لو جتلك فرصة تشتغل في اسرائيل هتقبل؟ قبل ما تجاوب فكر واستوعب العالم اللي عايشين فيه حاليا. لان مش معني انك شغال في اسرائيل انك لازم تكون في قلب تل ابيب! عادي جدا ممكن تبقي شغال لصالح شركة اسرائيلية او بتتعامل مع اسرائيلي من وانت في مصر (remotely)
من فترة كنت شغال علي مشروع كback end ومعايا في التيم شاب صغير لسة بيدرس بيشتغل flutter واثناء دردشة سألني علي موقف واقع فيه ممكن يتصرف فيه ازاي، وكان ان في عميل شغال معاه freelancing من فترة وفي مرة بعتله رقمه عشان يتواصلو واتساب لقي الرقم ظهر عنده انه من تل ابيب!!!
بيقولي انا مش عارف هل الارقام في فلسطين كلها بتظهر علي truecaller كدا ولا هو في اسرائيلي فعلا لانه بيتكلم عربي؟! وكان ردي عليه اني هسأله انت اسرائيلي؟ لو اه هقفل معاه التعامل واسلمه اللي اتنفذ من شغله وخلاص علي كدا لكن لو مش اسرائيلي فخلاص هكمل شغل عادي.
المشكلة الحقيقية كانت في استغراب زميلي في المشروع وان مش كدا تبقي عنصرية لما اساله سؤال زي كدا؟ واني مشوفتش منه حاجة وحشة وان التعامل بينا محترم وفي الاول وفي الاخر اللي بيني وبينه شغل!
دي مصيبة في حد ذاتها، مصيبة ان يكون المعيار بيني وبين اي اسرائيلي هو التعامل الشخصي!
دي مصيبة في حد ذاتها، مصيبة ان يكون المعيار بيني وبين اي اسرائيلي هو التعامل الشخصي!
بصرف النظر اني حرفيا بقرف منهم ومن شكلهم بس علي الاقل في معايير كتير تانية اكيد هي اللي هتحدد اذا كنت هتعامل معاهم ولا ﻷ. زميلي دا لسة شاب صغير معتقدش كمل 20 سنة وللاسف الشديد فاقد للهوية وللتاريخ وعلي قد ما حاولت مبينش ليه حزني عشان ميحسش بالرفض مني انا لكن فعلا كنت حزين
انا اول مرة اكتب في حاجة ليها علاقة باسرائيل او القضية الفلسطينية لاني مش من هواة التريند والكلام والشعارات، انا بتكلم في موقف حصل ووارد انه يحصل فعلا مع اي حد فينا ايا كان مجال شغله.. هتقبل؟ ولا هترفض التعامل مع الاسرائيليين؟
جاري تحميل الاقتراحات...