قصة ملهمة :
صديقي ( نايف)
لقى وظيفة ؟
وش سالفته مع البقالة؟
حياكم تحت 👇🏽
#ثريد #بزنس
1

تخصصه اجتماعيات.. بحث عن فرصة للتدريس ما حصّل .. حوالي 4 سنوات يبحث عن وظيفة مناسبة ما حصّل..
قال لأبوه دور لي سلف ، أبفتح #بقالة فتحة وحدة بس وأبجلس فيها لعل الله يفتح لي باب رزق فيها..
2

كان يصلي الفجر وسيارته تشتغل علشان يروح ويفتح البقالة على طول.. ويجلس فيها لين حوالي الساعة 1 الظهر ، يرجع للبيت يتغدا وينام وبعد صلاة العصر مباشرة يرجع للبقالة إلى الساعة 12 بالليل.. يوميًا..
نسوه الناس.. ما أحد يتصل عليه لعزيمة أو لزواج أو لكشتة أو لسفر لأنه دايم يعتذر
3

بعد سنة وشوي صارت البقالة فتحتين.. وبعدين كبرت وكبرت وكبرت..
الآن وخلال 7 سنوات ما شاء الله تبارك الله صارت ( أسواق نايف) مساحتها أكثر من 500 متر مربع.. فيها قسم خضار وفواكه وقسم لحوم وأجبان ومحمصة ومخبز.. فيها كل شي..
4

قبل شهرين تقريبًا يقول لي عن موعد افتتاح فرعه الثاني ما شاء الله تبارك الله،صبر وتعب وانقطع عن الناس لين حقق شي كبير..
انتهت القصة..
السؤال :
هل يفكر نايف بوظيفة ب 4 آلاف أو 5 آلاف ريال؟
السؤال لك أخي الكريم :
وش العائق اللي عندك ما تبدأ من الصفر مثله؟
وش اللي يمنعك؟
انتهى
5