١- إتخرجت من ٣ سنين بتقدير جيد جداً.. في آخر سنة خطبت واحدة كنت بحبها معايا في الكلية وبالعافية أهلها وافقوا عشان الماديات، وأبوها إتفق معايا إن قدامی سنة عشان أجيب شقة يا إما هيفسخ الخطوبة.. في خلال شهرين عملت أكتر من ٧٠ أنترفيو بدون مبالغة في شركات، لدرجة إن رجلي كانت بتورم...
٢- في الآخر إشتغلت شغلانة مبحبهاش لأن كنت محتاج الفلوس عشان ألحق أجيب تمن المقدم بتاع الشقة.. إشتغلت لیل ونهار وأوفر تايم، حتى الأجازات كنت بنزلها عشان البونص.. بعد ٦ شهور روحت البيت بليل مصدع جداً ونمت.. قمت مش سامع حاجة بودني اليمين..
٣- الدكتور قالي اني حصلتلى مشكلة في العصب السمعی وإن العلاج هيطول وهیکلف.. لما أهلها عرفوا خلوها تفركش الموضوع، وبعد شهرين إتخطبِت وبعد فترة إتجوزت.. حياتي إتحولت لأكل ونوم وعلاج.. مبقاش ليا أصحاب في الحقيقة، ولا أعرف حاجة عن حد ولا عايز حد يعرف حاجة عني..
٤- قفلت كل حاجة ليا ع السوشيال ميديا، وعملت الأكونت ده، كل اللي عليه ناس معرفهمش ولا يعرفوني.. صرفت كل الفلوس اللي حوشتها على العلاج ورجعت أسمع بودنی تاني.. من شهر بدأت أنزل شغل مبحبوش بيستهلكني نفسياً بس دا اللي لقيته متاح.. لما بزهق بخش الحمام أعيط وأرجع أكمل شغل عادی تاني.
جاري تحميل الاقتراحات...