فيه اللي بيسأل ويقول إشمعنى فجأة الناس بتقول إن السد فشل في الملئ الثاني .. ومبقتش تقول إن اللي حصل غير مقبول وتغضب وتقول إحنا رافضين؟
-
علشان رئيس الجمهورية إتكلم عن الموضوع وإداهم جزء من الشعور بالإطمئنان (مش كله لأن طبيعة المصريين إنهم يفضلوا حذرين) . ده أولاً ونخش في ثانيًا
-
علشان رئيس الجمهورية إتكلم عن الموضوع وإداهم جزء من الشعور بالإطمئنان (مش كله لأن طبيعة المصريين إنهم يفضلوا حذرين) . ده أولاً ونخش في ثانيًا
طبيعة الإدعاء : إثيوبيا بتقول لك : هييييه أنا مليت الملئ الثاني وأنا كده فرضت الأمر الواقع . وطبعًا اللي مضحوك عليهم في أثيوبيا مبسوطين باللي بيحصل علشان راسمين سيناريو إنهم عملوا الحاجة اللي مصر معترضة عليها . لو بصينا للواقع بقى . هنعرف إن مصر لحد دلوقتي تعتبر موقفها أفضل .ليه؟
إثيوبيا بتقول أنا تممت الملئ الثاني .. لكن هما خططوا ل 13 والنتيجة إن الحقيقة بتقول الملئ يدوبك طلع 3 مليار أو 3 وكسور ... مصر كانت مستعدة للأسوأ من كده .. فده كان رد الناس الطبيعي على الإدعاء
★مع ذلك أنا رافض اللي حصل لأن الملئ ده مش شرعي زي اللي قبله ولازم نكون واعيين
★مع ذلك أنا رافض اللي حصل لأن الملئ ده مش شرعي زي اللي قبله ولازم نكون واعيين
الملئ الثاني اللي تم هيبقى له أضرار على السودان أكثر للأسف .. بس دي هتبقى ورقة إضافية تدين إثيوبيا وتقوي التحرك ضدها بأي شكل بقى سياسي ، دبلوماسي ، عسكري .. مهي لسه الخيارات متاحة .. الرئيس قال تعالوا نمضي وهما لسه بيحاولوا يستفزوا وياخدوا أي نصر تلفزيوني معتمدين على المحبطين هنا
بصوا .. أصل المشككين شايفين صورتين مفيش غيرهم
-
★الصورة الأولى : السيسي باع النيل وعامل إتفاق سري مع إثيوبيا زي ماباع الجزيرتين .
-
★الصورة الثانية : إثيوبيا بتفرض أمر واقع والسد لو إتملى مش هنعرف نضربه وده بسبب السيسي
-
دول الصورتين . معندهمش تصور غير السيئ ، ونسيوا الماضي 😑
-
★الصورة الأولى : السيسي باع النيل وعامل إتفاق سري مع إثيوبيا زي ماباع الجزيرتين .
-
★الصورة الثانية : إثيوبيا بتفرض أمر واقع والسد لو إتملى مش هنعرف نضربه وده بسبب السيسي
-
دول الصورتين . معندهمش تصور غير السيئ ، ونسيوا الماضي 😑
نسيوا إن موضوع الجزيرتين فيه بخصوصهم وثائق وإثباتات من أكثر من حقية زمنية بتثبت سعوديتهم .. ومبارك صدق على كده ، ده نفس المبارك اللي إسترد طابا تحكيميًا في عهده .. يعني مبدأ التنازل مش عنده .
-
وأنا عمليًا زهقت من الرد على البعض الغير مقتنع بخصوص الموضوع ده .. مش هيقتنعوا برضه 😑
-
وأنا عمليًا زهقت من الرد على البعض الغير مقتنع بخصوص الموضوع ده .. مش هيقتنعوا برضه 😑
نسيوا موضوع ليبيا .. الخطيب اللي ساب خطيبته ورايح على ليبيا .. الجيوش المسلمة ماينفعش تحارب بعضها .. والشيف بوراك والفئة الملعونة اللي قالت إحنا مع تركيا وشككوا في الخط الأحمر وقال لك إشمعنى أثيوبيا سايبها .. والموضوع خلص بأبسط التحركات .. مش بالشكل المتوقع من الناس يعني
مصر دولة قائمة في التحركات على مبدأ (رد الفعل) . الجيش المصري عقيدته دفاعية (يقدر يبادر بإحترافية .. بس هو رد فعل ومقياسه هو للخطر مختلف عن مقياسنا إحنا كمدنيين . هو بيعتمد على معلومات وخطط وملفات في إيده . إحنا مؤشرنا بيعتمد على معلومات مبدئية وإستنتاجات منطقية وتقارير معلنة بس)
اللي بيميز مصر عن سائر الدول .. إنها عندها القوة اللي تقدر بيها تردع أي خطر وتتوغل في أي أرض .. لكن فيه عندها الحس النبيل والفروسية في التعامل . ودي جزء من سياسة دولة كاملة إتشكلت وإترسخت مع الوقت . السيسي سماها بمصطلح (القوة الرشيدة) . وده اللي بيقوينا . إحنا ناس عاقلة مش متهورة
فلو المشكك فاكر إن الموضوع له طريقة واحدة للحل .. لازم يعرف إنه مكانش هيخطر على باله إن مصر تستعمل القوة + أسلوب الخراطيم في أكتوبر ، مكانش هيخطر في باله إن مصر تسترجع سيناء بالسياسة ، وإنها هتسترجع طابا بالقضاء .. مصر عندها أساليب كتير تاخد بيه حقها .. مابتعتمدش على الجعجعة
فلسفة الدولة حاليًا إن المشروع يتنفذ منه جزء وبعد كده يتم الإعلان عنه .. مش بتقول إحنا هنعمل كذا .. لأ إحنا كده بسم الله الرحمن الرحيم بنعلن عن المشروع الفلاني اللي بدأنا منه كذا وعملنا منه كذا وكذا .. يعني شغلنا بيعتمد على أرض مش تصريحات .. إثيوبيا عندها إسهال تصريحات .. إحنا لأ
فعلشان كده الناس بتقيس في مواقفها .. مين اللي صادق ومين اللي بيحور ومين اللي بيشتغل ومين اللي بيتاجر .. أنا مبقاش فارق معايا مين يصدق كلامي ومين لأ .. أنا بكتب اللي مقتنع بيه أصلاً .. لامحتاج حد يقول لي أقول إيه ولامقولش إيه .. علشان مدرك مسئولية إننا في حرب وجود لسه .. أيوه لسه
ياجدعان ده أنا دلوقتي بالمقارنة مع العديد من المصريين حاليًا أعتبر معارضة . تصوروا؟ .. أنا لو إتحطيت في مقارنة مع ناس حاليًا عددهم مش قليل .. اللي هيبصوا علينا هيقيموني معارض .. علشان بعرض الأمور بصورة المفكر المنطقي .. مش بصورة الداعم والمساند العاطفي .. ده مش تعييب على فكرة
أيوه .. فيه ناس كتير بدأت تتحمس بشكل عاطفي لدعم الدولة بعد ماشافوا النجاحات وبقوا مدافعين عنها بشكل قوي جدًا معنويًا .. أنا بقى بالرغم من إن سني 27 سنة وشوية بس علشان عشت المراهقة السياسية في الإنفعالات .. بقيت أقيم الأمور بعقلي بعواطف أقل .. ده بشكل لاإرادي كده .. التجارب بتعلم
بعد ماشفت مظاهرات وثورة وفوضى وإرهاب .. فهمت يعني إيه دولة ، فهمت يعني إيه دبلوماسية ، فهمت يعني إيه إقتصاد ، فهمت يعني إيه تنمية ، فهمت يعني إيه قضية أولى ، فهمت إزاي أدعم بلدي .. دي نعم من عند ربنا .. غيرنا يتمناها من كل قلبه وجوارحه 😞
جاري تحميل الاقتراحات...