نزاع التشتت
عايزة اقول قصتي وانتو ساعدوني :
انا لما تخرجت من الجامعة من تخصص في مجال طبي ما كنت عايزة أقعد ولا ثانية طوالي سجلت في معهد انجليزي وكمبيوتر وقدمت طوالي لشغل ولحسن حظي انو قبلوني في خدمة عملاء لمركز تدريب مرموق جدا وكبير وقتها كنت برضو بقضي الخدمة الوطنية
عايزة اقول قصتي وانتو ساعدوني :
انا لما تخرجت من الجامعة من تخصص في مجال طبي ما كنت عايزة أقعد ولا ثانية طوالي سجلت في معهد انجليزي وكمبيوتر وقدمت طوالي لشغل ولحسن حظي انو قبلوني في خدمة عملاء لمركز تدريب مرموق جدا وكبير وقتها كنت برضو بقضي الخدمة الوطنية
كنت بمشي المعهد واخلص طوالي جري على الخدمة الوطنية اتمم وجري على الدوام بتاعي وكل دا شهادتي ما كانت طالعة من الجامعة لأن شهادتي ما كنت استلمتها وشغالة بإفادة في كل اجراءاتي , المهم انو موضوع خدمة العملاء دخلني في التسويق وبحره وأخدت تدريب من مديري كان النقلة الغيرت حتى نظرتي
ومن التسويق في نفس المركز ودوني قسم تنسيق الدورات التدريبية Soft Skills دا اداني مخزون هائل من المعرفة بالدورات التدريبية واثرها وعناوينها وكل مجالاتها و دا زاتو كان تدريب ادارة مشاريع بدون ما اعرف في نفس الوقت بقيت اصمم الحقائب التدريبية مع المدربين لضمان جودة الشغل حسب
الاحتياجات التدريبية للعميل ودا دخلني عالم تحديد الاحتياجات التدريبية للشركات بحكم معرفتي بمكونات ومواضيع الدورات والمدرب المناسب ولو كان في احتياجات بتحتاج دمج او تصميم دورة خاصة برضو كنت بعملها مع المدربين ودخلت مع المدربين دورات كتيرة للاشراف بس كنت بتدرب وانا ما عارفة
موضوع تحديد الاحتياجات التدريبية كان شي شيق جدا بالنسبة لي والدعمني مديري وقتها كان بيديني الفرصة الكاملة وما بنسى انو كان عادي بيخليني اتصدر الموضوع في مشاريع تدريبية لأكبر بنوك السودان والثقة والمسؤولية صقلتني بالرغم صغر سني وخبرتي
وانا في نص القصة دي استهواني قسم التسويق الالكتروني وكملت القصة لما بقيت مديرة القسم (قسم التسويق الرقمي ) ودا خلاني بعد الدوام اقرأ واعرف عن تصميم النيوز ليتر واعلانات قوقل وفيسبوك والتحليل والتقارير والبحر دا زاتو وداني بموجه اني لازم عشان انجز واطبق رؤيتي انو اتعلم التصميم
بعد الدوام بتاعي كنت بتعلم الفوتوشوب براي وطوالي بطبق في صفحات السوشال ميديا بتاعة المركز وبعدين فهمت اكتر في التصميم مشيت على اليستريتور واحتجت كمان لمطبوعات حسب وجهة نظري التسويقية دخلت على الانديزاين ودا وداني كمان للمونتاج فبقيت بشتغل بالسوني فيغاس وانتقلت للمرحلة البعدها
في رحلة افكار تواكب العالم مشيت على الجرافيك موشن فيديو والرسوم المتحركة صراحة ما اتعمقت فيهو لأن بالجد هو عايز دقة بس المهم عرفتو ولما بقيت ادمن لصفحة الويب كنت بتدرب مع المطورين والمهندسين دا خلاني اعرف عن الكودينغ والتصاميم و بدأت أتعرف على
الاسس البتخليني على الاقل اشرح للمهندسين انا عايزة شنو واقدر اقيم شغلهم صح والا لا , وانا لسة في البحر دا لقيت اني بكتب محتوى كويس سواء كان توعوي بالعلامة التجارية او تعليمي او ترويجي او غيره وعرفت انو صناعة المحتوى علم وعمل ودخلت البحر دا من خلال كتابة محتوى
يخص الفتاة السودانية في قروبات البنات في فيسبوك وكان عبارة عن تغيير مفاهيم عن مسلمات واستبدالها بشي جديد يشبهنا وصراحة نجحت نجاح خرافي وانا زاتي اتعلمت عن حاجات وكنت ممكن انتج منتجات خاصة بي بس انا ما قدرت لأسباب كتيرة وما واصلت بس انا مبسوطة انو قدرت اغير مفاهيم وكتار بنات هنا
وفي فيسبوك بيعرفوني واتغير الشي الانا كنت بكتب عنه وفخووورة وحسيت انها رسالة وصلت بالمحتوى وواصلت في موضوع المحتوى واتحديت نفسي في تويتر مواصلة لنفس رسالتي بس تويتر كان الهدف شباك على العالم نوري الناس بالمحتوى السوداني الموجود ومتنفس انا زاتي اكتب بدون قيود فيسبوك الاجتماعية
كنت بدرس دورات عن المحتوى والتسويق الرقمي وبصقل نفسي يوم بعد يوم لغاية ما اخدت التخصص في التسويق الرقمي والسوشال ميديا وفجأة لقيت انو انا بتستهويني الزراعة وبحبها وجواي مزارعة غارقة جواي وقبلت التحدي ودخلت فيهو وحبيت جدا المجال ولقيت نفسي فيهو بس انا كمان بحب المحتوى والسوشال
ميديا وكعادتي (شخصية مهووسة بالكمال) لازم اغوص شوية واعرف كتير ما بقدر اعمل شي ما بعرفه وما اقدر اقيمه , وبقيت بعرف لحد ما عن الموضوع وحاولت ادمج بين المحتوى والزراعة وفي ناس حبو الحاصل , وانا غرقانة في الزراعة كنت اشتغلت في السوشال ميديا كتسويق لجهات مختلفة سودانية وغير سودانية
ونجحت ولله الحمد وكان التحدي اني ادمج مجالات حتى انا ما بعرفها وكنت كلمتكم عن مجال الرخام الكنت بدير صفحاتهم وانا هسي بعرف عن الرخام كتير جدا وانا كنت مفتكراه زمان سيراميك
وتاني اشتغلت مع صفحات سودانية بتخص السياحة وبرضو نجحت ولقيت اني بحب السياحة برضو وعايزة اتعمق فيها
وتاني اشتغلت مع صفحات سودانية بتخص السياحة وبرضو نجحت ولقيت اني بحب السياحة برضو وعايزة اتعمق فيها
الخلاني اكتب الكلام الكتير دا انو انا لسة باخد في دورات وكورسات ما عندها علاقة ببعض ماشية مع اهوائي وشغفي وعايزة اعرف اكتر عن تاريخ السودان القديم وعايزة ادرس التاريخ السوداني الحدبث و وعايزة ادرس برمجة وكل كورس بحسه الفرصة الضائعة وكل موضوع جديد عايزة اعرف عنه اكتر واكتر وبسرح
في البحث جدا وممكن شهر كامل بكون بفتش عن معلومة واحدة وبدرس شي جديد غريب ما بيشبه الفات ولو كتبت لبكرة ما بخلص
كيف اعالج التشتت دا واتخصص في شي واحد ويكون بزنس بتاعي وانا كل الذكرته بحبه حرفيا وجربته عمليا وكله بنفس المستوى
اذا مريتو بتجربتي كيف قدرتو تعالجو القصة دي
كيف اعالج التشتت دا واتخصص في شي واحد ويكون بزنس بتاعي وانا كل الذكرته بحبه حرفيا وجربته عمليا وكله بنفس المستوى
اذا مريتو بتجربتي كيف قدرتو تعالجو القصة دي
جاري تحميل الاقتراحات...