مرات توصل فيك من كبر الابتلاء تهجر كل ملذات الحياة من اكل وشرب ونوم وخرجات وحتى اساسيات الحياة..يصيبك تقلب مزاج مرات تدعي ومرات ما تقدر تدعي بس تجلس بسجادتك وتسكت،مشاعرك حزينة وتعذبك وتحس قلبك يصرخ بين ضلوعك وودك تقول يارب لكنها برضو ثقيلة..يقينك وحسن ظنك يختفي..تدعي بالموت مرات.
تحس محد يحس فيك حتى اقرب الناس لك،تحس مافي فايده مهما دعيت و حوقلت وصليت ع النبي ومهما تصدقت،يوسوس لك عقلك ان الله ما يسمعك او انك مهمّش من كل الجهات،تحس جبال بصدرك وتتمنى هاللحظة ربي ياخذ روحك،تحس مافي شيء يسعدك ومافي مخرج..وماتقدر تنقذ نفسك ولا تعرف ايش الحل..خايف.حزين،مكسور..
مهما تسوي تحس خلاص يقينك صفر،دعواتك مرفوضة،الفرج ابعد من النجوم بالنسبة لك،ماتقدر تنجز وتدخل بدوامة اكتئاب واللي يزيدها ان بوقت هالابتلاء اصلاً جاتك ابتلاءات ثانيه..تقول :هل انا ناقص؟ عندي اللي كاسر ظهري من الهموم..ومرات يغيب عقلك وتفكر بالانتحار وتتراجع تخاف تخسر الاخرة..
تحس انك بدائرة مغلقة وفي عذاب مستمر،اذا وصلت هالمرحلة ماتقدر تتصرّف ابداً انصحك اسجد حتى لو ماتقول شيء ربي يعلم اللي بداخلك حتى بدون تنطقه،وكل هالوسواس مو منك من الشيطان حتى يقنطك من رحمة الله،الله يراك ويسمعك،ويدبر امورك..مايخفى عليه حالك ولا يكلّفك فوق طاقتك..لعله يختبرك .
ولكل اختبار انتهاء، ادري مرح تصدقني ولا بلومك لاني فاهمة كل كلمة كتبتها وادري مهما كتبت مرح اخفف عنك تعب هالمرحلة ومهما قلتلك ادع وصل اكثر واصبر مرح تسمع من داخلك رافض لانك واصل اخر مراحل اليأس لكن بقولك داخل قلبك كرر الله يعلم والله الفرج قريب والله قريب،واسجد حتى لو ماتقول شيء.
وصدقني ربي بيرحمك ومرح يطول عليك باذنه الفرج،التسخط والانعزال مرح يدمر الا نفسيتك وجسدك، سلمها لله وتذكر كم مره فرجها عليك! كم مره تحطمت وجبرك وياست وعطاك و استعذته واعاذك..كم مره نجاك؟مرح يخليك هالمره برضو..راقب كلامك الداخلي وحاول يكون كله فرج الله حولي،هانت..وقول الحمدلله💕
الله ما وضعك بهالامر الا يعلّمك امر، وماوضعك الا وهو يعلم انك قدّه..مرح يكلفّك شيء فوق طاقتك مهما شفت كذا انه اصعب من التحمّل..حاول تغيّر جوك شوية،العب رياضة،استغفر..ادري ما تقدر لكن اجبر نفسك واذا حسيت برغبة بالبكاء اسجد وابكي مو لازم تقول شيء يستجيب نداء القلب الخفي سبحانه 💞
انا ما اكتب اعشّم شخص..اكتب لاني حاسة فيكم..عايشة بوسط كربه نزلت معاها٦ كيلو بفترة بسيطة،ماكتب الا من واقعي وعارفة مهما صار وحصل رح يرفع الله البلاء ممكن مافي شيء حالياً يوحي بالفرج لكن صدقوني بكل مرّة رح يدهشنا الله بفرجه كالعادة اعيذني واياكّم من وسوسة ابليس،الله هنا لا تنسون♥️
سميع ،، بصير ،، رحيم ،، رحمن .. ولطيف بنفرح وبتنفرج قريب مره مره مره واذّكركم،،ياما عشنا بكرب عِظام ولطف فينا..هل رح تعجزه هالكربات الحالية؟؟ حاشاه قادر على كل شيء..اعرف اننا ببشر وغصب مشاعر الياس تتمكن مننا بس تذكروا مواقف سابقة ربي فرج عنكم فيها واحسنوا الظن بالله رح ينجيكم 💕
تحسّس الفرج ، وترقب اليُسر ، سيُلقى على وجهك قريباً قميص البشارة ..💙
جاري تحميل الاقتراحات...