابه عفريت .. زوووغي منو
8/ النرجسي : ونستو كلها انا انا انا انا انا .. انا سواقتي رهيبه .. انا طبيخي رهيب .. انا لعاب في الكورة ..انا الوحيد البيعتمدو عليهو في الشغل.. انا فاهم الحياة ..انا مافي زول زيي .. انا طلعت الكبري . انا نزلت بحري ..والعربييييه العربييييه جب جب جب .. 👏👏💃
9/ المستعجل : امرقي سريع .. اكلي سريع وراي مواعيد .. شيلي القهوة نشربها في العربيه عندي شغل .. بضرب ليك بعدين انا بيزي .. انا مشغول .. انا بيزي .. انا مشغول .. انا زفت .. !😏
10/ حبيب مامي : امي قالت مافي داعي للقيدومه ..امي قالت البيبسي بيعمل هشاشه عظام ..
امي قالت الدهب دا كتير ..امي قالت لي اخليك ..امي قالت ماليزيا احسن من تايلاند . !😓
بصراحة م خلت ليكم زول الزولة دي 🤣🤣🤣🤣
منقول😂
امي قالت الدهب دا كتير ..امي قالت لي اخليك ..امي قالت ماليزيا احسن من تايلاند . !😓
بصراحة م خلت ليكم زول الزولة دي 🤣🤣🤣🤣
منقول😂
جاري تحميل الاقتراحات...