كلمتين محشورين فى زورى و لازم يطلعوا...فى شد و جذب جامد اليومين دول ما بين ناس بتقول ليس فى الامكان افضل مما كان و ناس بتقول احنا رايحين فى ستين داهية و بيتكلموا عن اسعار و مشاكل مرور و نظافة...و الطرفين مش طايقين بعض ...هو ليه كل طرف فاهم انه صح ١٠٠% ...( ١)
احنا عايشين فى الدنيا فى الجنة ولا إحنا فى المدينة الفاضلة...يعنى طبيعى يبقى فيه الحلو و الوحش إلى أن تقوم الساعة...احنا بلد كبيرة و مشاكلها كبيرة و متجذرة و صعبة و فى ال٦٠ سنة اللى فاتوا عدى علينا حربين و عدى علينا ٣٠ سنة كنا حرفيا فى الفريزر و عدى علينا ثورتين (٢)
و عدى علينا اصلاح اقتصادى كان لابد منه و اتأخر ٣٠ سنة عن ميعاده ...وكمان يشاء ربنا اننا نلبس فى سنتين كورونا جابوا كل دول العالم هلى ركبهم...بس طبيعى اننا بما اننا بقالنا كتير مستحملين ظروف صعبة إننا نبقى عاوزين نشوف تطور فى حياتنا اليومية للأحسن ومستعجلين على كده كمان (٣)
لكن كمان الناس اللى بتقول احنا رايحين فى داهية اسمحوا لى انتم ضلالية..و عندكم ذاكرة السمكة...انتم بتنسوا إيه..بتنسوا الناس اللى كانت بتموت فى طوابير العيش و انابيب البنزين؟ ولا بتنسوا الايام اللى عيشناها فى ظلام علشان مفيش كهرباء ولا تقنين الفساد على مدى سنوات الرئيس المزمن(٤)
ولا مجموعة رجال الاعمال اصحاب ننوس عين ماما اللى ضبعوا فى البلد كلها ولا اننا كنا هنتورث و كأننا مجموعة بهايم هيورثها أبا العمدة للننوس..ولا نسيتوا تحجيم دورنا الاقليمى تماما سواء فى المجال الافريقى او المتوسطى...ولا تسليم النقابات و الهيئات للإخوان فى موائمات قذرة كل هدفها،(٥)
تأمين توريث المحروس...زعلانين على كام شجرة اتشالوا علشان نترحم من الخنقة فى مصر الجديدة و مدينة نصر اللى كنا بنكره العيشة و اللى عايشينها و نسب و نلعن فى اليوم اللى اتولدنا فيه لو روحنا مشوار هناك...زعلانين اننا سيطرنا على مقدراتنا الاقتصادية فى المتوسط؟؟؟ لو ما كناش جرينا(٦)
فى تخليص الامور دى كانت تركيا حطت إيدها على آبار الغاز و اعلى ما فى خيلنا نركبه...و كبيرنا نروح نشتكى فى الامم المتحدة و موت يا حمار بقى...
بنعمل طرق تسهل حياة الناس...بنسلح الجيش علشان نفضل أسياد نفسنا و ما نضيعش زى اللى ضاعوا حوالينا..حد قبل كده فكر فى مرضى فيروس سى؟ (٧)
بنعمل طرق تسهل حياة الناس...بنسلح الجيش علشان نفضل أسياد نفسنا و ما نضيعش زى اللى ضاعوا حوالينا..حد قبل كده فكر فى مرضى فيروس سى؟ (٧)
طب حد فكر فى اللى كانوا عايشين فى العشوائيات...بذمتكم و ضميركم كنتو تتخيلوا ان الناس اللى كانت فى العشش الصفيح و الطرنشات تروح شقق آدمية و مفروشة كمان؟...عندى كلام كتير يتقال بس متهيألى الفكرة وصلت...عندنا مشاكل مضايقانا و منغصة علينا عيشتنا و عاوزينا تتصلح و كل شوية هنقول(٨)
و نشاور و نتكلم لحد ما تتصلح لاننا نستحق...لكن نقول اننا رايحين فى داهية علشان مشاكل مرور و نضافة؟؟؟
شوية امانة مع النفس و ضمير يا جماعة...ده احنا حوالينا ناس تتمنى نص حالنا حاليا...اهدوا كده...الطرفين يهدوا و نخلينا موضوعيين ..ده انتو مش بتعرفوا تجمعوا الناس فى اتحاد (٩) ا
شوية امانة مع النفس و ضمير يا جماعة...ده احنا حوالينا ناس تتمنى نص حالنا حاليا...اهدوا كده...الطرفين يهدوا و نخلينا موضوعيين ..ده انتو مش بتعرفوا تجمعوا الناس فى اتحاد (٩) ا
العمارة بتاعتكم علشان تدهنوا السلم...
انا مش هرد على تعليقات بعد اذن حضراتكم
انا مش هرد على تعليقات بعد اذن حضراتكم
جاري تحميل الاقتراحات...