الفترة الفاتت دي كان في كمية من الناس حذروا من مادة جديدة خشت السودان معروفة باسم ice، و اسمها العلمي methamphetamine، بحكم شغلي في الICU بتاعت مستشفى كبيرة، لاحظت انو للأسف في حالات بتاعات تعاطي بدت تصل. و الوضع صراحةً مخيف.
في خلال الاسبوعين الفاتت شفت تلاتة حالات كلهم مخيفات للأسف. منهم الثابت انو كان بياخد ice و منهم المدمن و ماعارف روحو بياخد شنو و ما بياخد شنو( بتاع كلو) و منهم الما قدرنا نفسر حالتو الا بي موضوع الice دا دا غير شهادات اصحابي الشغالين في نفس المجال و المتابعين للحاصل في المجتمع
عشان انا اخش في الموضوع طوالي الice دا من الادوية البيدمنوها الناس و خش السودان جديد مع انو قبلها بي فترة كان منتشر برة السودان. هو من الادوية المنشطة للجهاز العصبي و بيخلق حالة من النشاط و احساس بالسعادة . و اغلب الناس البيتعاطوهو للأسف بيتعاطوا معاهو ادوية تانية
المشكلة في الice دا انو بيزيد ضغط الدم بي طريقة خطرة شديد ممكن تأدي لي ذبحة صدرية او نزيف دماغي.
فتخيل تكون شاب في سن المراهقة او في بداية العشرينات و عندك ذبحة، او حتقضي باقي عمرك مشلول.
فتخيل تكون شاب في سن المراهقة او في بداية العشرينات و عندك ذبحة، او حتقضي باقي عمرك مشلول.
و المشاكل ما بتقيف هنا، احسب معاك الامراض النفسية، من انفصام الشخصية و الاكتئاب و القلق، و لا سمح الله الانتحار.
لكن المشاكل برضو ما بتقيف هنا لانو دا العارفنو بس، السؤال الحقيقي انت بتشتري الice دا بي كم؟ و هل دا سعرو الحقيقي؟؟ لازم تكون عارف انو الحاجات دي غالية و كل ما يبيعوها ليك بي سعر رخيص بتكون غير نقية و ملوثة
واحدة من المواد الملوثة الكان لقوها زمان في الكوكايين هي مادة الMPTP الاكتشفوا انو بعد سنين بتسبب شلل رعاشي، و أُصيبوا بيها ماس في العشرينات و بدايات التلاتينات، و اتكتب عليهم انهم يعيشو باقي حياتهم بي شلل رعاشي. و صراحةً في اعراض ما بتتفسر بالice براهو من الحالات الشفناها.
رسالتي لي اي شاب مضغوط و عليهو هموم الدنيا و بيتعاطى عشان ينسى، انو الice دا بالذات لا. و اعرف انو لارم تتعلم تقول لا. دا ما مبرر للادمان عموماً لكن في حاجات اكعب من حاجات
جاري تحميل الاقتراحات...