بمناسبة كلام محمود عن الدوري والكرة المحلية بصفة عامة ، الواحد حزين جدا ان تصفيات كاس العالم والي بتابعها من سنة ٩٠ تقريبا وبعتبرها اهم حدث رياضي بالنسبة ليا ، يجي يوم ومبقاش مهتم بيها كده او عالاقل محسش اني متحمس ليها زي كل مرة .
المنتخب اللي ملوش صاحب والي محدش من المسؤولين عن الكرة في البلد مهتم بيه ، جابوله مدرب محلي في بلد اكبر انديتها متستأمنش مدرب محلي على فرقها تنفيذا للاوامر وبغض النظر ان ده هياثر على الفريق .
في بلد الجمهوًر غايب عن الملاعب قرابة عشر سنين وبدون سبب الا ان جمهور الكورة ده لازم يتادب ومش عايزين وجع دماغ ، عايز الناس تهتم ازاي بالمنتخب وهما ممنوعين من حضور الماتشات في الوقت اللي استاد القاهرة بيتفتح لناس عجيبة والحفلات في كل مكان مفتوحة بالالاف ؟
الناس تهتم ازاي بماتشات منتخب وهما ممنوع عليهم يحضرو ماتشات فرقهم لمجرد ان جمهور الاندية محطوط عليهم علامة X ؟ عايز الناس تهتم ازاي والامن بيتعمد يختار الملاعب البعيدة عن العمران لو اجبر على ماتش بجمهور؟
ازاي ابقى محتاج جمهور بعدد محدود حتى في قبل نهائي قاري وطلبي يترفض واروح الاقي ستاد القاهرة مليان ناس وبدون اي اجراءات احترازية ومحسش بحرقة دم ؟ تصوير قمة في الرداءة لماتشات الدوري واجي الاقي ماتش المنتخب معموله كاميرات خاصة ونقل بكواليتي محترفة ؟
اتحاد كرةيستقيل بعد فشل في بطولةيقوم يلتف على الموضوع ويروح يشتكي البلد في الفيفا لصاحبه فيرون عشان يشيل لجنة مؤقتة كانت(في رايي)بتحاول تشتغل صح ويجيب الراجل بتاعه عشان نلاقي فرد واحدفقط هو الاتحاد وعادي زي ماكنا بنقول مفيش انتخابات ليه نمدد للجنةسنةكاملةطالما الراجل بتاعناموجود؟
من الاخر الموضوع اكبر من مدير فني او لعيبة،الموضوع ان مفيش ارادة في البلد للاهتمام بالكرة وتحويلها لصناعة كبيرةترفع المستوى وتطلعلنا اجيال محلية قادرةعلى منافسة الصف الاول من منتخبات القارةحاليا عشان حرفيا الاندية في مصر لولا محترفينها الاجانب كانت هتعاني كتير في البطولات القارية
طبعا الاعلام الرياضي عنده خطوط حمراء ميقدرش يتكلم بصراحة في المواضيع دي خصوصا عودة الجمهور لان الاهتمام الاكبر هو البحث عن الترند وانه يجيب لعيبة معتزلة مغمورة ترمي كام افيه على شتايم للمنافسين تجيب مشاهدات وترافيك ، لكن مشاكل اللعبة الحقيقية محدش هيقرب منها عشان ميزعلش حد منه
وبعد اندية الشركات والمؤسسات بقت اكتر من نصف الدوري على حساب الاندية الشعبية ( و ده طبعا متسق مع السعي لبعد الجمهور عن الملاعب) انتقلنا لمرحلة اندية الاحزاب والاندية ( البلاستيك ) وحاجة يعني قمة في الرداءة والبعد عن الكرة الحقيقية الي عشناها في سنين سابقة .
الناس متفاجئة بمستوى المنتخب امبارح ، وناسيين ان هوً ده مستواه بقاله سنين بس زي ما قلت المنتخب ملوش صاحب،الناس والمسؤولين بيفتكروه كام يوم في السنةوشكرا،منتخبات القارة سبقتنا بمراحل وبقى عندهم محترفين في اوروبا وبقى منافستهم ضرب من الخيال ومعتمد على طفرات استثنائية ومساندة الحظ
جاري تحميل الاقتراحات...