حبلش من عندي،
وصلت عالبيت بحدود ال٥:٣٠ (من حظي اهلي كانوا بالجنوب)، عندي رفيق عنا عادة انه كل يوم بحدود الساعة ٦ مننزل منشرب قهوة سوا، حكيته قلي شوي وبحكيك لننزل، بوقتها كان في قطع كهرباء قاسي متل اللي صاير حالياً، قمت فتحت كل شبابيك وابواب البيت الزجاجية، وهالشي يمكن كان من حظي،
وصلت عالبيت بحدود ال٥:٣٠ (من حظي اهلي كانوا بالجنوب)، عندي رفيق عنا عادة انه كل يوم بحدود الساعة ٦ مننزل منشرب قهوة سوا، حكيته قلي شوي وبحكيك لننزل، بوقتها كان في قطع كهرباء قاسي متل اللي صاير حالياً، قمت فتحت كل شبابيك وابواب البيت الزجاجية، وهالشي يمكن كان من حظي،
قعدت لبَورد شوي، عالساعة ٦:٠٧ بسمع صوت غريب، قلت هيدا ممكن يكون فرقاع كالعادة، او صوت شي خزان ماي عالسطح اللي لما يفضى بيرج البناية كلها، قمت مشيت كم خطوة عالبلكون، ما في اجزاء من الثانية وكان ضغط الانفجار معبي فيي، طرت لأخر اوضة القعدة ومن حظي ما تأذيت،
بلشت البناية تهز وكأنها رح تنهار وانا متعبط باقرب عامود لقيته حدّي، ثبتت البناية وبلشت نط من بلكون لبكون لإعرف شو صاير، اتصلت برفيقي لأعرف اذا صارله شي، بيرد عليي وفي صوت تكسير حواليه، انقطع الاتصال وفكرت وقع عليه شي شغلة وراح، متل المجنون قمت لبست ونزلت ركض، هون كان مشهد الرعب،
غبار اول مرة بشوفه بلبنان، شي بيشبه الأفلام، كل حدا عم يركض بناحية، اكفال ونسوان عم يبكوا ومنهارين، والارض عم تلنع من كثر الزجاج وبلاكين متل ما هي متفجرة وواقعة عالارض، امي اتصلت فيي وصار الخط يقطع وصارت تبكي، وها الشي اللي زاد الطين بلّة، ما عرفت شو اعمل وشو فكر
او لوين روح، كل بالي انه عندي حدا رايح شوف اذا بعده عايش او لا، والحمدلله كان بخير، طوّلت شوي، اعذروني بس كان لازم طلّعن ولو اللي شفته اهون من غيري
جاري تحميل الاقتراحات...