رتبها

مساء الخير.. خلوني اخذكم معي في هذه التغريدات المتسلسلة واوضح بعض الامور الي كان يقصدها معالي المستشار @Turki_alalshikh وكيف تستفيد من #موسم_الرياض وتشتغل وتطلع فلوس ..
بسم الله نبدأ..

من خلال #موسم_الرياض اذا كان عندك استراحة مرتبة أو شقة أو استيديو سكني يمديك تسجل في @gathernApp وتعرض عقارك عندهم بأسعار مناسبة وجذابة للسياح .. لا تبالغ وقليل مستمر خير من كثير منقطع..
والله كان في أصدقاء من الكويت يبحثوا عن مثل هذي الأشياء في الموسم السابق ٢٠١٩

تدري انك تقدر تطلع اقل شي ٤٠٠٠ ريال في الشهر الى ١٠٠٠٠ ريال .. انت ونشاطك .. في فعاليات كثيرة مصاحبة ويحتاجوا منظمين .. علاقات عامة .. مترجمين.. ابحث عن شركات المنظمة تلاقيهم في بوليفارد او ونترلاند او غيرهم ولا تنسى تسجل في منصة مطلوب
matloob.ec.gov.sa

matloob.ec.gov.sa

جدول الفعاليات راح يعلن عنه في يوم ٤ اكتوبر بعد المؤتمر الصحفي.. خذه وشوف وش تقدر تسوي.. تسوي رحلات سياحية داخل الموسم .. تسوي جولات في الرياض وضواحيها ..
اكتشف ايش تقدر وتتميز فيه .. وأقدم..
سوي لك صفحة في تويتر او انستقرام وسوق خدماتك..

عندك باصات او شركة نقل او عندك سيارة فان.. لا تفوتك فرصة التعاقد مع المطاعم الي في بوليفارد عشان توصل الموظفين الي يشتغلوا في المطاعم.. ترا عندهم شح ويحتاجوا من يساعدهم في هذي المسألة..

فاضي!! سجل في كل تطبيقات التوصيل اوبر وكريم و جيني ووصل وكل التطبيقات تقدر تطلع في اليوم الواحد ١٠٠-١٥٠ ريال وانت ونشاطك.. قليل مستمر خير من كثير منقطع..

العمل الجزئي راح يكون فرصة كثيرة وكبيرة في الموسم .. والموسم ٣ شهور يمديك تلحق .. سجل في كل المنصات الي تدعم العمل المرن والجزئي والعمل الحر
@MRNKSA @FreelancersKSA

التطبيقات تراها راح يكون فرصها عظيمة وأولهم هذا العظيم @JahezApp يحتاج من يوصل طلباتهم .. و @HungerStation صاروا رعاة للموسم يعني في مدخول وطلبات .. والحبيب @AppMrsool

الي متخصص سياحة والي متخصص في الترجمة .. نصييييحة هذا وقتكم .. سووا لكم صفحات واستهدفوا السائحين الي راح يجون .. الي يتكلم صيني وياباني وكوري.. فرصتك فرصة عظيمة ..

وطرق كثيرة كثيرة تقدر تستفيد من وجود #موسم_الرياض وتقدر تطلع فلوس بنشاطك..
كلام معالي المستشار نابع من قلب يحب عيال هذا الوطن ..
حاولت افتح عيونكم على بعض الطرق ..
والرزق قبل كل شي بيد الله سبحانه..
توكل على الله.. والميدان ينتظرك
وأهلاً بزوار #موسم_الرياض 🇸🇦
عين فراش وعين لحاف

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد