1- نظراً لعدم وجود منظّرين جدّيين بيجمعوا بالوقت نفسه بين الفكر السياسي والفلسفة السياسية والاقتصاد السياسي والجيوسياسية من سنين، وغرقنا بانحطاط رهيب ع مجمل هالمستويات، قدر هيك نظام يتجذّر والمجتمع ما يتطوّر.
بس بعتقد إن شربل نحاس كان الوحيد ربما اللي بادر وعمل مجهود جدي نظرياً
بس بعتقد إن شربل نحاس كان الوحيد ربما اللي بادر وعمل مجهود جدي نظرياً
2- وفكرياً وتحليلياً ليقدم أقرب طرح قابل للتطبيق بالحالة اللبنانية بعيداً من أوهام إمكانية التغيير الثوري الجذري لمجتمع متفوّقة فيه البنى الطائفية على البنى الطبقية، أو محاولات إسقاط التجارب الثورية العالمية، أو البلعطة بمستنقع إعادة إنتاج نسخة مطوّرة عن النظام نفسه.
3- أكيد منه الطرح المثالي ولا اللي كتار بيحلموا فيه وبدهم ياه، ويمكن كتير تسووي بالنسبة للراديكاليين وكتير ثوري بالنسبة للمحافظين، بس واقعياً كان الأكثر قابلية للتنفيذ، وأفضل من النظام السابق ومن الوسخ والشرّ اللي رايحين عليهم.
4- مشكلته مش بطرح تسليم السلطة سلمياً، اللي اعتبره البعض هدف أو وهم، لأن هيدا مفتاح الانتقال لبناء دولة مدنية بتتعامل مع الناس مباشرة من دون وسيط (الزعيم والطايفة) وكأفراد عندهم حقوق مش بلوك طائفي مقوقع خايف على وجوده والأفراد فيه مدعّسين، مفتاح الانتقال لدولة مدنية بدل اللجوء
5- لحرب أو لتفتيت المجتمع بالفقر والهجرة، وهيدا شي حتمي وواقع عم نعيشه. وبناء دولة عندها اقتصاد كفوء إنتاجياً وعنده فعالية تراكمية، وبنفس الوقت عادل بيوزّع التراكم المحقق أي الأرباح على الناس كحقوق بالطبابة والتعليم والنقل والسكن والخ. يعني شي شبيه باقتصاديات الدول الاسكندينافية.
6- المشكلة ما كانت باللي شافوا البعض سذاجة أو طباوية بالتعويل على زعماء حرب ليسلموا سلطة، وصحيح هني لا يعوّل عليهم وما ممكن يتخلّوا عنها بالهيّن، إنما المشكلة كانت بعدم مناقشة الطرح لا من الإعلام ولا من اللي بيعتبروا حالهم نخب أو هني فعلاً نخب ثقافية
7- لتحسينه ربما وتبنيه والعمل لحشد قاعدة حوله، بتقلب موازين القوى وبتجبر اللي لازقين بالسلطة على التفاوض لتسليمها ومواجهة مصير بشع، مش بس نظام، والتأسيس لمستقبل أفضل.
المسؤولية باللي رايحينلو بتوقع علينا كلنا ولو بدرجات متفاوتة. يمكن ما فات الوقت بس الفرص واضح صارت أقل.
المسؤولية باللي رايحينلو بتوقع علينا كلنا ولو بدرجات متفاوتة. يمكن ما فات الوقت بس الفرص واضح صارت أقل.
جاري تحميل الاقتراحات...