ماتيجوا نتكلم عن السكاكين شوية؟ السكاكين من أهم الحاجات في أي مطبخ إن لم تكن أهم حاجة في المطبخ أصلًا، السكاكين عالم لوحده بداية من نوع السكينة للماتيريال المستخدمه مرورًا بأنواع المقابض والBolster والـ Spine وإلخ..
ملحوظة: أنا مش بروفيشنال ومعلوماتي عن الـCulinary محدودة فشخ بس دا كان من إحدى المواضيع اللي كنت مهتم بيها مؤخرًا. وقلت اسيب اللي أنا عارفه هنا يمكن يفيد حد مستقبلًا، فيلا نكمل.
في البداية من وجهة نظري أي مطبخ ماينفعش يكمل من غير ٤ أنواع سكاكين وهم الـ "٨ انش" Chef's knife و الـPairing و Bread و Filleting (خصوصا لو بتخلي لحم وسمك من العضم كتير). ولو هجيب للمطبخ سكينة واحدة بس فهي ١٠٠٪ لازم تكون Chef's knife و آه الـ8 انش. صورة بتوضح بعض أنواع السكاكين:
مش هتكلم دلوقتي غير على الـ Chef's knife عشان دي أهمهم الحقيقة، أكتر مدرستين مشهورين للسكاكين هم السكاكين الياباني أو الغربي (ألماني و فرنسي). عارفين السكاكين اللي بتبقى مع الشيفات في مطاعم السوشي؟ دي الياباني (فوق في الصورة)
السكينة اللي تحت بقى ألماني، بتكون أتقل وأكثر سمكا ومناسبة لطريقة التقطيع اللي بنستخدمها في البيت واللي بالمناسبة بيكون اسمها Rocking Cutting Technique.
المادة اللي بيبقى معمول منها نصل السكاكين النضيفة بتكون في الغالب لإما كاربون ستيل او ستانلس ستيل. الكاربون ستيل مع الزمن وكترة الاستخدام بتصدي ولكن سنها بيكون أسهل كتير من الاستنالس ستيل، أما الثانية ففي الغالب مش هتصدي منك ومش هتحتاج تحافظ عليها اوي وانت بتستخدمها زي الكاربون.
وبما إننا جبنا سيرة سن السكينة فخلينا نقول ان فيه misconception منتشر فشخ وهو اننا بنقول لما بنستخدم Honing Steel -زي اللي في الصورة دا- اننا سنينا السكينة ودا غلط. في فرق كبير بين الـ Honing و الـSharpening.
ببساطة الـHoning: هو اننا "بنعدل" نصل السكينة :D يعني من الآخر الاستخدام المتواصل للسكينة بيسبب انحرافات طفيفة في حافة النصل ودي اللي احنا بنعدلها بقى.
إنما الـSharpening: بيكون عن طريق اننا بنشيل جزء صغير من شفرة السكينة ومع الوقت وكترة الـ Sharpening حجم السكينة فعليًا بيتغير وبيكون ظاهر عليها.
youtube.com
youtube.com
في تفاصيل كتير تانية زي سماكة الاستيل ونقطة توازن السكينة وشكل النصل والخ والخ. بس من أهم العوامل اللي الواحد ممكن يقرر هل السكينة مناسبة فعلًا ولا لأ انه يجرب يمسكها ويشوفها مريحة في إيده ولا لأ. As simple as that آه.
لو هرشح سكينة كويسة سعرها مناسب فهتكون إما "Victorinox 8 دي سعرها من 30$ -50$ على امازون أو "WÜSTHOF Classic 8 دي سعرها 150$ (ماقدرش أرشح دي كفاية الحقيقة دي اللي عندي وبستخدمها يوميًا وسكينة محترمة فشخ الحقيقة).
دا فيديو لطيف بيتكلم فيه Will Griffin بتعمق عن الفروقات بين انواع الـ Chef's knife الموجودة على الكوكب كله الحقيقة. الفيديو انترستينج فشخ ويستاهل يتشاف، هتندهشوا من الحاجات اللي هتشوفوها الحقيقة. :D
youtube.com
youtube.com
آخر حاجة ممكن اقولها بلاش حد يشتري الـSets الجاهزة بتاعت السكاكين اللي بتتباع في كل حتة دي ياجماعة، عشان أولًا بتبقى سكاكين رديئة فشخ فشخ، ثانيًا: انت في الغالب مش هتستخدم منهم غير سكينة أو اتنين أصلًا وبالتالي استثمر في سكينة محترمة من الأول أحسن.
جاري تحميل الاقتراحات...