عن المغامرين الخمسة، والدياثة
......
نقاش مسلي النهارده، بدأ بتويتة عبرت فيها عن ضيقي من عدم قدرة بناتنا واخواتنا انهم يلبسوا براحتهم في شوارعنا، كذا حد من الافاضل اللي ردوا عليا اتهموني بوصف "ديوث". والحقيقة ده فكرني بقصة غريبة شوية مع الكلمة دي، حصلتلي وانا عندي عشر سنين.. ١
......
نقاش مسلي النهارده، بدأ بتويتة عبرت فيها عن ضيقي من عدم قدرة بناتنا واخواتنا انهم يلبسوا براحتهم في شوارعنا، كذا حد من الافاضل اللي ردوا عليا اتهموني بوصف "ديوث". والحقيقة ده فكرني بقصة غريبة شوية مع الكلمة دي، حصلتلي وانا عندي عشر سنين.. ١
كنا مسافرين برا من الإمارات لمصر بالعربية، ولأن الرحلة بتاخد من أربع ل خمس ايام، كنت باكافح الملل بحوالي خمستاشر لغز للمغامرين الخمسة اقراهم في الطريق.. الرحلة دي كانت بتعدي على بوابات تفتيش بين الدول، فلما وصلنا مع عصر اليوم الأول لبوابة حدود بين قطر والسعودية.. ٢
ضابط التفتيش السعودي شاف الالغاز، وقلبهم ف ايده وش وضهر كده، وسأل بابا عنهم، بابا قاله دي قصص ابني بيقراها، الظابط خده على جنب وقاله حاجة.. بابا رجع ع العربية وهو متجهم، ماما سألته فيه ايه؟ قالها مافيش.. خرجنا من المعبر وكملنا ف الطريق وبابا لسه متضايق... ٣
وكان بين لحظة والتانية يبصلي في المراية، ماما سألته تاني: هو الظابط قالك ايه؟ قالها انه الظابط نصحه ان ابنه مايقراش القصص دي لأنها "بتعلم الدياثة".. اعتقد ان ماما مافهمتش معنى الكلمة ساعتها، بس ماسألتش، في الحقيقة انا اللي سألت لأني كنت عاوز افهم معنى نظراته ليا... ٤
فلما سألته قاللي دي حاجة مش كويسة، الديوث ده اللي ماعندوش مانع الولاد والبنات الكبار يبقوا أصحاب.. ماعرفش بصراحة هو كان بيخفف عني وقع المعنى الحقيقي للكلمة وهو عارفه، وللا كان مقتنع فعلا انه صحوبية الولاد والبنات دياثة فعلا.. بس اللي وصلني انه كان متضايق، مني مش من مجرد الموقف..٥
بابا كان في الفترة دي على أعتاب رحلته مع التدين والالتزام بالمواصفات القياسية وقتها هناك، وانا لما كبرت شوية وفهمت المعنى الحقيقي للكلمة استوعبت انه فعلا اتخض وحس ان ابنه ممكن يضيع اخلاقيا بسبب اللي بيقراه، ولو انه بأمانة ماتدخلش ابدا وقتها او بعد كده في نوعية قراءاتي.. ٦
طبعا دلوقت دي ممكن تبقى قصة لطيفة تتحط في الفاني تويتس لو اتقالت بطريقة ساخرة، بس انا فعلا لما افتكرت الموقف كله واحساسي بيه وقتها، قلبي انقبض.. بجد بجد، ملعون ابو التدين الصحراوي اللي حط علينا وفشخنا ف افكارنا، مع ان اصحابه واللي بدعوه هم دلوقت اللي بيتبرؤوا منه.
جاري تحميل الاقتراحات...