على فكرة البيوت الموجود فيها الحمل والاسد بخريطتكم حاولو تكونون اكثر تنظيم وتفكير تجاهها لان وارد جدا تكونون طفوليين وتقدمون ع خطوات ممكن تندمون بسببها .. وامور هالبيتين بتلاحظون احداثها لها رتم سرييع وبتتفعل معكم من عمر مبكر جدًا
مثلا اللي عندهم الحمل او الاسد في الخامس "بشرط مايكون فيه زحل" بتلاحظون انهم دخلو علاقات عاطفية من عمر صغير جدًا وانفتحت عيونهم على فكرة المشاعر والعاطفة بدري مره بالنسبة لسنهم !
بعكس اللي عندهم زحل او الجدي في الخامس ممكن اخر ناس بيفكرون بالحب هو فعلًا مو من اولوياتهم وبيتهربون منه بشكل مستمر ، وراح يكون ابطأ بيت يتفعّل بخريطتهم بمعنى ماراح يدخلون بعلاقة عاطفية الا بعمر متاخر بحياتهم
البيت الموجود فيه الميزان عندكم بيكون اكثر بيت بتتصرفون بأموره ع اساس "الحده" جميع اموركم فيه بتاخذونها بحدة ماعندكم الا خيارين يا اسود يا ابيض ماعندكم منطقة رمادية تخصه .. مثلا اللي عندهم الميزان في البيت الحادي عشر بنلاحظ ان صداقاتهم جدا مضروبه لان ماعندهم توازن باحكامهم !
يا يكون هالشخص صديقي فعلًا او يكون برا حياتي ، ماعندهم توازن او منطقة حيادية بآراءهم تجاه اصحابهم ، تردد شديد ب اخذ قرار صارم يخص احد يضرهم من صداقاتهم هم بشكل مستمر يختارون الهروب لان من صفات الميزان الخوف من المواجهة ظنًا منه انه بالهروب اختار السلام
غالبًا فيه ارتباط واضح بين البرج وكوكبه ، مثلا عندك الحوت في البيت الرابع ونيبتون في الثاني وارد جدًا يكونون اهلك يستغلونك "ماليا" بدون وعي منك وراح يستنزفونك وبتكون معطاء لهم بدون استيعاب ، وبيكون فيه ترابط وثيق بين امور البيت الرابع والبيت الثاني
مثال اخر ، عندك جدي في البيت الثاني وحاكمه زحل في السادس ، بسبب الارتباط الوثيق بين البرج وكوكبه هنا كلما قصرت في واجباتك اليوميه وتكاسلت بيعاقبك زحل بصعوبات مالية وعوائق ، وكل ما عالجت البيت اللي هو فيه وغصبت نفسك عالتنظيم والانتاجية بيتفعل عندك بيت الثروة والمال ، نسبة وتناسب
شوفو موقع القوس عندكم وبعدها شوفو المشتري ، مثلًا القوس عندكم في الاول والمشتري في الخامس هنا كلما تحسنت حياتك العاطفية ولقيت الشريك المثالي اللي يكون عون وسند لك بتزدهر شخصيتك ويزيد حبك لنفسك بناء على وضع الجانب العاطفي عندك ، لو طحت بشريك سيء راح يظهر ع شخصيتك ويوضح عليك الذبول
لو الثالث عندكم جدي وحاكمه زحل في العاشر وارد جدًا ان الناس اللي بيطلقون عليك الشائعات واللي بيتكلمون من ورا ظهرك ناس تتعامل معهم بشكل مستمر وبيكونون من ضمن محيطك المقرب ، اقارب او اصدقاء من المتوسط والثانوي وممكن حتى الإخوة
جاري تحميل الاقتراحات...