على فكرة .. موضوع إستفزني جدًا ، يمكن أكتر من موضوع السد نفسه . وسؤالي لناس معينة
-
إنتوا عايزين الموضوع يتحل؟ ولا عايزين كلامكم يتحقق على حساب المصلحة العامة؟ ولاعايزين القيادة تفشل علشان تنتقموا من الناس اللي دعمتها؟ . بصوا ياجدعان . الموضوع دخل في الجد . شوفوا إنتوا عايزين إيه
-
إنتوا عايزين الموضوع يتحل؟ ولا عايزين كلامكم يتحقق على حساب المصلحة العامة؟ ولاعايزين القيادة تفشل علشان تنتقموا من الناس اللي دعمتها؟ . بصوا ياجدعان . الموضوع دخل في الجد . شوفوا إنتوا عايزين إيه
لو عايزين الموضوع يتحل .. محدش فيكم هيعرف هتتحل إزاي .. وده مش تقليل من عقليتكم ، هو الموضوع أكبر وأوسع في المعلومات وردود الأفعال من عقلنا الجمعي .. اللي يعرفوا بشكل أوسع بس هما اللي ماسكين الملفات على الأرض .. ساعدوهم ياخدوا القرار الصح إنكم تبقوا فاهمين مش مزايدين .
لو عايزين كلامكم يتحقق على حساب المصلحة العامة .. موضوع ليبيا كان مثال واضح .. عملتوا التويتة الموحدة بتاع الخطيب اللي جاله إستدعاء علشان موضوع ليبيا وساب خطيبته .. والمقارنات بين الجيش المصري والبتاع التركي ، وإن الجيشين مسلمين وماينفعش يضربوا في بعض .. والموضوع خلص بخط أحمر بس
أما لو عايزين القيادة السياسية تفشل . وبتستفزوها علشان تاخد قرار غلط . مابتسمعكوش . هي بتسمع للواقع والظروف والإحداثيات اللي على أساسها بتاخد قرار في أي خطوة . أقول لكم على حاجة (لو لاقدر الله فشلت)هندعمها لحد ماتنجح، الشعب ساند عبد الناصر لحد ماإنتصر★أيوه ، الراجل ساهم في النصر
لكن أنا متأكد إن مفيش فشل .. طالما بناخد بالأسباب ، وبنتوكل على الله عز وجل ، وقضيتنا حق .. يبقى مفيش فشل ، لكن أنا بفرض أسوأ الإحتمالات علشان تعرفوا التفكير بيبقى عامل إزاي .. طبيعة المصري إنه مش إنهزامي .. لما بيفوق من تعثر بيبقى أقوى ، ومابينكرش الجميل ولابيصدق الفشلة
ناس بوظت الدنيا في 2011م وخربتها أكتر في 2012م وكانت هتضيعها في النصف الأول من 2013م .. إيه مقوماتهم علشان نصدق كلامهم؟ لأ نسيونا ، وتاجروا بإسمنا .. وهما السببب اللي خلوني أعمل هاشتاجات ضدهم وأخش مواقع التواصل الإجتماعي لأني حسيت إن صوتي كمصري ضايع وسط هرتلتهم في الفضائيات
في نهاية كأس الأمم الأفريقية .. كان آخر هاشتاج ليا .. لأني شعرت وإتأكدت ، إن الدولة مبقتش محتاجة أصوات تدعم قرارها على الأرض .. الدولة إستقرت ، حطت إستراتيچيات للمستقبل ، مش هتحتاج هاشتاجات تأكد رؤيتها ، خدت الثقة ومنتظرة عقول تفكر معاها .. وده يرجعني لدوري إني أقول رأيي بس .
التويتة دي كانت خلاصة نقاش عن فكرة لأحد الأصدقاء ، عجبتني جدًا إننا لازم يكون عندنا قناة إخبارية مصرية عملاقة على الأرض .. بعديها بفترة لقينا الشركة المتحدة بتعلن عن حاجة بالخصوص ده .. يعني الفكرة المفيدة بتوصل . ومش شرط يكون بسببنا ، ممكن توارد أفكار
الخلاصة . إحنا متحمسين للحل ، متحمسين نأكد كرامتنا . بس مش على حساب عقلنا . تاني وتاني . أنا بتابع القضية بعيون مفتوحة ، مش بقول إني واثق وخلاص .لأ ، بحاول أشوف موقفنا والمواقف التانية وليه ده حصل وده إتأخر . أيوه ممكن أبقى شوية أبو العريف في بيتي . لكن بره بيتي لازم أشوف كل حاجة
فأنا مش هقول لكم ماتضغطوش على القيادة .. هي كده كده هتنفذ اللي شايفة إنه الأفضل والأقل خسائر .. علشان يهمها ثمار الإستقرار اللي تعبت في زراعتها وحصادها ، وفيه البعض اللي بيشكك فيها .. إذا كان الحاجة المرئية على مدى الشوف بيشككوا فيها وفي هدفها .. هيصدقوا موضوع زي اللي إحنا فيه؟
ماتوجعوش دماغكم ، أنا وجعت دماغي كتير والموضوع هيتعالج بالطريقة اللي تعتبر أنسب لظروفنا . ماتتعبوش نفسكم إلا في حاجة واحدة .تدعموا حقكم بالقلم . مش تشغلوا الأستيكة على أي حاجة بتعملها القيادة السياسية .طالما معرفتوش تخرجوا كوادر تعرف تبقى قادة . يبقى لسه مانضجتوش في إتخاذ القرار
لكن القيادة السياسية ، عرفت تصنع كوادر في مجالاتها .. الدفاع تطور تطور مذهل في أقل من خمس سنين ، الخارجية خرجت كوادر تعتبر أبطال في مواقفها وسمعة خارجية ممتازة ، الصحة .. موضوع كورونا أثبت عمليًا إن القطاع مذهل .. فاكرين أيام إنفلونزا الطيور والخنازير؟ .. الفارق شاسع ياجماعة
أول كادر برلماني حقيقي بعتبره بذرة نجاح .. محمود بدر .. اللي وقف قصاد الوزير البطل كامل الوزير وإتكلم عن واقعها شافها .. ورهن منصبه البرلماني على كلامه لأنه متأكد إنه صح .. ده راجل برلماني .. وأنا متوقعتش إنه هيبقى بالمستوى ده من التعامل بمسئولية .. ده اللي بتكلم عنه ياجماعة
في الختام يعني .. أنا مبرتبش كلامي وأنا بكتب .. اللي بيدور في دماغي بكتبه ، ممكن أكون شاطر بالفطرة في الكتابة التلقائية .. لكن ماأنفعش أبقى كاتب بشكل محترف ، ولايؤخذ برأيي في مجال الكتابة الإحترافي .. ماأدراك بقى بأمور تخص الأمن القومي للمنطقة الأكثر إشتعالاً في الكرة الأرضية 🤣
فيعني .. أهو 😑
جاري تحميل الاقتراحات...