ستاربكس عملت القهوة بنظام الاشتراك، رولز رويس بتأجر مواتيرها بالساعة لشركات الطيران وباستخدام "انترنت الأشياء IoT" بتعمل الصيانة. وبخلاف اقتصاد الـ Platform Economy زي Uber و AirBnB اللي له تحدياته، تحولات جديدة بتحصل! النهاردة هنتكلم عن "تخديم الأعمال" Servitization والـ XaaS.
سنة 1961 في فيلم "لا تطفئ الشمس"، احسان عبد القدوس والمخرج صلاح أبو سيف قدموا فكرة شبيهة بـ"Uber" من خلال حوار لأحمد رمزي مع العائلة عن مشروعه الجديد. تحفظ شكري سرحان ارتبط بخصوصية البيانات أما عقيلة راتب فأبدت انزعاجها من الاعلانات. وهي مشاكل نواجهها حتى اليوم بشكل مختلف في 2021
لو حللنا الابتكار اللي عمله أحمد رمزي في مشهد فيلم "لا تطفئ الشمس" هنلاقي أنه اتاح "تخديم" Servitization صناعة النقل بمعنى أنه تقديم الخدمة مش بالضرورة يكون مرتبط بامتلاك أداة تقديمها. يعني أيه؟ يعني انت عشان تقدم خدمة السواقة مش محتاج يكون عندك عربية وده مكانش منتشر وقتها.
الصناعة اللي انتشر فيها "التخديم" as-a-service كانت تكنولوجيا المعلومات مع ظهور الـ Cloud Computing من 15 سنة. زمان كنا بنشتري برامج (او بتسرقها لو بتعمل copy) وكل سنة تجددها. لو عايز تعمل نظام في شركتك كان لازم تشتري Servers وHardware وشبكات عشان تعرف تشغل عليه الـ Software
انتاج الخدمة اللي بتقدمها برامج الكمبيوتر كانت تستلزم أنه يكون عندك الأجهزة (الServers) اللي بتستضيف تشغيل الخدمة من خلالها Hosting. وعشان كده سموها Servers يعني خوادم برامج الكمبيوتر للمتصلين بيها من أجل الحصول على الخدمة. بعد الـ Cloud اصبح تقديم الخدمة مش ملتصق بأداة تقديمها.
لو مش متخصص في تكنولوجيا المعلومات والكلام عن الـ Cloud والـ SaaS ده هيروغليفي فخلينا أقولك لا تقلق، لقد تم التزاوج ما بين نماذج أعمال تقديم خدمات البرمجة SaaS وكل الخدمات الأخرى في كل الصناعات فأصبح عندنا الآن ما يسمى بالـ XaaS أو Anything as a service (أي حاجة في أي حتة)
ببساطة XaaS هو نموذج عمل من خلاله بيتم "تخديم" وتحويل أي قطاع بيقدم منتج Product بتشتريه عشان تقضي غرض معين إلى خدمة بتستهلكها On demand يعني حسب احتياجك مع ضمان أنها تكفي حاجتك وماتنقطعش 0-Downtime بقدر الامكان وذلك باستخدام الخدمات والبنية التحتية الرقمية.
مثال بسيط: Uber يعتبر نوع من الـ XaaS لأنه بيستخدم التحول الرقمي كأداة لتقديم خدمة من خلال App. نفس الكلام بالنسبة للـ Apps اللي بتقدم خدمات بنكية، هو مفيش بنك انت بتروحله، البنك كله مبني رقميا كخدمة على الـ Cloud. وكذلك Spotify تخديم للموسيقى لأنك مش بتشتري ملف الـ Mp3 نفسه.
طيب انت محتاج أيه عشان تبني XaaS، محتاج انك تكون متصل ببنية رقمية Cloud قوية ومضمونة ونظام عمل انتاج خدمتك ومنتجك الالكتروني يكون مبني على التحول الرقمي السليم وبنية تأمين المعلومات تكون قوية والأهم من ده كله جودة الخدمة اللي بتقدمها. يا فرحتي App شغال حلو، بس الخدمة سيئة!
فكروا معايا في أي منتج أو احتياج للإنسان بينزل يشتريه أو شركة بتضطر تشتري حاجة وتمتلكها عشان تضمن تقديم احتياجاتها وباستخدام التحول الرقميDigital Transformation والتخديم Servitization ممكن نحوله لخدمة بيتم استخدامها حسب الحاجة وده بيعزز مفهوم اتجاه اقتصادي عالمي بقاله فتره
الجانب الاقتصادي من التخديم والـ XaaS هو تقليل الانفاق على النفقات الرأس مالية Capex زي الأصول (منتجات، أراضي، ادوات) وتحويلها لنفقات تشغيل Opex حسب الحاجة مافيهاش اهلاك وتعظيم الـ Intellectual Capital او رأس المال الفكري واستدامة الموارد وفعالية استهلاكها
جاري تحميل الاقتراحات...