الليله عاوزين نعالج حاجه من اهم الحاجات البتجي في الطوارئ والحاجات البتخوف جدا وهي زياده البوتاسيوم هايبركلليميا اول حاجه نتفق النورمال رينج من ٣ونص لغايه خمسه بعد كدا نخت في بالنا اغلب الاسباب الممكن تعملها زي الاديسون والادويه زي الهيبارين والace inhibitors والفشل الكلوي

وغيرها
طيب نتفق اكبر ضرر بنخاف منو هو الاعتلال في القلب الاarrhythmia وعشان تعرف الهايبركليميا عاين في الt wave بتلقاها طويله وتشبه الخيمه هنا صراحه انت واطاتك اصبحت لان حيكون الهدف الاساسي من العلاج كيف تحافظ عل الهارت ف بتدي ca gluconate iv بالرول الاسمها rule of ten لقدام

بنشرحها
بعد كدا كيف انا اتعامل طيب هو نحن قلنا هايبركاليميا معناها البواتسيوم في الدم عالي عندي حاجتين حاعملهم حادخلو جو الخلاليا واطرد الباقي من الجسم
ادخلو جوا الخلايا عندي حاجتين بعملهم بدي انسلين لان بيدخل البواتسيوم جو الخلايا لكن بدي معاه ديكستورز درب عشان ماكمان ادخلو

في هايبوجلايسيميا ماناقصين
وبرضو من الحاجات البتدخلو جو الخلايا الsalbutamol اي حق الازما فلو شفت دكتور في الطوارئ ركب للعيان دا بخار فدا دكتور شاطر وقاري كويس
يلا بعد دا نجي لطرد البوناسيوم خارج الجسم
في حال ان كان زايد شديد وماقدرنا ندخلو للخلايا ندي حبوب calcium resonum

ولو مابيقدر يبلع في منها تحميله
وندي برضو مدررات loop duretic
واخر شي الحل الاخير الغسيل الكلوي
طبعا دا العلاج الفوق الكامل لكن مامعناها كل حاله لازم تعمل كل الحاجات الفوق دا بيعتمد عل خطوره الحاله وعلى مرتفع قدر شنو وكدا
نلتقي مجددا في قادم الايام