لو فى يوم من الايام هتسافروا برة مصر فى شوية نصايح كده على الماشى...
لو هتقعد اسبوع يبقى تقعد فى أوتيل...اكتر من اسبوع يبقى تأجر شقة من Airbnb علشان يبقى سهل عليك تغسل هدومك...و سهل تاكل فى البيت مش لازم كل الوجبات برة و كمان لان بعد اسبوع بتحس ان اوضة الاوتيل بقت خنقة- ١
لو هتقعد اسبوع يبقى تقعد فى أوتيل...اكتر من اسبوع يبقى تأجر شقة من Airbnb علشان يبقى سهل عليك تغسل هدومك...و سهل تاكل فى البيت مش لازم كل الوجبات برة و كمان لان بعد اسبوع بتحس ان اوضة الاوتيل بقت خنقة- ١
الاوتيلات فيها كاتل و مستلزمات الشاى و النسكافية بس نصيحة لو متعود تشرب فى مج معين خده معاك و خد الشاى بتاعك معاك..مش طالبة قلة مزاج فى اول اليوم..ال back pack مفيدة جدا علشان تتحرك بها...لان عادة بيبقى معاك شمسية و جاكت خفيف و نظارة شمس و وايبس و قزازة مية فاضية علشان الحمام-٢
يستحسن يبقى معاك حاجة بسوستة للعملات المعدنية ...لانها بتخلى المحفظة تقيلة جدا و الافضل تتخلص منها أول بأول...المخفظة يبقى فيها الفلوس و الكريديت كارد و صورة الباسبور علشان لو عاوز تعمل tax free. المخفظة ما يبقاش فيها كل فلوسك...الباقى تسيبه فى الخزنة فى الاوتيل أو البيت -٣
بلاش تاخد لبس كتير ...محبكتش الاناقة..خد لبس عملى و جزمة مريحة..لو ناوى على شوبينج تسافر بشنكة فيها حاجتك و شنكة تانية فاضية..معظم خطوط الطيران بتسمح بقطعتين كل واحدة ما تزيدش عن ٢٣ ك...و يفضل يبقى معاك كابين تروللى اللى هى الشنكة الصغيرة اللى بتاخدها معاك الطيارة - ٤
و يا ريت تعلم الشنط بتاعتك بأى علامات لأن سبحان الله كل الشنط على السير بيبقى شكلها واحد..و فى تحضير الشنطة فى حاجة جربتها و ريحتنى جدا اللى هى ال packing cubes.دى شنط طرية بسوستة مقاسات مختلفة تحط فيها الحاجات اللى زى بعض ..يعنى واحدة للتيشيرتات و واحدة للشرابات و كده- ٥
و دول ممكن تشتريهم من على النت..اشكال و احجام و الوان و اسعار مختلفة بس فعلا مريحة جدا و تخلى شنطة السفر تاخد حاجات أكتر.و طبعا غير ادويتكم خدوا معاكم دواء للحرارة و المغص و الاسهال و كحول مطهر و بلاستر..
بس كده..لو افتكرت حاجة تانية هقول لكم - ٦
بس كده..لو افتكرت حاجة تانية هقول لكم - ٦
جاري تحميل الاقتراحات...