بصوا يا بهوات...بخصوص موضوع التجمع...قابلت النهاردة الشخص المسؤول عن التجمع الاول...انسان مهذب و محترم و سمعنى و ناقشنى و دى حاجة مش سهلة😂😂😂..المهم اتكلمنا فى المناطق اللى انا كنت مقدمة بها الشكوى و النقط المحددة اللى كنت بشتكى منها...اللى عاوزة اقوله إن من خلال المناقشة
ظهر لى جوانب من الموضوع يمكن أنا مكنتش واخدة بالى منها كويس برغم انه من وجهة نظرى حاليا هى أساس المشاكل... أولا القوانين اللى بتحكم المنظومة دى..القوانين عقيمة و دورتها بطيئة...ناخد مثال...لو الحى راح لمحل عامل مخالفة و شمع المحل و قيد المخالفة ضد صاحب المحل...ييجى صاحب المحل
تانى يوم يفض الأختام و يفتح المحل...ييجى الحى يعمل له محضر...بعد النقطة دى الحى ما يقدرش يعمل حاجة لأن الموضوع راح النيابة و هياخد دورته هناك بقى...نيابة و محكمة و كده...حاجة تانية..مغيش حاجة بتلزم المالك انه يسجل عقد الإيجار بينه و بين المستأجر فى جهاز المدينة و بالتالى
لما الحى يروح يعمل مخالفة على محل مثلا و الموضوع يمشى لحد المحكمة المالك يقول و أنا مالى...المكان مؤجر و تتحول القضية للمستأجر و تاخد دورتها من الاول...حاجة تانية...الادارات كلها بتشتغل بنظام الجزر المنعزلة...يعنى انا كل جزئية فى الشكاوى اللى قدمتها لها ادارة بتعمل بشكل منفرد
عن باقى الادارات و التنسيق يكاد يكون منعدم ..ده غير الطبع المصرى اللطيف بتاع دى مش تبعى دى تبع فلان...الموضوع مش سهل و فيه تعقيدات كتير ..بس انتو عارفينى 😁 اتفقت مع الاستاذ المحترم اللى قعظت معاه اننا الاسبوع الجاى هنروح لجهة أعلى علشان نحاول نحل مشكلة التنسيق بين الادارات
المختلفة علشان نقدر نحل المشكلات بطريقة احسن و اسرع لان فى مشكلات ممكن تتطلب كذا ادارة تتدخل زى النظافة و الزراعة و الكهرباء و الشرطة...
اللى اقدر اقوله انى مش هسيب الموضوع الا لما احس اننا بدأنا نحل حتى لو كل مرة صعدت لجهة أعلى😎.
بس النهاردة على الاقل حسيت بتجاوب فى الكلام و
اللى اقدر اقوله انى مش هسيب الموضوع الا لما احس اننا بدأنا نحل حتى لو كل مرة صعدت لجهة أعلى😎.
بس النهاردة على الاقل حسيت بتجاوب فى الكلام و
رغبة فى الحل....و الناس بتتعامل معايا على انى سيادة النائبة😅...
و الله الموفق و المستعان
و الله الموفق و المستعان
جاري تحميل الاقتراحات...