ليه سانشو فريد من نوعه؟
عام 1962، إنتهى إحتلال المملكة المتحدة البريطانية لجزيرتي ترينيداد وتوباجو، لكن إستمرت إنجلترا هي الحلم بالنسبة لكل عائلة فقيرة، من بين العائلات اللي هاجرت لإنجلترا هي عائلة ترينيدادية الأصل، ووضعت مولودها الأول في لندن، وإسمه جادون سانشو!
ثريد مختلف!
عام 1962، إنتهى إحتلال المملكة المتحدة البريطانية لجزيرتي ترينيداد وتوباجو، لكن إستمرت إنجلترا هي الحلم بالنسبة لكل عائلة فقيرة، من بين العائلات اللي هاجرت لإنجلترا هي عائلة ترينيدادية الأصل، ووضعت مولودها الأول في لندن، وإسمه جادون سانشو!
ثريد مختلف!
ميلاد نجم 'مختلف'..!
كعادة المهاجرين، بيميلوا دائمًا لأعمال الشغب، المخدرات، مرافقة الفتيات والسهر والخمور وغيرهم، لكن جادون كان مش كده، كان طفل غير إجتماعي، نشأ في ظروف أصعب من الصعوبة في كسب لقمة العيش، مع حياة مليئة بالمتاعب،
كعادة المهاجرين، بيميلوا دائمًا لأعمال الشغب، المخدرات، مرافقة الفتيات والسهر والخمور وغيرهم، لكن جادون كان مش كده، كان طفل غير إجتماعي، نشأ في ظروف أصعب من الصعوبة في كسب لقمة العيش، مع حياة مليئة بالمتاعب،
لدرجة إن دان ميتشيتشي مدربه في المنتخب الانجليزي تحت سن 15 و16 عام أكد إنه لم يتمكن من مشاهدة بلاده في كأس عالم 2014 لأن البالغ من العمر 14 عام كان لا يملك تليفزيون.
وعلى ذِكر مدربه ميتشيتشي، فقصة سانشو الأليمة كانت سبب لولادة نجم مختلف، لأنه قضى 7 سنين من عمره بيلعب كورة في الشارع، كورة وأسس كروية مختلفة عن اللي في الأكاديميات والأندية اللي عندها ضوابط وأسس للاعب المحترف؛ كان سانشو بيراوغ بشكل غريب، سرعة نسق مش موجودة خارج النطاق ده أبدًا.
التأسيس الكروي ده لسانشو جعل منه إنجليزي لا يملك الهوية الإنجليزية، أقرب للنشأة البرازيلية والأرجنتينية، وهنا كانت الميزة اللي جعلت منه 'مختلف' عن طبيعة نشأة الإنجليز، لأن كعادة الأطفال الإنجليز، أبائهم وأمهاتهم بيدفعوا بهم للأكاديميات والأندية لوضع أساس كروي سليم لهم، عكس سانشو.
ده كان السبب في تمسك بعض الأكاديميات والأندية بالشاب الصغير سانشو، وفاز بالسباق ده نادي واتفورد، وميتشيتشي بيقول إن أي لاعب بيمر بمرحلة سانشو مش بيمر بمرحلة متوسطة في حياته،
يعني إما هيقدر يستثمر الـ90% اللي أخذهم من الشارع مع موهبته علشان يوصلوا بالضوابط والإلتزام لـ100%، أو هيفشل فشل ذريع وهيكون وقتها تحت الصفر، لأن الأسس اللي إتعلمها في الشارع هتضيع مع الوقت لو كانت بدون إهتمام فعلي.
حسب علم النفس، النشأة والتربية الصعبة بتكون سبب لتميز الأفراد، وده كان الشيء الجميل اللي إتولد من رحم المعاناة لسانشو، لأن كل المدربين اللي تولوا مسئولية الإنجليزي الصغير كانوا مبهورين بمهاراته ولم يضيفوا له إلا الإلتزام وتطويعها في الملعب، بعيدًا جدران البيوت والأرصفة والحواري،
ككلام فني بقى، ده أفاد سانشو في اللعب في المساحات الضيقة ومراوغة أكتر من لاعب بدلًا من التمرير، أو الركض بالكورة في العمق أو الطرفين بنفس الجودة وبكلتا القدمين، تميز مبهر، وهقولك ليه بعدين في المقال.
نيمار الناطق باللغة الإنجليزية!
ميتشيتشي وغيره من المدربين تحت الفئات العمرية، كانوا بيدربوا سانشو في معكسرات المنتخب الانجليزي بطريقة 'الروندو'،
ميتشيتشي وغيره من المدربين تحت الفئات العمرية، كانوا بيدربوا سانشو في معكسرات المنتخب الانجليزي بطريقة 'الروندو'،
الروندو هو تدريب بيتم فيه وضع عدة لاعبين على شكل دائرة أو مربع، وداخل المحيط بيتواجد لاعب أو إتنين بيحاولوا يقطعوا الكورة من اللاعبين، ولما لاعب من الإتنين بيقطع الكورة من لاعب موجود على الدائرة بيبدلوا الأدوار،
غرض التدريب ده هو تعليم اللاعبين ياخدوا قرارات سريعة، ازاي يقدروا يلعبوا في المساحات الضيقة مع إيجاد ثغرات بين المدافعين، مع عمل مثلثات في كل جزء من الملعب، وبالتالي سهولة إيجاد المساحات.
مشكلة نيمار إنه واخد الكورة ترفيه، حصر نفسه في مكان محدد، ده شيء جميل للأطفال والناس اللي بتستمتع بالكورة، لكنه مش كده للفرق اللي لعب فيها كلها وهيفضل كده لحد ما يعتزل؛ بيضيع وقت كتير بإستعراضه ومبالغته في مراوغة أكبر عدد من اللاعبين في معظم مواقفه مع المواجهة بالكورة،
بالتالي بُطيء سرعة الرتم خسرّه كتير، ومع إختلاف الإمكانيات طبعًا لصالح نيمار، لكن سانشو إنتبه للنقطة دي من صغره، لأنه مهاري جدًا وفي نفس الوقت إيجابي كمان، وده بيفسر ليه سانشو معدلاته التهديفية مش بس هي اللي عالية، لكن كمان على مستوى الصناعة والتأثير،
في موسم 2020 مثلًا، الموسم قبل الماضي، سانشو قدر يسجل 17 هدف مع 17 أسيست في 35 ماتش لعبهم، مع 12 بري أسيست كمان، والموسم الماضي قدر يتجاوز الرقم ده، ده شيء بيدل على تطويع مهاراته للتأثير مش للإستعراض كغرض أساسي.
سانشو جاي اليونايتد يعمل ايه..؟
لو لاحظت في إسكواد اليونايتد الحالي، هتلاقي إن فيه مواضع ضعف فيه، لكن هتلاقي لأول مرة من سنوات عديدة إن مختلف بروفايلات اللاعبين موجوده في اليونايتد، تنوع غير عادي في كل خط،
لو لاحظت في إسكواد اليونايتد الحالي، هتلاقي إن فيه مواضع ضعف فيه، لكن هتلاقي لأول مرة من سنوات عديدة إن مختلف بروفايلات اللاعبين موجوده في اليونايتد، تنوع غير عادي في كل خط،
لكن كان ناقص الإسكواد لاعب مهاري على الرواق الأيمن يقدر يضيف لليونايتد في الجبهة دي من حيث التأثير، مش كصناعة لأجل الصناعة فقط أو كتسجيل لأجل التسجيل، بل التأثير بشكل عام وفهم تحركات زملاؤه واللعب على أساسها.
واحدة من أكبر مشكلات اليونايتد لما بيمتلك الكرة وبيقرر إنه يكون الطرف المستحوذ خلال المباراة، إن معظم هجماته وحتى بناء الهجمة بيكون على اليسار، عكس الرواق الأيمن اللي نادر جدًا تلاقي اليونايتد بيصنع تأثير حقيقي فيه، حتى معظم المشاكل الدفاعية بتكون من خلاله،
سانشو بيلعب بقدميه الإتنين بتكنيك معين، القدم اليمنى بيستخدمها للتسديد أو الصناعة والأكتر التسديد، واليسرى بيدخل بها للعمق مع تسديد أقل، سواء لعب جناح أيمن أو أيسر، لما لعب جناح أيسر مع دورتموند، كانت إسهاماته التهديفية عالية، ولما لعب على اليمين كان بهدف الصناعة ضد ضهير قوي،
دي ميزة كبيرة لسولشاير في توظيفه حسب كل مباراة، حتى خلال صنع المساحة، العملية اللي هيشارك فيها سانشو بدون شك وهيسقط كتير من مركزه لإستغلال مهاراته بقدمه اليمنى، لأن أغلب رواكز اليونايتد خلال بناء الهجمة بيلعبوا برجلهم اليسرى، راشفورد، مجواير، شو، وحتى فريد،
بالتالي كل تحركاتهم حتى لما بيتجهوا لعمق الملعب بتكون لتجميع اللعب في الجبهة اليسرى، ده شيء هيضفي عليه سانشو نوع من التنوع في الجبهة اليمنى واليسرى كمان.
سانشو صفقة مميزة، سوبر، جناح صغير في السن مع إمكانيات هائلة وتأثير ضخم، لكن أهم شيء عندي إنه هيضفي تنوع كبير، واليونايتد في غاية الإحتياج له.
إنتهى الثريد!
شكرًا لوقتكم!
إنتهى الثريد!
شكرًا لوقتكم!
جاري تحميل الاقتراحات...