دخلت بحياتي نعمة وتحولت فجاة لنقمة وصار كل شيء مدمر روحيا ونفسيا وعضويا وقعدت اتعذب سنين وشقلب يقيني شقلبه و حياتي مع الله تدمرت بسبب تفكيري فيه وعبادتي صارت بدون لذة ابداً وكنت اصيح واشوف الويل لاني فقدت اماني وايماني ، صحيح كنت مع الله لكن مشاعري 0% ، ذنوبي جبال بدون توبة..
طاعتي مالها تاثير على قلبي،وجهي باهت وجسمي نحف،والحمدلله ربي رحمني(الرحمة تكون بالاخذ مو بس بالعطاء) وشال هالشيء مني ومت مليون مره وتعذبت،لكن بعدها راجعت نفسي/ ايش الخلل؟ايش تعلمت درس من هاللي حصل؟خصوصا انا من سنين مدمره من ابتلاءً معروف ما كنت كذا مع الله ابداً ..عرفت اللي دمرني
(قدست النعمة اللي ربي عطاني بدرجة اني اهملت علاقتي مع الله كثير ،وصرت مشغولة بما اكرمني الله عنه،اقرا قران بسرعة اصلي بسرعة،مشغولة بس بنعمتي ويوم تحولت نقمة دمرتني،العبرة(لا تخلون شيء اكبر من الله بقلوبكم ولما يكرمكم استمروا اكثر بالقرب من الله والا ترا رح تكون نقمة) .
وينقلب كل شيء على راسكم ، فحلو الانسان يكون متوازن بمشاعره ناحية كل شيء التعلّق الزايد مرض ترا صدق يهلك وانا تعلقي ما كان بشخص وهذا اصعب كان شيء اكبر بكثير ، لذلك الله هو مصدر الراحة والامان والرزق والسلام والحب وكل شيء مجرد تعطي شيء اهمية اكثر بتتعب نفسياً وصحياً ♥️
اذا كان مصدر الامان والسعادة عندك محصور بوظيفة او زواج او ذرية او اي شيء حاول تعالج هالنقطة،ادري كلها من متطلبات الحياة وبعضها احتياجات ولكن المقصد(تعطل كل حياتك عشان هالشيء) هنا تصير المشكلة اللي دمرت كثير،ضروري تتعلم الدرس حتى ترجع لنعمة السلام الداخلي وتتوازن ويكرمك الله💙
الخلاصة(الشرك،والتعلّق الزايد اللي تموت عشان شيء حتى يحصل وتعطل كل امورك عشانه) ممكن تكون سبب اللي انت فيه فراجع حساباتك وتاكد الله مصدر لكل سعادة وامان والمطلوب تتوازن..وتثق بان وعود الله رح تجيك دام قلبك موحد وتعلقك طبيعي وحب الله بقلبك اكبر من اي شيء..وبتذوق لذة العبادة🙏🏻♥️
الان اسعى لانك تتعرف على الله من جديد،اقرا باسماء الله الحسنى ياكثر الكتب ومقاطع اليوتيوب،ادعي ربي كثير انه يحبك وتحبه،وركز على اللي يسعدك وادعي يفرج كربتك(واحذر من الشرك ولاتعتمد على الاسباب اكثر من الله،اي شيء تحبه اكثر من الله اسعى انه مشاعرك تتوازن ناحيته ادع كثير )، وبتزين💕
نسيت اقول (لا تخافون ربي مرات ياخذ الشيء اللي يبعدكم عنه عشان تتوازن المشاعر ويرده لكم واذا مارده بيكون فيه عوض افضل ونعمة افضل تناسب مستوى الوعي والنضج اللي وصلتوا له مرح تكونون بمشاعر الحزن هذي والخوف من الفقد ،تطمنوا ربي مايضركم ولايحرمكم شيء يعلم انه بيكون راحة لكم ويفيدكم♥️
جاري تحميل الاقتراحات...