بعد الخوض في مجال المساعدات للأسر المحتاجة، أولى الناس بالصدقة والمساعدة هم أهلك ثم أهلك ثم أهلك!
لا تقول أختي أو أخوي ماهم محتاجين، لأنهم يأكلون و يشربون و في أمن الحمدلله!
بعض الأحيان تضيق فيهم الدنيا لحاجتهم لاشتراك نت أو خاطرهم في حاجة معينة مايقدرون عليها.

البعض أشوفهم و أسمع عن مساعداتهم للناس و أهله ناسيهم إما غفلة منه أو اعتقاده بأنهم ماهم محتاجين.
اعزمهم مرة، طلعهم مطعم أو سينما. ممكن يبون يطلعون بس مايقدرون لأن ماعندهم فلوس.

حول لهم فلوس أحيانًا إذا احتاجوا وعشان كرامتهم اطلب منهم يرجعونها لك بعد سنوات أو إذا توظفوا و أنت طبعًا تبي تحفظ كرامتهم و ما تحسسهم إنك تشعر بالشفقة تجاههم ولا أنت حولت ونسيت.

حتى لو كان أخوك أو أختك متزوجين وأنت تعرف إنهم في حاجة ، أرسل لهم فلوس وقول لهم ماهي لكم، هدية لعيالكم عشان ياخذونها هم و مايحسون إنها صدقة.
إذا فعلًا تأكدت إن أهلك بخير، هنا يجي دورك تساعد الناس.

وحدة من الحالات الصعبة، ترسل عيالها لأهلها عشان ماعندهم نت ولا أجهزة و مايقدرون يدخلون المنصة.
ماأعرف إذا كانوا أهلها بخير و ماهم عارفين عن بنتهم و وضعها، بس راقب اللي حولك دايم وبتعرف.