فى هنا بعض الناس انا فعلا مش عارفة هما عايشين ازاى بالسواد و الاحباط اللى بيبخوه ده...الدنيا فيها حلو و وحش و ظروف صعبة و ظروف سهلة..و يوم ملوش ملامح و يوم بيعدى ببركة ربنا و يوم بنبقى مش عارفين نمسك دموعنا و يوم نضحك ضحكة صوتها يجيب آخر الشارع...و البعدا دول بيدوروا
على الهم بمنكاش...عاوز يلاقى الغلط..عاوز يشوف المصيبة...تقوله شوف الوردة دى جميلة ازاى يقولك بص تحتها هتلاقى طين..تقوله انا روحت النهاردة من التجمع للمهندسين فى نص ساعة يقولك بس طريق الهرم واقف..تقوله انا اشتريت النهاردة خضار بسعر حلو بقولك شوفى اللحمة بقت بكام..تقوله انا دخلت
النهاردة مستشفى و قابلنى دكتور محترم و خلصت بسرعة يقولك الناس بتموت على باب المستشفيات...يا ولاد الكئيبة مررتوا عيشتنا الله يحرقكم...انتم مستحملين نفسكم ازاى..غوروا من حياتنا خلونا نعرف نعيش..الدنيا مش سوداء ....الدنيا من ده على ده..لقد خلقنا الانسان فى كبد..اشكروا ربنا على
نعمه و اطلبوا منه العون فى الشدة و اعرفوا ان كل انسان عنده مشاكل..فى بيته او ماله او صحته او اولاده أو شغله..الحمد لله رب العالمين
جاري تحميل الاقتراحات...