إذا كنت صاحب شركة .. أو مسؤول فيها ..
5 نقاط تهمك .. وتقولك ليش لازم يكون عندك فلسفة خاصة بشركتك ..
تابع التغريدات تحت ⬐
5 نقاط تهمك .. وتقولك ليش لازم يكون عندك فلسفة خاصة بشركتك ..
تابع التغريدات تحت ⬐
إيش يعني "فلسفة الشركة" ؟! .. أتكلمت عن هذا الموضوع في تغريدات راحت .. وباختصار تقدر تعتبرها الغاية .. أو الشي اللي إنت تؤمن فيه وسويت الشركة عشانه .. تمام ؟! .. موضوعنا اليوم عن .. ليش ؟! .. ليش فلسفة الشركة شي ضروري وما تنجح الشركة بدونها .. 5 أسباب حتقنعك بالموضوع .. نبدأ ؟!
1️⃣ تسهل قراراتك .. في أي مرحلة في الشركة .. كل يوم عندك مجموعة كبيرة جدا من الاختيارات .. السؤال كيف حتختار بينها ؟! .. إذا ما كان عندك البوصلة اللي تدلك على الطريق .. غالبا حتضيع لأنها قرارات عشوائية .. فلسفة الشركة زي البوصلة بالضبط .. توجهك عشان توصل للهدف اللي تبغاه
2️⃣ تعطيك مساحة تكبر فيها الشركة .. أمس شرحت مثال كيف شركة تسلا لمن صارت فلسفتها هو التحول للطاقة البديلة .. بالتالي قدرت تدخل في صناعات مختلفة غير السيارات الكهربائية .. زي ألواح الطاقة الشمسية للمباني .. وتطوير صناعة البطاريات لتخزين طاقة كبيرة
3️⃣ دافع شخصي للعمل والتطوير .. تخيل إنك مؤمن بقضية معينة .. حجم إيمانك بها = حجم الوقت والجهد اللي ممكن تعطيها (خصوصا في بعض المراحل يكون المردود المادي غير واضح) .. وهذا ببساطة لأنك شايف أهميتها .. تقدر تلاحظ إيمانك بأشياء مختلفة في حياتك قد إيش يأثر على قراراتك
4️⃣ حتبني ثقافة شركة ممتازة .. في الأخير أكثر أشخاص مستعدين يشتغلوا في الشركة هم اللي حيكونوا مؤمنين معاك في رؤية الشركة .. إحساسهم بأنهم مشاركين في هذا التغيير أو جزء من تحقيق هذا الهدف حيكون محفزهم الأول للاجتهاد في العمل .. وأكيد حب الشركة وبيئتها
5️⃣ تعطيك ميزة تنافسية .. المنتجات في السوق تتشابه لأن التقليد سهل .. لكن لمن يكون المنتج مبني على فلسفة خاصة بشركتك .. هنا ما في أحد حيقدر يحط روح للمنتج قد هذه الفلسفة .. فلسفتك حتخليك دايما في المقدمة .. لأن هدفك مختلف وواضح .. غير إنه العميل حيتعاطف مع القضية معاك ويشتري منك
هذه 5 أشياء تأكد لك أهمية وجود فلسفة لشركتك .. وكلها بدون شك حتساعدك في تحقيق أهدافك وزيادة الأرباح ونجاح الشركة .. اقتنعت ؟! .. ايش هي فلسفة شركتك ؟! .. شاركنا ..
جاري تحميل الاقتراحات...