مهرجان الجونه
هو في العادي انا بطنش مواضيع الهري بس الصراحة التعليقات و التعليقات المضاده و الهري في الموضوع مستفز !
لبسوا و قلعوا راحوا و جم بقى لهم ٥ سنين بيلمهم ويحميهم و يلبسهم و يعشيهم ويفطرهم علشان يتسلى هو و الاسرة الكريمة ايه اللي بينفعنا و لا بيضرنا منهم الواقع انهم /١

هواء مالهمش لازمة سواء بشكل شخصي كمواطنين معرضين في المجمل و المضمون او بشكل عملي في اعمال مالهاش اي علاقه ب اي حاجة تخص الناس و البلد سواء اعمال متصورة داخل قصور و ڤلل محدش عارف اذا كانت بلاتوه و لا حقيقه و كام مواطن مصري يملك الحق في الحياه فيما يشابهها من مسكن و لا تصوير /٢

بلطجة و اجرام و جريمة بشعه مبتحصلش الا في دماغ مجموعة كتاب عايشين معزولين داخل مجتمع يوتوبيا احمد خالد توفيق و شايفين ان اي فقير بالضرورة بلطجي و مجرم و ان الفقراء هم عالم الجريمة الكاملة بس لانهم فقراء
من الاخر اللي بيسموه فن في مصر ايه علاقته بالمجتمع طب ايه علاقة الارزقيه/٣

بتوع المهرجان بالقضايا العامة و هموم الناس الحقيقية طب ايه علاقتهم بالقضايا الاجتماعيه و طبعاً هما حزب حرام السياسة فمش منتظره منهم اي اراء سياسية او لا قدر الله مواقف غير تعريضيه كعادتهم
هما في الاخر مجموعة من الهبل عايشين على افا المجانين مش اكتر
احنا بقى بنهري ليه 🤔/٤

لما تسمع عن مواقف نادية لطفي من قضايا المنطقه او موقف تحية كاريوكا من مختلف الانظمة تعرف ان حضور مهرجان الجونه دول كلهم على بعض تحدف لهم موز 🐵🐵🐵🐵و تقف تتفرج عليهم بعدها
و متعرضهاش اوي يا باشمهندس و تكلمنا عن الحريات في الهش بشك بس لان في حريات حقيقيه حضرتك متعرفش عنها حاجة