هالموضوع خصيصًا ابغا اكتبه في ثريد وبالعامية علشان يكون سهل على الجميع يفهمه،الله سبحانه وتعالى رحيم ومن شدة رحمته يوم القيامة يأخذ قبضتين بيده من اهل النار ويضعهم في الجنة وتخيلوا ان هالاشخاص مهما بلغت ذنوبهم زنا، كذب ..الخ
اهم صفه فيهم تدرون ايش؟ -يتبع-

مايكون عندهم لأي عبد من عباد الله حق او مظلمة! يعني مايجي يوم القيامة شخص ويقول يارب هذا اغتابني ،هذا شتمني،هذا ظلمني،هذا تكلم في عرضي
تخيل يكون هذا عائقك من رحمة الله التي وسعت كل شي!
ياخي اتركوا "يوه شفتو فلانة المتبرجة اللي فيها وفيها؟ ،فلان اللي يتعاطى مخدرات ومااستحى -يتبع-

هل الشخص هذا ضرك؟صح اذنب وذنبه ممكن يكون عظيم عند الله ولكن انت عليك النصيحة ،المغلفة بالود والخوف على الشخص واذا ماتقدر او كان شخص مثلاً مشهور ، فأدعو له! انتبه يكون خصمك يوم القيامة! ترا الله عدل طالما هالإنسان ماضرك انتبه تغتابه او تتكلم عليه الذنب يحسب عليه مو عليك .. -يتبع-

يمكن الله سبحانه يوم القيامة يشمله برحمته ! يمكن يتوب من هذا الذنب قبل يموت ! ولنفترض انه مات على معصيتة وكان من اهل النار ياخي مالك وماله! انتبه يكون له حق عندك يوم القيامة بمجرد انك تكلمت عليه ! ترا اذا مسكت لسانك انت تنقذ نفسك من حساب يوم القيامة انت في غناء عنه! -يتبع-

اعراض الناس ، ابتلاء الله لهم ، انحرافهم عن الطريق هي اشياء لاتعنيك ولاتستحق ان تقف امام الله من اجلها يوم القيامة ، انتبهوا فوالله انها من اعظم الأشياء التي حتى رحمة الله لاتشملها وان انقطعت رحمة الله عن شي فهل تعتقد بأن بشرًا سيغفرها لك؟ فحتى التوبة لاتنفع ان لم يتنازل صاحبها.