ايه رأيكم اتكلم شويه عن الوضع الافغانى
كنت ناوى استنى لما الاسنفساء يكتمل , بس بصراحه اخدت لفه عالتويتر والكلام اللى بقراه اصابنى باحباط شديد , وان حجم الهبل والشخصنه والانفصال عن الواقع فى تعامل الناس هنا مع تطورات افغانستان , فقلت اقول الكلمتين اللى عندى دلوقت قبل ما البطاريه تفضى
قبل كل شىء , مش هتفاعل مع الموضوع من منظور ايديولوجياتى الشخصيه , وعايز اى حد يقرا كلامى , يقلع ايديولوجياته عالباب الاول ... مش عايزين تشنجات ايديولوجيه وخناقات عالمنشن الله يكرمكم ...
هاعرض رؤيتى للموضوع من منظور برجماتى بحت , اللى المعيار الحقيقى اللى الكوكب دا ماشى بيه حاليا
هاعرض رؤيتى للموضوع من منظور برجماتى بحت , اللى المعيار الحقيقى اللى الكوكب دا ماشى بيه حاليا
بداية , فيه معنيين هيتذكروا كتير فى المقال دا , والدارج انه بيصطلح عليهم بلفظى (إرهاب) و (تطرف) ... بس الحقيقه ان الكلمتين دول دلالاتهم مطاطه جدا وكل واحد بيستخدمهم على قياساته الشخصيه اللى ممكن (بل وغالبا) بتكون مغلوطه ...
يعنى مثلا لو واحد منحل اخلاقيا , ممكن تلاقيه بيوصف الشخص اللى بيواظب عالصلاه فى المسجد انه (متطرف) رغم ان الشعيره دى تعتبر ألف باء اسلام اصلا ...
شرحه اى حد يسمع كلام ميعجبوش يتهم اللى بيقوله انه ارهابى بغض النظر عن توجهه اصلا ...
شرحه اى حد يسمع كلام ميعجبوش يتهم اللى بيقوله انه ارهابى بغض النظر عن توجهه اصلا ...
مصطلح ارهابى نفسه فى العرف الدولى مرتبط بسلوك محدد و وهو استخدام الترويع والعنف (المسلح) ضد مدنيين عزل ... ومش شرط يكون مرتبط بايديولوجيه دينيه خالص على فكره
والعنف المسلح دا لو اتمارس ضد طرف اخر مسلح برضه ميبقاش اسمه ارهاب , وانما اسمه (صراع مسلح) ...
ولو اتمارس ضد طرف يمتلك شرعيه دوليه دوله او جيش يبقى اسمه (تمرد مسلح) ..
ولو اتمارس ضد طرف يمتلك شرعيه دوليه دوله او جيش يبقى اسمه (تمرد مسلح) ..
ف كل واحد بيفصل كلمة تطرف دى بناء على وجهاته الشخصيه , يعنى بيعتبر نفسه الديفولت الوسطى ... وبناء على كدا بيوصف الاخر انه متطرف ...
شرحه فى قضية الارهاب برضه ...
ف هاستغنى عن اللفظين دول وهاستبدلهم بمصطلحات ادق زى الراديكاليه والاصوليه
شرحه فى قضية الارهاب برضه ...
ف هاستغنى عن اللفظين دول وهاستبدلهم بمصطلحات ادق زى الراديكاليه والاصوليه
بسم الله الرحمن الرحيم..
محتار ابدأ منين ..
نجيب الخيط من اوله خالص ..
ونقول مثلا بأن الفكر الجهادى فى العصر الحديث (المعاصر بمعنى أدق) بدأ عند سيد قطب , وان كان ملحقش او مادركش الفرصه انه ينفذه الا انه وضع له حجر اساس عبر مجموعه مؤلفات معروفه بالاسم
محتار ابدأ منين ..
نجيب الخيط من اوله خالص ..
ونقول مثلا بأن الفكر الجهادى فى العصر الحديث (المعاصر بمعنى أدق) بدأ عند سيد قطب , وان كان ملحقش او مادركش الفرصه انه ينفذه الا انه وضع له حجر اساس عبر مجموعه مؤلفات معروفه بالاسم
بدأت الايديولوجيات دى تترجم لسلوك على ارض الواقع وتتنفذ فى الثمانينيات مع صعود جماعات الاسلام (الجهادى مش السياسى) على ساحة الشرق الاوسط وظهور عبد الله عزام واسامه ابن لادن
وكاى بدايه , كان فيه نوع من الفوضى والضبابيه الايديولوجيه , ظهرت بوضوح من خلال مرجعيات الفقهيه للجماعات فى مصر , فمثلا كنت تلاقى جماعه بتكفر من عاداهم وتستحل دمائهم , وغيرها بتكفر المجتمع ككيان بس مش بتكفر الاشخاص على التعيين , ومنها اللى بيكفر الحكومه بس ... وهكذا
بالمناسبه , الفكر دا مختلف عن الفكر السلفى اللى هو نفسه منقسم لتيارات كتير , والفكر اللى اتصدر من السعوديه فى الثمانينيات مختلف عن الفكر الجهادى وان كان فرش له ارضيه بدون قصد ... بس مش موضوعنا
الشراره بدات لما السوفييت (الكفار) غزو افغانستان ..
وقتها امريكا خصوصا والمجتمع الغربى عموما مكانش شايف خطوره فى الفكر الاصولى او الجهادى الاسلامى , وكان مركز على العدو الاكبر للغرب وقتها وهو السوفييت والشيوعيه ...
وقتها امريكا خصوصا والمجتمع الغربى عموما مكانش شايف خطوره فى الفكر الاصولى او الجهادى الاسلامى , وكان مركز على العدو الاكبر للغرب وقتها وهو السوفييت والشيوعيه ...
افغانستان ارض جبليه وعره جدا , وشعبها مميز بصلابته وتمسكه بقيمه وكراهيته للمحتلين ... من الاخر دماغهم انشف من الحجر , كل محاولات غزوهم عبر التاريخ فشلت ... شعب ممكن تعتبروه النقيض للشعب المصرى (العجينه) ولا مؤاخذه
الامريكان سعدوا جدا لما وجدوا عدوهم الشيوعى سقط فى مستنقع تاريخى اسمه افغانستان , وابتدوا يوظفوا جهدهم لاستنزاف السوفييت فى المستنقع الافغانى لاقصى قدر ممكن , لاقصى درجه تساهم فى قرب تفكيك الكيان السوفييتى نفسه واللى كان بيعانى من ازمات شديده
فضل السؤال , مين اللى يقدر يواجه ويتحدى الكيان العسكرى العملاق المرعب اللى اسمه الاتحاد السوفييتى دا على الارض ؟؟
الايديولوجيات القوميه اضعف من انها تصمد فىة صراع بالحجم دا , الخيار الارجح كان الايديولوجيه الدينيه , ارسخ واشرس
الايديولوجيات القوميه اضعف من انها تصمد فىة صراع بالحجم دا , الخيار الارجح كان الايديولوجيه الدينيه , ارسخ واشرس
وبدأت امريكا تحط رهانها على الجهاديين , وتشجعهم بشكل غير مباشر على التوجه لافغانستان للجهاد ضد (السوفييت الكفره) , بقول بشكل غير مباشر لان التشجيع دا نفذته على الواقع كل الانظمه العربيه (بما فيها مصر) نيابه عن امريكا , بتسهيل سفر الشباب دول والتغاضى عنهم
واهو الانظمه بتضرب عصفورين بحجر , اولا بيرضوا الحليف الامريكى , وثانيا بيتخلصوا من الشباب الاصولى اللى عامل لهم صداع امنى فى بلدانهم ...
مكتفتش امريكا بكدا , ابتدت تمرر(عبر وسطاء دوليين) اسلحه حديثه ل(المجاهدين الافغان) وقتها زى الصواريخ المضاده للطيران المحموله على الكتف مثلا
مكتفتش امريكا بكدا , ابتدت تمرر(عبر وسطاء دوليين) اسلحه حديثه ل(المجاهدين الافغان) وقتها زى الصواريخ المضاده للطيران المحموله على الكتف مثلا
وكان وقتها طبيعى جدا تلاقى مثلا امجلات والجرائد الحكوميه المصريه الدولجيه بالقوى , حاطين صور المجاهدين الافغان على الغلاف وبيطبلوا لهم وبيثنوا على جهادهم وبسالتهم (اه والله حصلت)
المهم , غرق السوفييت فى بحر استنزاف عسكرى , وكبريائهم منعهم من الانسحاب الفورى , والكبرياء دا دفعوا تمنه مزيد من الاستنزاف اللى كان احد اهم عوامل انهيار الاتحاد السوفييتى مطلع العقد التالى ...
انفضت المباراه اخيرا وخرج السوفييت وورث افغانستان امراء حرب محليين , ورجع الشباب العربى الجهادى لبلدانه الاصليه محمل بايديدولوجيات اكثر وضوحا وعدائيه ضد الانظمه الحاكمه + خبرات عسكريه عاليه اكتسبوها بسنوات القتال
وفوجئت الانظمه العربيه بان خدمتهم للامريكان انقلبت عليهم بكابوس , واتشنت حملات امنيه مكثفه لاعتقال العائدين , ومن افلت منهم بدأ باستهداف الانظمه والحكومات ...
الضغط الامنى دا , رغم شدته , مكانش فعال قوى وقتها , لكنه دفع قطاع من الشباب دول لصرف النظر عن فكرة العوده واختيار (وطن بديل) يقدر فيه يمشى فى الطريق الراديكالى اللى هو عايزه
فى الوقت دا , كان الصراع بين امراء الحرب الافغان بدأ يتحسم , وصعد نجم جماعة (طالبان الملا عمر) وقرنتها باسمه لانها مختلفه كتير عن طالبان الموجوده دلوقت
حسمت طالبان الصراع وقضت على امراء الحرب وسيطرت على افغانستان واعلنت اقامة اماره اسلاميه , اقامت الحدود , والزمت النساء بالنقاب , ولاحقا بدات فى تدمير بعض المواقع الاثريه واشهرها تمثال بوذا الضخم
كل دا , وان كان اثار امتعاض المجتمع العربى , لكن لا اوروبا ولا امريكا فكرت او حاولت تسقط حكم طالبان الملا عمر بالقوه المسلحه ... وركزوا فى النقطه دى لانها مهمه وهاتلزمنا كتير قدام ...
فى الوقت دا , بدأت ايديولوجية بن لادن توضح وتتبلور اكتر بعد ما كانت ضبابيه قبل كدا , والتجارب وصلته لفكرة استهداف الغرب بشكل اساسى بدل ما كان استهداف الانظمه , لان الغرب هو الرأس والانظمه ذيول فى نظره فالاولى استهداف الرأس
الملا عمر منح ملجأ امن لابن لادن فى افغانستان بحماية امارته , واصبحت ارض خصبه وقاعدة ارتكاز للعناصر التابعه لابن لادن وتنظيمه ...
ومنها انطلقت هجمات 11 سبتمبر اللى هزت وزلزلت المجتمع الغربى كله
ومنها انطلقت هجمات 11 سبتمبر اللى هزت وزلزلت المجتمع الغربى كله
عارف ان ناس هاتقول دى من تدبير امريكا وبتاع , مش وقت كلام فى لموضوع دا لانه مش فى صلب القضيه اللى باتكلم عنها , فككوا من الجزئيه دى ..
فاصل ونواصل
عدنا ..
بعد سقوط الاتحاد السوفييتى , امريكا تخلصت من عدوها الاساسى , وتفرغت للبحث عن اعداء جدد (محتملين) ممكن يشكلوا عليها خطر مستقبلى , ووجدت ضالتها فى (الجهاديين السنه) ...
فى البدايه اكتفى الامريكان بدعم حكومات الشرق الاوسط فى التخلص منهم , لكن احداث سبتمبر غيرت الاوضاع
فى البدايه اكتفى الامريكان بدعم حكومات الشرق الاوسط فى التخلص منهم , لكن احداث سبتمبر غيرت الاوضاع
مكان الهجمات وحجمها وغدد ضحاياها احدث صدمه للمجتمع الغربى عموما والامريكى خصوصا , واكتشفت الاداره الامريكيه ان الخطر اقرب واكبر مما كانت تتوقع , فقررت عدم الاكتفاء بدعم حكومات امنيا , وقررت التدخل المباشر ...
فين بقا الملجأ الرئيسى للقاعده ؟؟؟
افغانستان الملا عمر
فين بقا الملجأ الرئيسى للقاعده ؟؟؟
افغانستان الملا عمر
هددوا الملا عمر للتخلى عن بن لادن وتنظيمه فرفض , فقرر الامريكان غزو افغانستان , ولم يصمد تنظيم الملا عمر وسقط سريعا وهرب ما تبقى منه بما فيهم الملا عمر للجبال الوعره , وسيطر الامريكان على البلد بسرعه , وابتدوا يصنعوا نظام جديد موالى لهم
وفى الهيصه شاف الامريكان ان العراق فيها شوية بترول حلوين ممكن يغظوا تكاليف الغزو العسكرى , فقرروا يحتلوا العراق فى السكه بحجة انها بتعمل نووى وبتدعم جهاديين , والاتهامين كانوا غلط
فى المعمعه دى كان فيه شاب اردنى ضمن اللى جاهدوا فى افغانستان قديما واخد بعدها لفه فى كذا دوله ثم ارتبط بتنظيم ابن لادن , كان اسمه احمد نزال الخلايله ...
لكن الشاب دا كانت افكاره مختلفه شويه عن افكار استاذه بن لادن ..
لكن الشاب دا كانت افكاره مختلفه شويه عن افكار استاذه بن لادن ..
مع سقوط نظام صدام واحتلال الامريكان للعراق , وجد الشاب دا ان العراق اصبحت ارض خصبه قابله لاعادة استنساخ تجربة المجاهدين الافغان فى الثمانينيات , لكن المره دى ضد الامريكان نفسهم (كمحتلين) وباهداف ابعد بكتير من مجرد تحرير البلد او حتى اقامة اماره اسلاميه
انطلق للعراق وانغمس فى التنظيمات اللى بتحارب الاحتلال وقتها , وكانت تنظيمات كتير بايديولوجيات مختلفه , اجتمعت على محاربة الاحتلال الامريكى ..
بدأ يشكل تنظيم جديد بايديولوجيات محدده مختلفه , بدأ تنظيمه على ما اذكر بحوالى 17 رجل ..
بدأ يشكل تنظيم جديد بايديولوجيات محدده مختلفه , بدأ تنظيمه على ما اذكر بحوالى 17 رجل ..
زاد ضغط الاستنزاف ضد الامريكان للدرجه اللى اوشكوا فيها على فقد السيطره على كامل البلد , ومن هنا كان لازم يلاقوا خطه بديله ...
اتفقوا مع التيارات الشيعيه العراقيه اولا على ترك السلاح مقابل السماح لهم بادارة العراق لاحقا فى ظل الاحتلال
اتفقوا مع التيارات الشيعيه العراقيه اولا على ترك السلاح مقابل السماح لهم بادارة العراق لاحقا فى ظل الاحتلال
لكن الكتله السنيه فى التنظيمات دى فضلت حجر عثر امام الامريكان , اللى قرروا استقطاب قطاع جديد منها عبر منحهم جزء من تورتة العراق فيما يسمى بالعمليه السياسيه ... شوية مناصب ووزارات على رئاسة برلمان وخلافه
طبعا الضغط الكبير من خصم متفوق زى الامريكان , معاهم اكتر من ربع مليون جندى على الارض بيدعمهم سلاح الجو الاقوى فى العالم , ضد تنظيمات لا تملك الا السلاح الفردى وقنابل يدويه وعبوات مصنعه يدويا ... قصاد مناصب حكوميه رفيعه وحياه سهله .. الاختيار كان محسوم
فعلا اغلب التنظيمات (واولهم الاخوان) القوا السلاح وقبلوا المشاركه فى العمليه السياسيه , تبقت قله من التنظيمات اللى بتمتلك ايديولوجيات جهاديه صرفه وشايفه العمليه الديموقراطيه اصلا بتتعارض مع مفهوم الحاكميه اللى هو ركن اساسى فى ايديولوجياتهم
فضلت التنظيمات المتبقيه تقاتل لوحدها الامريكان , بعدها انضم للامريكان ضدهم عسكريا التنظيمات السابقه , وكمان الميليشيات الشيعيه المسلحه اللى اتشكلت بعد الاحتلال ..
فقررت التنظيمات المتبقيه دى التوحد فى حلف مشترك
فقررت التنظيمات المتبقيه دى التوحد فى حلف مشترك
لاحقا قررت التنظيمات دى التخلى نهائيا عن مسمياتها والتوحد الكامل فى تنظيم واحد اسموه (دولة العراق الاسلاميه)على ان يراسه الشاب احمد الخلايله اللى حكيت لكم عنه , اللى اشتهر لاحقا باسم (ابو مصعب الزرقاوى) ..
طب ايه علاقة دا بافغانستان ؟؟
اتقل معايا ..
الخلايله وسع دايرة الاستهداف , فاصبحت تشمل مش بس الجيش الامريكى , ومعاه كمان الميليشيات الشيعيه , والمدنيين الشيعه , وكل الفصائل الداخله فى العمليه السياسيه , وتوسع فى عملياته ضدهم
اتقل معايا ..
الخلايله وسع دايرة الاستهداف , فاصبحت تشمل مش بس الجيش الامريكى , ومعاه كمان الميليشيات الشيعيه , والمدنيين الشيعه , وكل الفصائل الداخله فى العمليه السياسيه , وتوسع فى عملياته ضدهم
فشل التحالف المضاد فى القضاء على او تحجيم تنظيم الخلايله الجديد اللى بدأ يتمدد فى العراق على حساب الجميع , وفيديوهاته لاعدام خصومه بشكل دموى انتشرت على الانترمنت انتشار النار فلا الهشيم , وشكل حاله من الرعب فى نفسية خصومه رغم فارق القوى
لجأ الامريكان لخطه بديله , تلخصت استقطاب شيوخ العشائر السنيه مقابل مناصب , ثم تسليح عشائرهم فى ميليشيات شبه نظاميه سموها (الصحوه) واللى بدورها هتساهم فى احكام الكماشه ضد تنظيم الخلاليله مع ميليشيات الشيعه وفصائل العمليه السياسيه والامريكان
ميليشات الصحوه اللى قدرت وقتها باكتر من 100 الف بالتعاون مع الاطراف التانيه نجحوا فى ازاحة تنظيم الخلايله وهزيمته وطرده من المدن , وقتل كثير من عناصره واسر اخرين , وما تبقى هرب لصحراء الانبار الواسعه , ولاحقا تم قتل الخلايله نفسه
بعدها تفرغت الاطراف العراقيه للخناق مع بعضهم على تورتة السلطه (بتشجيع امريكى علشان يفضلوا كلهم ضعاف ومستنزفين ويظل الامريكان المتحكم الاول فى اللعبه) ..
وبما ان الطرف الشيعى كان هو الاقرب للامريكان وقتها , ف رزعوا السياسيين السنه شلوت من السلطه , وسيطرت الميليشيات الشيعيه على مفاصل العراق بالكامل , مع ترك بعض المناصب الهامشيه غير المؤثره لسياسيين سنه
يعنى تلاقى مثلا ميليشيا كذا الشيعيه بتعين وزير الداخليه من عندها وميليشيا كذا تعين مدير المخابرات وميليشيا كذا تعين رئيس وزراء (بالتفاهم مع الامريكان طبعا) ..
وبما ان الميليشيات دى اساسا اتبنت على فكر طائفى , فما ان سيطرت على السلطه حتى انفتح طوفان من الانتهاكات ضد المدنيين السنه العراقيين بحجة انهم (نواصب اعداء ال البيت) و (ارهابيين زرقاويين محتملين)
سلوك الميليشيات الشيعيه بدا يعمل احتقان فى المجتمع السنى العراقى , فى نفس الوقت اللى شافوا فيه شيوخ عشائرهم اللى وعدوهم بمناخ سياسى بمبى بعد هزيمة الارهاب , خرجوا صفر من العمليه السياسيه وعاجزين حتى عن حماية عشائرهم من انتهاكات الميليشيات الشيعيه ...
كل دا بدأ يصب تانى فى مصلحة التنظيم المهزوم الهارب فى الصحراء اللى بدأ يلاقى حاضنه شعبيه واعضاء جدد بسبب فساد الحكومه وانتهاكاتها (حكومة نورى المالكى) ...
وبدأ يقوى من جديد , وبدأ يشن حملة اغتيالات طالت كل قادة الصحوه , وكتير من قادة الميليشيات الشيعيه
وبدأ يقوى من جديد , وبدأ يشن حملة اغتيالات طالت كل قادة الصحوه , وكتير من قادة الميليشيات الشيعيه
الوضع كان سىء وينذر بعودة الامور للمربع صفر , فى الوقت اللى كانت خسائر الامريكان بتزيد عن مكاسبهم , ومع صعود اوباما للسلطه واللى كان عاوز يعزز شعبيته عالميا بالانسحاب من العراق اللى احتلالها كان مرفوض من المحيط الشعبى العربى كله
طب والخازوق اللى طالع له فى العراق دا يعمل فيه ايه ؟؟
ابتدت الاداره الامريكيه تراهن على الحكومه العراقيه , صنعت جيش جديد بتسليح امريكى متطور + جيش مصغر متخصص اسمته شرطه اتحاديه + تشكيلات مقاتله سريعه اسمتها قوات رد سريع + قوه عسكريه خاصه عالية التدريب اسمها مكافحة الارهاب
ابتدت الاداره الامريكيه تراهن على الحكومه العراقيه , صنعت جيش جديد بتسليح امريكى متطور + جيش مصغر متخصص اسمته شرطه اتحاديه + تشكيلات مقاتله سريعه اسمتها قوات رد سريع + قوه عسكريه خاصه عالية التدريب اسمها مكافحة الارهاب
دا غير عشرات الميليشيات الشيعيه المطعمه ببعض الميليشيات العشائريه السنيه اللى هايسموها فى وقت لاحق (قوات الحشد الشعبى) ...
وصرفوا على تدريب وتسليح الكيانات دى فوق الترليون دولار ... طبعا الخليج اللى كان بيدفع
وصرفوا على تدريب وتسليح الكيانات دى فوق الترليون دولار ... طبعا الخليج اللى كان بيدفع
وبعد كل دا حط اوباما فى بطنه بطيخه صيفى وقرر الانسحاب من العراق , وخلع فعلا ... مفيش كام شهر , حوالى 300 عنصر من التنظيم هاجموا الموصل اللى كان متمركزه فيها قوات حكوميه فوق الستين الف , وسقطت المدينه بعد 3 ايام قتال وسقط كامل عتاد قواتها بيد التنظيم ...
طيب , هل الامريكان تدخلوا ؟ لأ , قلقوا؟ اه ...
طب ليه ؟؟
الواقع ان امريكا (عمليا) ميهمهاش الحكم الاصولى ولا تحجيب النساء ولا فرض الحدود , وان كان يثير امتعاضها , لكنه مش هيدفعها للتدخل العسكرى
طب ليه ؟؟
الواقع ان امريكا (عمليا) ميهمهاش الحكم الاصولى ولا تحجيب النساء ولا فرض الحدود , وان كان يثير امتعاضها , لكنه مش هيدفعها للتدخل العسكرى
خلال كام شهر كان التنظيم بيسيطر على نص العراق تقريبا والغرب واقف بيتفرج ...
لحد ما بدأ يستهدف ويدعوا لاستهداف الغرب بشكل كامل , فتغير الموقف الدولى وتم تشكيل التحالف الدولى لمكافحة الارهاب فى سبتمبر 2014
لحد ما بدأ يستهدف ويدعوا لاستهداف الغرب بشكل كامل , فتغير الموقف الدولى وتم تشكيل التحالف الدولى لمكافحة الارهاب فى سبتمبر 2014
النقطه دى انا ذكرتها ليه ؟
علشان اوضح ان القيم اللى الامريكان بيتشدقوا فيها ودعم الحريات وما شابه كلها بلح , وان الامريكان معندهمش اى مانع يتعاملوا مع انظمه اصوليه طالما مصلحتهم فى كدا , بدليل انهم تحالفوا مع ال سعود اللى حجبوا النساء واقاموا حدود ... ولعقود
علشان اوضح ان القيم اللى الامريكان بيتشدقوا فيها ودعم الحريات وما شابه كلها بلح , وان الامريكان معندهمش اى مانع يتعاملوا مع انظمه اصوليه طالما مصلحتهم فى كدا , بدليل انهم تحالفوا مع ال سعود اللى حجبوا النساء واقاموا حدود ... ولعقود
لكن ... لما الكيان دا يهدد الغرب او يدعم اللى بيهددوا الغرب , هنا يبقى لازم الغرب يتدخل عسكريا , فاكرين اللى حصل مع الملا عمر بعد هجمات سبتمبر؟
اتكرر تانى ولكن بشكل اوسع واكبر لان التهديد كان أكبر والخصم كان راديكالى اكتر بكتير
اتكرر تانى ولكن بشكل اوسع واكبر لان التهديد كان أكبر والخصم كان راديكالى اكتر بكتير
التمدد والانتصارات اللى حققه التنظيم وقتها بقيادة البغدادى واللى تزامن مع طرحه لايديولوجياته بكثافه على مواقع التواصل , خلاه يجتذب ويثير اعجاب كتير من التنظيمات الصغيره اللى كانت متناثره فى العالم وقتها , دا غير سوريا اللى كان تمدد اليها بالفعل عام 2012 بقيادة مساعده الجولانى
فى الوقت دا ومع بداية تشكيل التحالف الدولى , كان الامريكان خصوصا والمجتمع الغربى عموما , اتعلموا دروس كتير جدا فى الصراع ضد التنظيمات الجهاديه ... الدروس دى طبقوها واستفادوا منها لاحقا من بداية تشكيل التحالف لليوم , وهلخصها فى بنود
1- التدخل العسكرى مينفعش يكون مفتوح المده , لازم يكون محدد زمنيا بسقف كلما كان اقصر كان افضل , ومرتبط بتحقيق هدف (مرحلى محدد) لان التدخل مفتوح المده بينقلب لبحر استنزاف مع الوقت وفشله بيزيد , والتجربه السوفييتيه فى افغانستان والامريكيه فى افغانستان والعراق تشهد
مشهد المقاتلين الغربيين فى وسط مجتمعى مسلم , مشهد مستفز , ولا يمكن تلطيفه باى دعوات تحرير او معامله حسنه , ويضفى شرعيه على من يقاتلهم ويكسبه حاضنه شعبيه بغض النظر عن ايديولوجياته , بالتالى التدخل عبر الوكلاء المحليين افضل مع دعمهم بالتسليح والقوه الجويه
الآله العسكريه وحدها مهما بلغت لا تستطيع القضاء نهائيا على تنظيم جهادى , لانه حتى لو انسحق عسكريا فبإمكانه اعادة بناء نفسه طالما احتفظ بثبات ايديولوجياته , لذلك الايديولوجيه هى الهدف الاساسى , اما الشق العسكرى فهو مجرد شق تكميلى كنوع من الضغط والتحجيم
الاستثمار والاعتماد على انظمه وجيوش محليه مصنعه حديثا فى ظل احتلال , كضمانه ووسيله لسحق ومحاربة تنظيمات جهاديه , فكره فاشله وغير مجديه , وكلها تنهار بسرعة البرق فى اول جوله بمجرد رفع الدعم الامريكى المباشر عنها ...
كل الدروس دى استثمرها الامريكان فى حربهم ضد IS من خلال التحالف الدولى الموسع , وهنا عايز اذكر نقطه مهمه ...
الحيزبونه هيلارى دى لقطه , لانها وزيرة الخارجيه الوحيده المدب واللى لها سقطات كلاميه بتقر فيها بحقايق لا يجب ان تقال علنا
الحيزبونه هيلارى دى لقطه , لانها وزيرة الخارجيه الوحيده المدب واللى لها سقطات كلاميه بتقر فيها بحقايق لا يجب ان تقال علنا
افتكر وقت ثورة 25 يناير كان الفريق عنان فى مهمه فى امريكا , ولما شاف اللى حصل استغل الفرصه وعرض نفسه على الاداره الامريكيه اللى كانت وقتها مصدومه من الاحداث اللى حصلت اسرع مما تتوقع , عرض نفسه كبديل لمبارك ...
ولما مبارك اعلن تعيين عمر سليمان نائب له ,خرجت هيلارى لتصرح علنا بكل تلقائيه وعبط قائله (احنا كنا فاكرين ان عنان هو اللى هايستلم السلطه) !
لها قصه مشهوره مع نشطاء يناير اللى الاداره الامريكيه تعاملت معاهم اول الثوره على انهم طرف فاعل , بخصوص تسجيلات هاتفيه بين مبارك ووزير داخليته
لها قصه مشهوره مع نشطاء يناير اللى الاداره الامريكيه تعاملت معاهم اول الثوره على انهم طرف فاعل , بخصوص تسجيلات هاتفيه بين مبارك ووزير داخليته
نرجع لقصتنا , طبعا الجمهور , وخصوصا الناخب الامريكى اللى يهم الاداره , ميفهمش القصص اللى بنحكى فيها دى , هو شايف بلده دى بلد عظيمه وعندها قيم وبتدافع عن الحريه والمبادىء فى العالم , فلما يسمع عن تحالف عسكرى ضد داعش مش هايقبل غير فكرة القضاء عليه
ابواق الخارجيه الامريكيه وقتها والبيت الابيض كلهم دوروا اسطوانة الحريات اياها وهانقضى ونعمل ...ووسط كل دا الهانم خرجت عن السرب وقالت تصريح ماذلت فاكره نصا :
قالت ان مشكلة الولايات المتحده مع التنظيم انه خارج عن المجتمع الدولى ويشكل خطر على منظومة العلاقات الدوليه ولابد من احتواءه
قالت ان مشكلة الولايات المتحده مع التنظيم انه خارج عن المجتمع الدولى ويشكل خطر على منظومة العلاقات الدوليه ولابد من احتواءه
دا جوهر القضيه واللى بحكى فيه عموما , نقطتين بخلاف كل المعلن .. ان التدخل العسكرى مش سببه عنف دموى ولا اعتداء على اقليات ولا كبت حريات ... التدخل سببه ان فيه كيان رافض السيستم الدولى ككل وبيلعب منفردا , ملوش كبير وبيهاجم الكل تقريبا
النقطه التانيه اخر التصريح , قالت احتواءه , مش تدميره ...
لان دا جوهى التفكير الامريكى حاليا , هما اتعلموا الدروس , القضاء المبرم مش وارد , الحل هو تقويم الايديولوجيه بحيث تكون بتدور جوه دايرة السيستم الدولى ومش بتشكل خطر على الغرب ولا لها طموح توسعى
لان دا جوهى التفكير الامريكى حاليا , هما اتعلموا الدروس , القضاء المبرم مش وارد , الحل هو تقويم الايديولوجيه بحيث تكون بتدور جوه دايرة السيستم الدولى ومش بتشكل خطر على الغرب ولا لها طموح توسعى
طيب ... التقويم الايديولوجى دا بيتحقق ازاى ؟؟؟
انا كشخص راديكالى متبنى ايديولوجيه جهاديه , باتوسع وباكسب اتباع وسلاح ومدن , ايه يخلينى اغير افكارى ؟!!!
بالعكس , دا انا هاتمسك بيها اكتر
انا كشخص راديكالى متبنى ايديولوجيه جهاديه , باتوسع وباكسب اتباع وسلاح ومدن , ايه يخلينى اغير افكارى ؟!!!
بالعكس , دا انا هاتمسك بيها اكتر
لكن لما خصومى يحشدوا ضدى عسكريا , ويهزمونى ويفقدونى اغلب قدراتى العسكريه , ويطردونى من المدن اللى سيطرت عليها , ويخنقوا مواردى , مع استمرار الضغط دا لمده (مع انه مستحيل يستمر للابد) عند مرحلة ما الاراده بتنكسر ويبدأ يدخل فى مراجعه للافكار واحلال لافكار جديده اكثر مرونه
نرجع تانى للتنظيمات فى مصر فى الثمانينيات والتسعينات , رغم القبضه الامنيه والشغل المكثف اللى النظام عمله ورغم نجاحاته الكتير الا ان صداع الجماعات فضل مستمر لحد ما حصلت حاجه غريبه
وقتها قررت امريكا تستضيف بعض كبار ضباط الداخليه (تحديدا امن الدوله) فى بعثات تدريبيه فى امريكا , وهناك علمتهم من أين تؤكل الكتف ... افتكروا شخصية (فؤاد الشرنوبى) فى فيلم الهروب ؟؟
اهو دى بالظبط , نموذج فؤاد الشرنوبى بيه
اهو دى بالظبط , نموذج فؤاد الشرنوبى بيه
الظباط دول رجعوا من امريكا بفكرتين , الاولى فكرة السجون شديده الحراسه اللى بيدخلها الشخص انسان ويخرج منها حطام او خيال ضل ...
التانيه فكرة اليه معينه للتخلص من الجماعات دى , تتلخص فى الاتى
التانيه فكرة اليه معينه للتخلص من الجماعات دى , تتلخص فى الاتى
انت كنظام تقدر تشدد قبضتك الامنيه وتتحرك ضد الجماعات باقصى قوتك , وهاتحقق نجاح ... المشكله انك ماتقدرش تستمر بالضغط دا لوقت طويل , وانه برضه مش هاينهى وجودهم تماما ..
ف الحل انك تستخل الزخم الامنى المؤقت دا وحالة الضعف والتراجع اللى بيشهدها خصمك , فى طرح اجنده ايديولوجيه جديده هايكون خصمك اكثر تقبلا لها وهو مضغوط عليه
بدأت وزارة الداخليه فى شن حملة اعتقالات موسعه طالت ناس بره الجماعات كمان , اى حد مربى دقنه كان بيتمسك فى الشارع حتى لو ماشى جوه الحيط , قمع شديد حصل وقتها , ونجح قادة المشروع فى استقطاب بعض المشايخ وفقهاء الجماعات ودفعهم لقبول الاجنده الجديده اللى طرحت باسم المراجعات الفقهيه
وتحت تأثير الضغط الامنى والعسكرى اصبح عناصر الجماعات دى اكثر تقبلا للايديولوجيات الجديده اللى بترفض حمل السلاح اصلا .... وقتها بس انتهى صداع الجماعات الاسلاميه فى مصر ... ببركات التركايه الذكيه دى اللى جبها فصيلة فؤاد بيه الشرنوبى من بعثة امريكا
نفس اللعبه دى لعبها الامريكان مع حركة حماس على مستوى دولى , وقام فيها بدور الوكيل النظام القطرى , ونجحت بنسبة 90% فى تحييد حركة حماس كخطر ضد اسرائيل ,
بعد ما كانت حماس كل يوم بتعمل تفجير بقلب الكيان , اصبحت بتطارد مطلقى الصواريخ وتكسر ركبهم بالمطارق .. ومش بتقوم باى عمل عدائى ضد اسرائيل الا كل كام سنه وبسبب خلافات سياسيه , وحتى العمل دا بيكون له سقف محدد مش بتتجاوزه
ولنا هنا وقفه فى قصة حماس ...
فى عز تمدد is فى المنطقه اكتسبت بطبيعة الحال مؤيدين داخل المجتمع الغزاوى وشرعت فى تكوين خلايا او ولايه ان امكن فى قطاع غزه ... لكن حركة حماس قمعتهم بشدهوقتلت واعتقلت اغلبهم ,
فى عز تمدد is فى المنطقه اكتسبت بطبيعة الحال مؤيدين داخل المجتمع الغزاوى وشرعت فى تكوين خلايا او ولايه ان امكن فى قطاع غزه ... لكن حركة حماس قمعتهم بشدهوقتلت واعتقلت اغلبهم ,
ولاحقا بعد توافقها مع السيسى احكمت غلق الحدود بشكل شبه كامل اما الشباب الغزاوى الراغب فى الانضمام الى ولاية سيناء , ودا ساهم بشكل ملحوظ فى تقليل القدرات البشريه للتنظيم بسيناء وعزز الى حد ما وضع الجيش المصرى فى سيناء
فى الوقت دا كانت الخطه الامريكيه فى الحرب ضد IS بدات تفشل ...
الضغط العسكرى وصل لاقصاه مع سقوط الموصل ومقتل الاف من عناصر التنظيم , وخسارته لكل المدن تقريبا , وقتها دخل عالخط شخصيات اقليميه ذات حيثيه فقهيه فى اوساط الاسلاميين وبدأت بطرح فكرة ان التنظيم فشل لانه استعدى الغرب ,
الضغط العسكرى وصل لاقصاه مع سقوط الموصل ومقتل الاف من عناصر التنظيم , وخسارته لكل المدن تقريبا , وقتها دخل عالخط شخصيات اقليميه ذات حيثيه فقهيه فى اوساط الاسلاميين وبدأت بطرح فكرة ان التنظيم فشل لانه استعدى الغرب ,
وانه لو غير ايديولوجياته لاخرى اكثر مرونه , يستبعد فيها استهداف المصالح الغربيه ويكتفى فيها ب(الاصلاح المجتمعى) او حتى النزاع مع الحكومات الاقليميه فحسب , ف فرصته فى الصعود مجددا هاتكون افضل
النكبه اللى حصلت هنا انه محصلش اى تجاوب من التنظيم , ودا يفسر حالة الاحباط فى هيئة التحالف بعد سنه من استعادة الموصل , رغم انه عسكريا يعتبر منتصر ...
لانه مكانش فيه خطه بديله , لان الخطه دى كانت دايما يتنجح ... والمره دى لأ , ضغطت عليهم باقصى قوه وعاندوا ,,, طب لما زخمى العسكرى يقل (ودا حتمى يحصل مع الوقت) هايكون ايه العمل ؟؟؟
فى الوقت دا كانت حماس نجحت نجاح باهر فى تصفية كيان التنظيم الناشىء داخل قطاع غزه , مش بس كدا , لأ ومساعدة السيسى فى ضبط حدوده كمان ...
وهنا اكتشف الامريكان ان ضرب ميليشيا بميليشيا , مجدى اكتر من ضربها بنظام وجيش , وخصوصا لو الطرفين ارضيتهم الايديولوجيه اسلاميه
وهنا اكتشف الامريكان ان ضرب ميليشيا بميليشيا , مجدى اكتر من ضربها بنظام وجيش , وخصوصا لو الطرفين ارضيتهم الايديولوجيه اسلاميه
نطلع على افغانستان ونرجع ورا كام سنه , تحديدا 2014 تانى , كالمتوقع اثار تمدد IS فى العراق وسوريا اعجاب قطاع من عناصر طالبان اللى كانت فى اسوأ حالاتها داخليا وتعانى من ضبابيه ايديولوجيه وترهل عسكرى ضد الامريكان اصاب كتير من عناصرها بالاحباط
وهوب , التف بضعه من شباب طالبان (اذكر ميزيدوش عن 20) حول احد صغار القاده واتفقوا على ترك طالبان والانضمام ل is
البغدادى وجدها فرصه هايله لموطىء قدم بارض خصبه جدا زى افغانستان ,
هوب .... قبل بيعتهم
هووووب .. اعلنوا قيام (ولاية خرسان)
البغدادى وجدها فرصه هايله لموطىء قدم بارض خصبه جدا زى افغانستان ,
هوب .... قبل بيعتهم
هووووب .. اعلنوا قيام (ولاية خرسان)
فى وسط الهيصه دى كان قادة طالبان بيصدروا بيانات واوامر بتوقيع الملا عمر اللى كان فعليا اتقتل فى غاره امريكيه قبلها بسنوات وقادة الحركه اخفوا خبر موته ووقعوا قرارات باسمه تتناقض مع كتير من ايديولوجيات الحركه الاصليه
عناصر ولاية خرسان الجديده فضحوا اللعبه وقالوا لهم لو شارين طلعوا الملا عمر فى فيديو , الحركه انكرت وبعدين اعترفت لاحقا ...
فضيحة الاكذوبه دفعت عناصر اضافيه للانشقاق عن الحركه والانضمام للولايه الجديده التابعه للبغدادى
فضيحة الاكذوبه دفعت عناصر اضافيه للانشقاق عن الحركه والانضمام للولايه الجديده التابعه للبغدادى
التفتت حركة طالبان للخطر واستوعبت ان البساط بيتسحب من تحت رجلهم .... شنوا حمله على عناصر الولايه اللى كانوا قليلين لسه وقتلوا كتير منهم وعلى رأسهم شيخهم اللى كان اسمه الشيخ خادم على ما اذكر
طيب طالبان خلصت عليهم كلهم , انتهى الموضوع كدا ؟؟؟
لااااا , ماقلت لك السلاح مبيقضيش على تنظيمات ايديولوجيه ...
بسرعه اعيد بناء الولايه واكتسبت عناصر اضافيه منشقه عن طالبان , بدات تتوسع الى ان شرعت فى مهاجمة طالبان ذاتها انتقاما مما فعلوه بهم سابقا اضافه للقوات الحكوميه والامريكيه
لااااا , ماقلت لك السلاح مبيقضيش على تنظيمات ايديولوجيه ...
بسرعه اعيد بناء الولايه واكتسبت عناصر اضافيه منشقه عن طالبان , بدات تتوسع الى ان شرعت فى مهاجمة طالبان ذاتها انتقاما مما فعلوه بهم سابقا اضافه للقوات الحكوميه والامريكيه
بدات الولايه الجديده تتوسع للدرجه اللى سيطرت فيها على مناطق كامله بشكل منفرد بعد ما طردت طالبان منها ...
فى الوقت دا كانت حصلت التجربه الحماسويه اياها , وقبلها تجربه مماثله فى محافظة ادلب السوريه , نجح خلالها الامريكان عبر وسطاء اردنيين وقطريين فى اغراء الجولانى (مساعد البغدادى السابق) بالانشقاق عنه ومحاربته وانهاء تواد تنظيمه بالمحافظه , والتجربه نجحت برضه
فى الوقت اللى بدأت طالبان تظهر فيها كحركه بائسه وكان تبتخسر اغلب مواجهاتها العسكريه ضد is لدرجة ان احد المحللين قال فى النيويورك تايمز على ما اذكر وقتها , انك لو ربطت مقاتل طالبانى فى شجره وقلت له بأن الدواعش قادمون , سيهرب بسرعه لدرجة انه سيقتلع الشجره !!
فى الوقت دا بدأت التفاهمات بين امريكا وطالبان , فى البدايه بشكل سرى ومش مباشر .. عبر وسطاء قطريين ...
ووصلوا لاتفاق تجريبى يشمل مشاركة طالبان فى عمليه عسكريه ضخمه هاتنفذها القوات الحكوميه بدعم جوى امريكى ودعم مدفعى باكستانى ضد اهم معاقل التنظيم فى افغانستان ... ننجرهار
ووصلوا لاتفاق تجريبى يشمل مشاركة طالبان فى عمليه عسكريه ضخمه هاتنفذها القوات الحكوميه بدعم جوى امريكى ودعم مدفعى باكستانى ضد اهم معاقل التنظيم فى افغانستان ... ننجرهار
ونجح كوكتيل القوات دا فعلا فى قتل وأسر اغلب عناصر الولايه , وما تبقى منهم هرب لمناطق جبليه نائيه .... وانحسر وجود التنظيم فى افغانستان لاقل درجاته منذ بداية بيعته للبغدادى
وبنجاح طالبان فى اول اختبار , بدأت امريكا تدوس فى المفاوضات معاهم فى الدوحه اللى ابتدت تاخد شكل علنى ...
فى البدايه حاول الامريكان اقناع الحركه فى محاربة داعش بالنيابه عنهم مقابل (مشاركه سياسيه) مع حكومة اشرف غنى ,,
وواضح ان العرض اترفض , وربما يكون فيه تحريض قطرى للرفض دا كمان
فى البدايه حاول الامريكان اقناع الحركه فى محاربة داعش بالنيابه عنهم مقابل (مشاركه سياسيه) مع حكومة اشرف غنى ,,
وواضح ان العرض اترفض , وربما يكون فيه تحريض قطرى للرفض دا كمان
كما ان جزرة المشاركه السياسيه دى معادتش جذابه , معروف اخرها , كام منصب وازرى هامشى بدون تاثير , وفى المقابل هايشيلوا هما خرا القتال كله نيابه عن الحكومه والامريكان
فى وقت التفاوض دا حصل كذا طارىء اجبر الامريكان انهم يتعجلوا بانهاء الاتفاق وقبول اى وضع تطلبه طالبان وصرف النظر عن مسالة استنزاف الوقت فى عصرهم سياسيا لحلب اكبر قدر من التنازل منهم ...
ايه الامور الطارئه دى ؟؟ اقولكم
ايه الامور الطارئه دى ؟؟ اقولكم
اولا is تمدد بشكل اسرع واخطر بكتير فى افغانستان , اضافه لانشقاقات بالجمله من طالبان اللى احبطوا من انباء تفاهمات قادتهم مع الامريكان , انشقاقات يوميه وبالمئات , لصالح is طبعا ...
بوتين دخل عالخط وبدا يقدم نفسه كصدر حنين لطالبان , وان مشالتكمش الارض اشيلكم على راسى 😂
بوتين دخل عالخط وبدا يقدم نفسه كصدر حنين لطالبان , وان مشالتكمش الارض اشيلكم على راسى 😂
قررت امريكا حسم المفاوضات قبل ما يلحق بوتين يحتضن الحركه على حساب الامريكان ويدوق امريكا نفس الكاس اللى دوقته للاتحاد السوفيتى فى الثمانينات ,وكمان قبل ما is يتوسعوا اكتر من كدا
ودا السبب للانسحاب الامريكى السريع وتبدل مواقف الامريكان اكتر من مره خلال اخر شهرين , ومن بعد ما كانوا مصرين على مشاركه سياسيه بس , تقبلوا سيطرة طالبان على الولايات دون العواصم , ثم تقبلوا سيطرتها على العواصم دون كابول , واخيرا تركوا لهم كابول نفسها
دى القصه باختصار .... الناس بقا اللى عماله تلطم وتقول ارهاب وبتنجان , طالبان حاليا اشبه بجماعة الاخوان , بل مش هبالغ لو قلت انهم اكثر برجامتيه من الاخوان كمان , عندهم استعداد يرفعوا علم الريمبو كمان لو مصلحتهم تقتضى دا
طالبان حاليا علاقتهم ممتازه مع روسيا والصين وايران , وبعتوا وفود للدول التلاته اكدوا انهم هايحموا حدودهم وهايمنعوا تنفيذ اى عمل ارهابى ضدهم انطلاقا من داخل ايران , ومش هايوفروا ملاذ لاى جهه تعترض عليها الدول دى , حتى الايجور بتوع الصين
كدا خلاص... مفيش توسعات .. مفيش تهديد لمصالح الغرب او ول الجوار ... نيجى بقا للفقره الأهم ..
الحركه هاتقوم بدور الجيش الافغانى الفاشل اللى هرب بمجرد رفع الغطاء الامريكى عنه , وهتحارب is بالوكاله , باستخدام اطنان من الاسلحه والذخائر الامريكيه الحديثه اللى تركها لهم الجيش الافغانى
الحركه هاتقوم بدور الجيش الافغانى الفاشل اللى هرب بمجرد رفع الغطاء الامريكى عنه , وهتحارب is بالوكاله , باستخدام اطنان من الاسلحه والذخائر الامريكيه الحديثه اللى تركها لهم الجيش الافغانى
السؤال هنا , هل هاينجحوا ؟؟؟
بحسابات الورقه والقلم .. غالبا ايوه , الزخم الهائل اللى كسبوه باكتساحهم لكامل افغانستان فى ايام + تسليح الجيش الافغانى اللى هايستولوا عليه كاملا , يكفل لهم هزيمة فرع is افغانستان مهما استماتوا فى القتال .... دا غالبا .. بنسبة 80% كدا
بحسابات الورقه والقلم .. غالبا ايوه , الزخم الهائل اللى كسبوه باكتساحهم لكامل افغانستان فى ايام + تسليح الجيش الافغانى اللى هايستولوا عليه كاملا , يكفل لهم هزيمة فرع is افغانستان مهما استماتوا فى القتال .... دا غالبا .. بنسبة 80% كدا
لكن برضه مش هايقضى عليهم , وهايرجعوا ينتشروا اكتر من الاول , ووقتها هاتكون حركة طالبان نفسها هدف اساسى لهم بعد رحيل الامريكان والنظام بتاع اشرف غنى ... لان برضه الضغط العسكرى مش محقق ضغط ايديولوجى مناسب بالتوازى ....
وادينا بنتفرج
وادينا بنتفرج
المهم ان الامريكان مبسوطين والاتحاد الاوروبى مبسوط وروسيا مبسوطه والصين مبسوطه وايران مبسوطه وباكستان مبسوطه ....
اما الناس الللى هتضايق من فرض الحجاب دول يخبطوا دماغهم فى الحيط ... انتوا صدقتوا اننا كمجتمع دولى بتندعم حريات ولا ايه ؟!!! المصالح أهم يابا 😂
اما الناس الللى هتضايق من فرض الحجاب دول يخبطوا دماغهم فى الحيط ... انتوا صدقتوا اننا كمجتمع دولى بتندعم حريات ولا ايه ؟!!! المصالح أهم يابا 😂
الناس بقا اللى عمالين يقولوا الرؤساء الامريكان بيصنعوا الجماعات الارهابيه , وبايدن صنع طالبان واوباما صنع داعش وبوش صنع القاعده ....
دول ناس متخلفين اصلا وعايشين فى مية البطيخ والنقاش معاهم مش مجدى ومش فاهمين ابسط ابجديات الواقع السياسى فى الكوكب دا ... حطوهم على جنب
دول ناس متخلفين اصلا وعايشين فى مية البطيخ والنقاش معاهم مش مجدى ومش فاهمين ابسط ابجديات الواقع السياسى فى الكوكب دا ... حطوهم على جنب
الخلاصه ان طالبان لعبتها صح , واستغلت الوضع افضل استغلال , وكسبت , كسبت جامد ... بس مكسبها عالمدى القصير ...
عالمدى المتوسط هاتخسر كتير , هانشوف دا خلال سنتين تلاته على الاكتر
عالمدى المتوسط هاتخسر كتير , هانشوف دا خلال سنتين تلاته على الاكتر
حاجه اخيره نسيت اقولها ....
اللعبه الشيطانيه دى ابرز مخططيها ونفذها سياسى امريكى كهين وسوسه , افغانى الاصلى , كان زميل دراسه لقادة طالبان الاوائل , ونزح لاحقا لامريكا وتزوج يهوديه واخد الجنسيه وعمل دبلوماسى وكان اهم مستشار عن الملف الافغانى فى كل الادارات
زلماى خليل زاده
اللعبه الشيطانيه دى ابرز مخططيها ونفذها سياسى امريكى كهين وسوسه , افغانى الاصلى , كان زميل دراسه لقادة طالبان الاوائل , ونزح لاحقا لامريكا وتزوج يهوديه واخد الجنسيه وعمل دبلوماسى وكان اهم مستشار عن الملف الافغانى فى كل الادارات
زلماى خليل زاده
فاكرين قصة ننجرهار؟؟
طالبان سيطرت اليوم على سجنها المركزى اللى بيحتوى اغلب عناصر is الآسرى فى الحمله المشتركه اللى حكيت عنها ...
طالبان اخلت سبيل معتقليها وتركت عناصر is فى السجن ...
اظن ان الحركه ستقوم باعدامهم قريبا بتهمة (الحرابه) .. كاشاره لالتزامها باتفاقها مع الامريكان
طالبان سيطرت اليوم على سجنها المركزى اللى بيحتوى اغلب عناصر is الآسرى فى الحمله المشتركه اللى حكيت عنها ...
طالبان اخلت سبيل معتقليها وتركت عناصر is فى السجن ...
اظن ان الحركه ستقوم باعدامهم قريبا بتهمة (الحرابه) .. كاشاره لالتزامها باتفاقها مع الامريكان
@soul_3600 العفو
مقتل قائد is افغانستان الأسبق والمدعو ابو عمر الخرسانى ...
المذكور كان معتقلا لدى نظام اشرف غنى فى سجن بول الشرقى بالعاصمه الافغانيه كابول ، وقتل اليوم عقب سيطرة حركة طالبان على السجن بالأمس
المذكور كان معتقلا لدى نظام اشرف غنى فى سجن بول الشرقى بالعاصمه الافغانيه كابول ، وقتل اليوم عقب سيطرة حركة طالبان على السجن بالأمس
قبل عام بالضبط ، قام عناصر تنظيم الدوله بافغانستان ، باقتحام سجن جلال اباد الرئيسى ، وتحرير كل السجناء بداخله ، بما فيهم عناصر حركة طالبان ..
france24.com
france24.com
جاري تحميل الاقتراحات...