استفسار بقى...لو ده هو نظام الاسكان الاجتماعى المعمول به حاليا..مش ده المفروض نظام معقول و مقبول و يسمح لناس كتير انها تتملك شقة...هل كان فى اى حاجة شبه كده فى الخمسين سنة الأخيرة؟ طبعا ممكن حد يقول ان فى ناس مش معاها حتى المبلغ ده...و ده طبيعى على فكرة...مفيش مجتمع قادر
بأكمله انه يتملك شقق....غالبية البشر فى غالبية المجتمعات ماشية بنظام التمويل العقارى ...و فى ناس هتفضل طول عمرها ساكنة فى ايجار و ده برضه طبيعى...اللى مش طبيعى انك تقول شوف الشقق فى العاصمة الادارية بكام...لو مش معاك فلوسها تبقى مش علشانك لكن ما تخليهاش مقياس للبيع و الشراء
و تعمل عليها فيلم...على قد لحافك مد رجليك...لو كل اللى معاك ٣٠٠ - ٤٠٠ الف يبقى ما تدورش على بيت بجنينة..و ملكش دعوة بالكومباوندات..لانها شركات قطاع خاص و سوق مفتوح عرض و طلب...لكن حركة البناء الأكبر هى اللى الدولة بتعملها على مدى ٥ سنين...اسكان متوسط و فوق المتوسط و
اسكان لمحدودى الدخل...موضوع التمويل العقارى خلى ناس ماكانتش تحلم تتملك شقة انها تحقق حلمها...بس فى مننا ناس كتير مترسب فى ذهنها فكرة شراء شقة و سداد قيمتها بالكامل...و ده مش متيسر لمعظم الناس...حتى المقتدرين على فكرة بيقسطوا برضه...و اسمحولى يعنى نظرية ان الدولة دورها توفر
شقة ملك لكل مواطن على ارضها دى نظرية عبيطة جدا و معرفش أى دولة فى العالم بتعملها
جاري تحميل الاقتراحات...