#ثريد
ليه الإيجابية الزائدة عن حدها بتكون سامة ومدمرة !؟ | الجزء الأول من سلسلة ثريدات تلخيص الكتاب العظيم جداً ° فن اللامبالاة °
" ريتويت كتقدير للمجهود وعشان غيرك يستفيد "
ليه الإيجابية الزائدة عن حدها بتكون سامة ومدمرة !؟ | الجزء الأول من سلسلة ثريدات تلخيص الكتاب العظيم جداً ° فن اللامبالاة °
" ريتويت كتقدير للمجهود وعشان غيرك يستفيد "
1- " زيادة رغبتك في خوض الكثير من التجارب الايجابية تجربة سلبية بحد ذاتها وقبولك للتجارب السلبية تجربة ايجابية بحد ذاتها " ..
جملة معقدة صح ؟ الجملة العميقة دي بتعني انه رؤيتك للحياة ماينفع تكون دائما ايجابية ! و ..
جملة معقدة صح ؟ الجملة العميقة دي بتعني انه رؤيتك للحياة ماينفع تكون دائما ايجابية ! و ..
مالازم ال 24 ساعة في اليوم تكون مليانة سعادة ! وما لازم طول السنة تكون مبتهج وفرحان !., لأنه التفكير الايجابي المبالغ فيهو بيخليك وبشكل غير واعي معارض لمنهجية سير الحياة الطبيعية البتكون غالباً منصفة وعادلة ، وبمعنى أدق شوية ..
الفترة الحتعيشها في حياتك حتكون مقسمة على شكل فترات مابين أيام سعيدة ومليانة فرح وأيام تانية حزينة مليانة تعاسة ، أيام حتفوز فيها وأيام تانية حتخسر فيها ، أيام حتكسب فيها ناس حيبقو عزيزين عليك وأيام تانية حتفقد أعز الناس في حياتك ، ف الحل هو ..
إنك تكون متقبل لحقيقة مهمة جداً وهي حقيقة إنه " الصعاب في كل الاحوال دائماً موجودة ! " ، فبدل ماتحاول تتجنبها وتتجاهلها فكر كيف حتقدر تتعامل معاها وتحلها .. ؟؟
2- " كل ما حتحاول تحسن من اسلوب معيشتك الحالية كل ما حيقل رضاك ب النعم الانت فيها " ..
ملاحقتك وسعيك بصورة مستمرة لحاجة أنت مابتمتلكها بتعزز من حقيقة إنك فعلاً مُفقتد الحاجة دي ! ، والحقيقة دي بدورها حيكون ليها أثر سلبي كبير وخصوصاً من الناحية النفسية ! ، وكمثال توضيحي ..
ملاحقتك وسعيك بصورة مستمرة لحاجة أنت مابتمتلكها بتعزز من حقيقة إنك فعلاً مُفقتد الحاجة دي ! ، والحقيقة دي بدورها حيكون ليها أثر سلبي كبير وخصوصاً من الناحية النفسية ! ، وكمثال توضيحي ..
لو بتحاول مثلا تجمع كمية خيالية من الأموال عشان تبقى غني , كل مرة حتحاول تجمع فيها أموال أكتر عشان تبقى غني حتلقى روحك كل مرة عايز تجمع أكتر من كدا ! وعايز تبقى أغنى من كدا ! ، و بشكل غير واعي حتحس إنك لسى فقير حتى لو كمية الأموال العندك خيالية وغيرك بيعتبرها ثروة , والسبب
..!؟
..!؟
لأنه الانسان بطبعو بيحب الأكتر في كل حاجة في حياتو ، دائماً بيحب يكون عندو قروش أكتر و هدوم أكتر و عربات أكتر و تلفونات أكتر وأصحاب اكتر ووو...الخ" ، وكل ما زادت رغبات الإنسان في الأكتر كل ما قل رضاه بكل النعم الحوله , ف الحل إنك توازن مابين رضاك بالعندك وما بين سعيك للأكتر
3-"تجنب المعاناة شكل من أشكال المعاناة نفسها "..
لمن تخوض تجارب سيئة وتحاول تتهرب من أثرها السلبي أو تتجنبها حتزيد من أوجاعك ومعاناتك أكتر ! بمعنى أدق محاولتك لتجنب صراع هو صراع في حد ذاته وإنكارك الدائم للفشل هو فشل بدوره وإخفائك للحاجة الانت بتخاف منها هو خوف بتظهرو بدون ماتحس
لمن تخوض تجارب سيئة وتحاول تتهرب من أثرها السلبي أو تتجنبها حتزيد من أوجاعك ومعاناتك أكتر ! بمعنى أدق محاولتك لتجنب صراع هو صراع في حد ذاته وإنكارك الدائم للفشل هو فشل بدوره وإخفائك للحاجة الانت بتخاف منها هو خوف بتظهرو بدون ماتحس
كل تجربة سيئة عانيت منها هي في الاخر عبارة عن تجربة ما أكتر ولا أقل ، فيها نقاط سلبية وفيها نقاط ايجابية ، ومُجرد ماتعاين لنص الكباية المليان حتتعلم منها وحتكتسب خبرات عظيمة ، فالمعاناة ما دائماً مضرة !
4- "عادي لو سائت الأمور احيانا , الحياة ليست دائما وردية "..
واحدة من أكتر الافكار الممكن تدمرك هي فكرة انه حياتك لازم تمشي بالاسلوب الانت عاوزو ومخطط ليهو , الحياة مالعبة بلاي ستيشن ! انت ماحتقدر تتحكم فيها ! ومستحيل ..
واحدة من أكتر الافكار الممكن تدمرك هي فكرة انه حياتك لازم تمشي بالاسلوب الانت عاوزو ومخطط ليهو , الحياة مالعبة بلاي ستيشن ! انت ماحتقدر تتحكم فيها ! ومستحيل ..
حياتك تمشي زي ماانت عاوز بالضبط ! , زي ماحتفوز حتخسر وزي ماحتفرح حتزعل وزي ما حتضحك من السعادة ممكن تبكي من الحزن ، وعارف ليه الفكرة دي تحديداً ممكن تدمرك ؟ لانه أول ما تحصل ليك مشكلة ولو كانت بسيطة شديد انت ..
ماحتقدر تتمالك اعصابك وما حتتقبل التغيرات البتحصل في الحياة وحتعمل كوارث ! أهمها انك حتبدا تلوم قضاء وقدر ربنا سبحانه وتعالى ! بجمل زي * انا ليه بيحصل لي كدا ، والمفروض ما كان يحصل كدا * وكمان حتلوم نفسك وحتقول * اكيد العيب فيني وانا اكيد عملت حاجات غلط عشان كدا حصل كذا وكذا * ..
حتى لو كان كل العملتو صح برضو حتلوم نفسك والحاجة دي أثرها السلبي عليك حيكون كبير وكارثي ، واحتمال تصل لمرحلة انك تلوم ناس ماعندهم علاقة بالموضوع , والافكار دي حتحسسك بالذنب وحتكون سبب في إنها تولد ضغط كبير على روحك ، ف اهدأ شوية واتذكر انه الحياة ليست دائما وردية ..
عشان الثريد ما يكون طويل حنوقف هنا والاسبوع الجايي حنزل الجزء التاني من تلخيص الكتاب
حابي أشكرك لأنك كملت الثريد للأخر فلو عجبك ياريت تعمل لايك وريتويت للثريد وحكون شاكر وممتن جداً 👏 , وماتنسى تعمل متابعة للحساب عشان يصلك الجزء الثاني ، وختاماً بتمنى ليك يوم سعيد ❤️
حابي أشكرك لأنك كملت الثريد للأخر فلو عجبك ياريت تعمل لايك وريتويت للثريد وحكون شاكر وممتن جداً 👏 , وماتنسى تعمل متابعة للحساب عشان يصلك الجزء الثاني ، وختاماً بتمنى ليك يوم سعيد ❤️
جاري تحميل الاقتراحات...