قصة جميلة عن سيدة أمريكية إسمها Mary Daniel.. زوجها كان بيعاني من بدايات مرض الزهايمر وتم إيداعه في بيت رعاية.. ولما ضربت الكورونا العالم كله، أصدر حاكم ولاية فلوريدا تعليمات صارمة بمنع الزيارات في كل بيوت الرعاية.. طبعا ده عمل مشكلة لماري اللي كانت واعدة زوجها إنها تكون بجانبه
فضلت 114 يوم تزوره من ورا شباك زجاجي.. وكانت كل ما تزوره تلاقيه بيبكي وهي مش عارفة تتواصل معاه وخايفة ينساها بسبب الزهايمر.. وقالت ماري إن زوجها فقد 10 باوند خلال هذه الفترة.. ولما نشرت القصة تواصل معها شخص من إدارة بيت الرعاية وعرض عليها حاجة غريبة جدا
وفعلا ماري قبلت العرض "وظيفة" وراحت تغسل المواعين في بيت الرعاية عشان تكون بجانب زوجها! و في أول لقاء لهما، رغم إنها كانت لابسة الماسك.. زوجها حط إيده على وجهها وقال إسمها..! إشتغلت عاملة في بيت الرعاية.. تغسل مواعين، لمجرد أن تكون بجوار زوجها وتمسك إيده زي ما وعدته!
فيه ناس بتستسلم للظروف.. وناس هي اللي بتصنع الظروف! يمكن في وسط الحكايات الكتير عن خلافات الأزواج والعنف وكل الكلام اللي تسبب في تشويه صورة العلاقة الحقيقية بين إتنين "شركاء في الحياة".. لما تلاقي قصة زي دي بترجعلك ثقتك في "الإنسانية".. وإن مش كل العلاقات مزيفة ..
جاري تحميل الاقتراحات...