من 5 سنين بدأنا مع بعض نتكلم عن التحول الرقمي وأهميته، النهاردة الكلمة أصبحت في أدبيات الحديث بشكل عام في كل حتة وكل مجال.. تعالوا نشوف أيه الكلمة اللي كمان 5 سنين (و ربما أقل) هتكون حديث العالم وعندنا أكيد أو هكذا أتمنى ... الاقتصاد الافتراضي أو Virtual Economy... ثريد!
في يونيو 2009 (من 11 سنة، أيوة 11 سنة)، أطلق المبرمج الأمريكي جوناثون بلو لعبة "المزرعة السعيدة" Farmville. صنفت اللعبة على أنها واحدة من أكثر اللعبات خطورة في التاريخ من شدة ادمانها. 80 مليون شخص كان بيلعبها يوميا على فيسبوك وفي خلال 3 سنين عملت أرباح مليار دولار.
في الوقت ده بدأ انتشار فكرة اللعب اللي بتصرف على نفسها من خلال انك تشتري Coins كأنها عملة افتراضية وتعمل Upgrade للعبة أو تشتري Features جديدة بحيث تستمتع أكتر بتجربة لعب أفضل. مصطلح انتشر بشكل كبير اسمه الـ Gamification أو بالعربي..لامؤاخذة.."التلعيب".
الـ Gamification في رأيي ببساطة اللعب نفسيا على فكرة العصا والجزرة في تقديم منتجك. ازاي ممكن تدفع الناس أنها تستمتع بتجربة منتجك وعند لحظة الارتباط بالتجربة ونشوة الانتقال للمستوى الأعلى تيجي العصا وتقولك ادفع فلوس (أو قدم شيء) عشان تاخد الجزره يا اما مايكونش ليك الأولوية
بشكل متوازي مع تطور التجارة الالكترونية وانتشار العملات الرقمية، ظهر جدال حول قيمة العملات الرقمية بخلاف العرض والطلب، الدافع وراء شراء العملات الرقمية كان المضاربة والمحفظة المالية وأشياء أخرى. المؤسسات التقليدية في الأول رفضتها تماما! لكن الطلب بدأ يدفع البعض في اعادة التفكير.
صعب أنك تروح تسجل في الشهر العقاري بيت اشتريته بعملة البتكوين حتى الآن. في 2015 بدأ ظهور الـ NFTs (اللي عملنا عليها ثريد) وبدأت في الانتشار. الـ NFTs هي محاولة تكوين محفظة أصول ممكن العملات الرقمية تشتريها من غير ما يتم تحويلها لعملات تقليدية زي الدولار.
الـ Paradigm shift في الاقتصاد الافتراضي هو أن القيمة اللي أنت عايز تمتلكها كأصل هي يا أصل أكتروني "NFT" يا تجربة ما افتراضية برضه وهي شبيهة بفكرة الفلوس الوهمية اللي بتشتريها عشان تلعب المزرعة السعيدة. طب ده كلام يعقل يا ناس؟ يعني أحنا بنشتري الهوا؟ أيوة. طب ازاي؟ تعالى اشرحلك.
نفتكر مع بعض ليه التوابل كانت زي الذهب بالنسبة لأوروبا؟ لحد ما البرتغاليين لفوا رأس رجاء الصالح سنة 1495 وعملوا Deals من نفسهم مع الهنود كان العالم الاسلامي والصين المسيطر على تجارة التوابل والحرير، التوابل كانت Scarce نادرة فقيمتها عالية وفي الثورة الصناعية سيطر الذهب والبترول.
التوابل في الآخر بتتحط على الأكل عشان تخلي تجربة الطعم حلوة، فهي تجربة نادرة تخليك تضطر تشتريها بدنانير كتير من تجار القاهرة في العصور الوسطى أيها الأوروبي الحزين اللي بتاكل مسلوق من غير توابل.. نفس الفكرة بيقولها أصحاب فكرة الاقتصاد الافتراضي.ممكن احط فلوسي عشان تجربة افتراضية..
مش كده وبس، هتاجر بالأصول الافتراضية بتاعتي اللي هي في الأصل عبارة عن معلومات بتكلفها طاقة كهربائية بيسموها Gas fee بيتم استهلاكها لضمان الحفاظ على الأصل بتاعي، الأصول الافتراضية ممكن تتحول لشبكة.. ممكن بدل ما يبقا عندنا نيش من الصيني.. يبقا عندنا نيش افتراضي عليه اغاني مثلا
الاقتصاد الافتراضي(المدعوم من بعض الـ Big Tech)محاولة لاضفاء قيمة ذاتية لأصول وتجارب افتراضية بيمتلكها الإنسان بحيث يتم الضغط من خلال تغيير ثقافة البيع والشراء والعرض والطلب من أجل اعتراف النظم المالية التقليدية بالعملات الرقمية وهو ما سيحدث آجلا أم عاجلا،ولكن بعد انتهاء المعركة!
لو ماتحركناش دلوقتي هنلاقي نفسنا كمان 10 سنين مضطرين نتعامل مع مستثمرين عيال عندهم 10 سنين قاعدين بيلعبوا Games وبيشتروا مصانع ومزارع وشغل بشر..واقع قد يكون صعب..محتاجين حركة زي حركة طلعت حرب في بنك مصر سنة 1920 ولكن في الاقتصاد والعملات الافتراضية.. وعندنا الكفاءات اللي تبني ده!
جاري تحميل الاقتراحات...